Δημοφιλή Βιβλικά εδάφια από Zãn 14

Κοινοποίηση

Ń vaa lan, kɛ́ nin lɛ́ lé hũn-wiɛ̀ miɛ ǹ, nin lɛ́ niǹ hũn-wiɛ̀ miɛ ǹ. Ń yí nin lɛ́ lé miɛ ǹ kɛ̀a ie dímíɲɛ́ bòo lɛ ɛ́ lé dàa ɛ́ wóo lɛ́ lé wɛ̀. Mì bí hìení mí kuò, ɛ̀ mì lò bí zán wɛ̀.

Ɛ́ Yiezu zɔn bie lɛ́ à ǹ nɛ làa: «Ǹpe temu iè pe wṹn, ɛ̀ nin pe bɔ̀berà, ɛ̀ nin pe mɛkɛ̃nì. Nìnbírɔ ɛ́ yí dɛ̀ Yàá viì ɛ́ yá vɛ kɛ́ á yí khíi àá niǹ viì wɛ̀.

Ɛ́ Yiezu bĩniɛ zɔn bie lɛ́ mí kɛ̀ránzɛ̀ɓɛ̀ ǹ nɛ làa: «Mì bí lɛ́ nɛ mi hũn ɛ̀ yaa wɛ̀. Mì dɛsĩ̀ Dɔfĩn, ɛ̀ mì lò dɛsĩ̀ mi ǹ.

Kɛ́ mí Yíinírɔ, lɛ iè lè Mɛkɛ̃n-Sãanu lɛ ɛ́ kìe Yàá Dɔfĩn ɛ́ ɓén tɔní ɛ́ lɛ́ miɛ ǹ niǹ yèrè lɔǹ, ɛ́ te hɔ bòo míkùi ɛ́ ɓén kɛ̀rán àá miɛ, à lò ɓén lieníkɛ miɛ àá hɔ́ bòo lɛ ɛ́ ń bie lɛ́ miɛ ǹ míkùi.

À nìnbírɔ lɛ ɛ́ tɛ̀ niǹ ɲunù bienù bòo, à lò wóò vɛ bè lè ǹ, ɛ́ temu wɛ mi; àlɛ ɛ́ wɛ mi ɛ́ kìe Yàá ɛ́ ɓén wɛní, ɛ̀ ǹpe ɛ́ lò ɓiɛ̀ ɓén wɛní ɓàasɔ, ɛ̀ nin zɛ̃́ní niǹte àá ɔ́.»

Ɛ̀ ǹpe ɛ́ ɓén hɛ̃un ɔ̀ Yàá ǹ nɛ a tɔní nìnbí-ɓuɛ̀ ɛ̀ lɛ́ miɛ ǹ, à wé mí Yíinírɔ, ɛ̀ kań àá miɛ fúu. Ɓàasɔ iè hɔ̀ bɔ̀berà Mɛkɛ̃ni lɛ ɓɛ́ dímíɲɛ́ nìɛ ɛ́ yí dɛ̀ yá yí, iè hɔ̀ lɛ ɛ́ ɓɛ́ yí loo ɔ, ɛ̀ ɓɛ̀ lò yí dũ a wɛ̀. Kɛ́ mípe ɛ́ dũ a, iè hɔ̀ lɛ á wi àá miɛ fúu, à lò wi miɛ ǹ.

Ɛ́ bòo lɛ ɛ́ mí wóo ɓén hɛ̃un niǹ yèrè lɔ̀n míkùi ɛ́ ń wóo ɓén wé ɛ́ lɛ́ miɛ ǹ, bòo lɛ ɛ́ wé ɛ̀ ǹpe Zuú ɛ̀ lɛ́ hɔ́ ɓàarɔ́ ɔ̀ Yàá ǹ. Kɛ́ mí hɛ̃nnɛ bòo dɔ̀ niǹ yèrè lɔ̀n, ɛ́ nín wé hɔ́ ɛ́ lɛ́ miɛ ǹ.»

«Kɛ́ mí wɛ mi, ɛ́ mí ɓén wé hɔ́ bòo lɛ ɛ́ ń bie lɛ́ miɛ ǹ nɛ mi wé.

Vuò bɔ̀kùi ɛ́ wi kìe Yàá zũnù hũn. Kɛ́ vuò hṹn mí yán, nɛ ǹ hṹn yá ɓén bie ɛ́ lɛ́ miɛ ǹ nɛ nin vɛ sɛ́sɛ́ viì ɛ̀ dàá hìé miɛ wɛ̀.

Kɛ́ ń ɓen van sɛ́sɛ́a lè viì vɔ́, ɛ́ nín khũ̀á ɓen fé miɛ ɛ́ dàá vɛ niǹ viì, bòo lɛ ɛ́ wé ɛ̀ lè viì lɛ ɛ́ ń wi hũn, ɛ́ mí ɓiɛ̀ kań hũn.

Ɛ́ Toma zɔn khɛ́ lɛ́ à ǹ nɛ: «Ɲunsɔ, ké wo yí dũ le viì lɛ ɛ́ kɔ́ vaá-vɛ, ɛ́ ké wo wiɛ dàa dɛ̀ pelè wṹn ɛ́ dũń?»