Δημοφιλή Βιβλικά εδάφια από Mattayo 28

Κοινοποίηση

Mumu mubitaye, muwakitile mihuku yoha wanafunsi, kuwabatisa pa lihina lya Dadi ni lya Mwana ni lya Roho Mbalafu: kuwayigalisa wombe kugoha fyoha fila nikawataukili mwenga: na lola, nenga niyii pamonga nu mwenga magono goha, mpaka pa kumalakilana kwa miaka.

Na pakachiti Yesu, akalongili nawo, kujowa, Kipeliwi nenga chengo kyoha kunani na pa ndima.

Leka malaika akahigiti, nakajowiti kwa wadala, Mukotoke kuyogopa: pakuya nimanya kukita mundonda‐ndonda Yesu, yuawambiki pa msalaba. Ayilepe apa; pakuya asyukiti, ngati umu akajowili. Mwichaye kuni, mupalole pandu apa akagoniti Bambo.

Bahalapala Yesu awajowela, Mukotoke kuyogopa: muwukaye, muwatawalile walongo wangu kukita wabite ku Galilaya, ni kukulakula yawaniwone.

Na apa wakawunganiki pamonga na wakulu‐wakulu na wakapangini malango, wakawapili askari ndalama sya mahele, kujowa, Mujowaye, Wanafunsi wakachiti kilo kunjiwa apa tigonili. Ni wona iki kiyufwanika kwa nduna, tenga yatinkope yombe, ni kuwusa maholo pa mwenga. Wiwila wakayupiti ndalama, ni wakakiti umu wakayigilasiki: ni lilowe ili likawandasiki pagati pa waYehudi, mpaka ligono lya lilino.