Δημοφιλή Βιβλικά εδάφια από João 6

Κοινοποίηση

Om na, wata' co Iri' Capam' ca mi' nain ca e' cara wa ta. Win ne ca to' e' cuhu' capam' pain ca cao' hwein ma', ac i ma' ina pain ca to' e' cara xuhu' ca' quem ac tococwa na. Wari' co hwet napa' ma', wari' co howa napa' ma', om ta jain jain mami' cain oro caramaji macan' ca to' e' non ma'. Ac ca om cao' xita' na mami' ca tara, ac ca om toc xita' na mami' ca tara pain ca mi' pan ton pain carawa ca to' hohot non con Te ta.

Je Tamataracon Iri' Jam ca mi' nain ca e' cara wa. Wari' ma' iri na ne, om ca e' pan ac ca. Je ca tomi' xuhu' ca': Oro ca tomi' ne ca tomi' xuhu' ca', maqui' nain Tamataracon Iri' Jam. To' e' cara nonon oro wari' ta ac tococwa na.

Je ca tomi' xuhu' ca' ac tococwa na. Ta taramaja mi' hwein capam' ca om awi cara ma' me ta. Taramaja mi' jein capam' ca om pi' ra ha' ma', ca mi' nain ca e' cara wa pain pawin ma'. Mi' pan xuhu' pain, wata' pain ca Iri' Wari' ta' ca', mi' pan xuhu' pain. Tomi' ara xi' napa' pain Te Iri' Jam ta. Mi' roron pain ta napa' pahu' ta ac tococwa na.

Je ara xi' na ca param pan ca Te ma': Oro wari' co querec pin' nanapa' pain ca panxita' capa' ca', oro wari' co howa nanapa' cwa' quem, param tata pain ca e' cara caca pain pawin. Maqui' pin iri tara xec nein ca pi' pin ta' ne macan' ca' ne, to' e' mami' ac toton tara quem na ca tomi' tococwa ma'.

Om na, howa xine pain ca hwet roron oro wari' ta capa' Te pahu'. Je ca ara je cuhu' ma' ac tococwa na.

Mi' xim iri tarapa' cocon oro wari' Te ne, howa howa pi' pin ac cacapa' tara. Om ta tomi' in pin camain' toton co howa xim nanapa' ma'.

Om na ta Taramaxicon ne ac con na Simão Pedro. Ma' wari' xi ja' ja' urut quem? Wum co tomi' hwet naparut pain capijam ca mi' nain ca e' cara wa pain pawin ta.

Wata' co Iri' Capam' ca mi' nain ca e' cara wa pain pawin. Quiji' qui' inain pawin ta. Wari' co cao' napa' pain ca Iri' Capam' ta' ca', e' cara ac ca tara pain pawin. Capam' ca mi' ta' ta' ca', je cwere ca'. Mi' tain cwere. Ma' ta e' caca oro wari' ta ina na ca tomi' tococwa ma'.

Te ma', co hwet roron oro wari' ta napa' pane, wirico co tomi' tomi' na nonon oro wari' pain ca howa jun Panxita' cocon ma'. Mo ta om tomi' tomi' na cocon pata', om ta howa cacapa'. Om om tatara oro wari' co howa nanapa' pain ca om howa jun Panxita' tococwa ma'. Co howa xim nanapa' ma', to' e' mami' ac toton tara pain xec nein ca pi' pin ta' ne macan' ta.

Je ca tomi' xuhu' ca' ac tococwa na. Iri' Capam' nucun Iri' Jam ma', ca mi' ca ma', maqui' nain pawin. Mi' nonon pain ca e' cara wa oro wari' pain macan' ca' ac tococwa na.

Wata' co Iri' Capam' ca mi' nain ca e' cara wa pain pawin ta.

Cut ac cain na capam' Jeju. Tomi' ac con na Iri' Jam: Tomi' querec te urut pum pain ca mi' maparut pain capam' ca' quem Te non, maxiram' mi' ac tococwa pain na co xao to nanain i ma'. Ac i ma' na con hwam quem. Cao' cao' ma'am ac caca na. Ma'am pin iri nana ne, tomi' ac caparut na pain ca taxipa' urut con ca': Om ta waraju xin oro pawirinain ma'. Pan cut jein ta naparut.

Pan horoho pan horoho, to pira ca' ac urut pain na cacarain ma'. Am 5 ne tara quilômetro nein ca pan horoho urut ma', am 6 ne tara quilômetro ca pan horoho mama' urut ma'. Querec ac urut con na Jeju ma', pain ca xut cain quimain com ma'. Xut hwet naparut pain mam' horoho nuxut. Jin' tamana ac urut na. Om na, wata' ta. Ta jin' mahu' me ta ac caparut na.