Δημοφιλή Βιβλικά εδάφια από یوہانان 14

Κοινοποίηση

جیدے، نگے کھیوجا نیامپو بورّاد، نگے جیدیبو کھیوجا تانّگاد، نگے جیدیبو دُنیائی می جیدے ژوگس مان۔ کھیوجاگونّی سیمسلا ناگس ماستان یانگ جیگس ماجیگس۔

حضرت عیسیٰ سی مولس، ”نگا نی لامبو، لدینبابو تانگ ثوگپو این، نگا چیگپو گیُودتے مانے سوجیگّانگ یابّی سکوندونلا مِیلیب۔

حضرت عیسیٰ مسیح کھونگرانگی لوبٹوگس گونلا مولس، ”کھیوجاگونّی سیمسلا ناگس ماستان۔ خُدے حُکم ایمان چوس یانگ نگیکانگ ایمان چوس۔

اِین نانگ یابّی نگے تشابسلا روگس زادکھان، ہلژخمہ رُوح کھیوجا کالا زادِین۔ کھونگی کھیوجاگونلا چیژانگما لابّا زادتے نگے شادکھان ژانگما کھیوجاگونلا ایدتو سکولاین۔

نگے کلام گون نیانتے ثونگکھانگون نی نگا چامسپا چوکھانگون اینوگ۔ نگا چیسپا چوکھانگونلا نگے یابّیانگ چیسپا چوا زادِین، یانگ نگیانگ کھونگونلا چامسپا چوستے، نگارانگ کھونگونلا سنگونچوگاین۔“

نگے یابّا دُعا چھوس یانگ کھونگی کھیوجاگونلا جان روگس زادکھانجیگ سالّا زادِین، کھونگ توسگیون کھیوجا نیامپو جوگساین۔ کھونگ نی میگون ٹانگپوے چھوگسلا ٹھیدکھان ہلژخمہ رُوح بو این۔ دُنیائی می گونّی کھونگی نانّگا ایمان میچو چیازیرنا کھونگونی کھونگ تھونّگا مانوگ یانگ شیسّانگ مانوگ۔ اِین نانگ کھیوجے کھونگ شیسّانوگ چیازیرنا کھونگ کھیوجے نانّگا ناستے کھیوجا نیامپو جوگسانوگ۔

بُوژے یابّا سپال کھیونگچیسّی پھیا کھیوجاگونّی چیجیگ نگے مینگی نانّگا جُووا پھولنانگ نگے کھیوجا تانگین۔ کھیوجے چیجیگی پھیا نگے مینگی نانّگا نگا جُووا پھولنانگ، نگے تیبو چوین۔“

حضرت عیسیٰ مسیح مولس، ”کالتیس کھیوجے نگا چامسپا چوادنا کھیوجے نگے کا تانگکھانگون ثونگاین،

نگے یابّی کھانگپے نانّگا ناسّا مانگپو یود۔ کالتیس میدپینّا نگے چیا زیرین نگا کھیوجاگونّی پھیا تیرو ناسّا ڈالڈیگ چوا چھاد۔

کالتیس نگا سونگتے ناسّا ڈالڈیگ چونا، نگا لوگستے یونگستے کھیوجاگون نگارانگ نیامپو ٹھیدتے کھیرین، تینے نگا یودسا کھیوجاگونّانگ دوگین۔

حضرت توماسی حضرت عیسیٰ مسیح زیرس، ”مسیح، نگاجا نیرانگ کارُو سکیودّا زادچیسپو گیوسمید، تینے نگاجا کازوگی تے لامبو شیساین۔“