Δημοφιλή Βιβλικά εδάφια από João 3

Κοινοποίηση

Xi noc cuhu' Te Iri' Jam ta ac con na. Om ca noc camain' cuhu' pain ca wari' nuhu' ma'. Je ca tomi' ca' cuhu' pata': Mi' xuhu' con Panxita' co xica' xat cwa'. Ma' ta om mama' cacain cote ne xe oro wari' co howa nonon ta nuhu' pata'. Ma' ta e' cara caca nuhu', ma' ta to ho' to ho' xam' cacapa' ta nuhu'.

Hwet roron oro wari' ta ara xi' napa' Te pahu' pane. Ma' ta to' witan momon napa' pahu'. Om ca tomi' ca' capa': Hwet roron, ac juiz ra cocon, em' hwe, xi om ne ca caracat nuhu' ta roron, om ca tomi' ac i ma' capa' pahu', om na. To' witan roron ta napa' pahu'. Je ca hwet roron capa' pahu' pane.

Om na ta Nicodemos ac con na Jeju. Wari' co om pan' qui' mami' ma', om ta hwet ac con Iri' Jam pain ca taramaxicon pe ca pain pawin ta. Tomi' iri'o' inem ta na ca tomi' con ma'.

Oro wari' co howa nanapa' ma', om ca tomi' mi' tococwa pain wap wa pain ca caracat nucucun. Oro wari' co om howa nana ma' iri nana ne, wara tomi' mi' tata pain ca wap wa pain ca caracat nucucun. Xi howa cacapa' pain ca xica' xat ta' pain ca Panxica ta' ca'.

Je ca tomi' mi' tococwa pain ca wap wa ma'. Hwet paxi' inonon pain ca ac naran ta' ca'. An hwet mi' paxi' inonon pain oro ca iri'o' wa con Te ma', pain ca noc cain ca caracat wa ma'. Ane noc cacapa' ne. Param e' nanain ca jitacat nein xim. Xi caracat ara caca ta.

Je ca tomi' xuhu' ca' ac tococwa na. Na e' na pain ca hwara' opa tamana pin ca Jeju pain ca mija pin caca co taxipa' nonon ta. Na e' na pain ca wijimain pin ne ca hwara' opa ne ca' quem, pain ca paric to pin cacapa' co taxipa' nanapa' cwa' na ca tomi' tococwa ma'.

Oro wari' co caracat taxipa' nana cwa', noc nanapa' pain ca ac naran ta' ca'. Om ca wixicam jun na cacapa'. Ma' ta om querec pin' cacaparut pain ca caracat nuxut oro wari' cwa' ta nana.

Om ta pi' ra ha' ne ca e' nucucun oro wari' co howa nonon Panxica. To ho' cara totoron Iri' Jam pain pawin. Oro wari' co om tomi' ha' nonon Panxica cwa' iri nana ne, om ta to ho' cocon Iri' Jam pain pawin. Mana' pan ac tococwa tara, wap tamana cara ac tococwa tara quem.

Win ca Moisés cara pane, pain ca quio caxi cocon oro wari' oro caxicon em' pain mahweri pane ac con na. An wa nain arain too ca quep an xiho' con em', an piri' xat ac cain na pain pana quem. Ma' ta xio pin hwe pain ca noro hwein ta tata oro wari' co quio caxi wawa pane. Ac i ma' tatarapa' oro wari' co noc nanapa' pain ca Iri' Wari' ta' ca' quem, na e' na pain ca an piri' xat xim cacapa' pain pana.

Iri' Jam ma', om ca noc con Panxica. Wum co iri' Taramaxicon ta non. Taramaxicon pe ho' rain oro carawa cocon oro wari' quem ta non.