Δημοφιλή Βιβλικά εδάφια από MATEO 13

Κοινοποίηση

Ba'ale' le i'inaj j pa'ak ti' ma'alob lu'ume', leti' le máaxo'ob tu yu'ubajo'ob le ma'alob péectzilo' tu na'atajo'ob, yéetel cu dzáico'ob ich. Dze'edzeque' tu dzaj ciento u yich, u láako'obe' sesenta, u láako'obe' treinta.

Le i'inaj j pa'ak ich ki'ixo'obo', leti' le máaxo'ob cu yu'ubico'ob le ma'alob péectzilo', ba'ale' cu sen tucultico'ob u ba'alo'obil le yóokolcaaba' yéetel cu tu'usulo'ob tumen le ayikalilo'. Tuláacal lela' cu cupic yiik le ma'alob péectzilo' yéetel ma' táan u cha'ic u yichanquil ti' le máaco'oba'.

Le máaxo'ob tu yu'ubajo'ob u tze'ecta'al u ma'alob péectzilil u ajawil ca'ano', ba'ale' ma' tu na'atajo'obe', beyo'ob le i'inaj j lúub tu tzéel le bejo'; cu taal kasilba'ale' cu lukesic le ma'alob péectzil j pa'ak tu pucsi'ikalo'obo'.

Le i'inaj j lúub ti' tzekelo' leti' le máaxo'ob cu yu'ubico'ob le ma'alob péectzilo' yéetel cu kamico'ob yéetel qui'imac óolal, ba'ale' tumen mina'an u mootzo'obe' cu t'ililo'ob chéen dze'edzec kiin, le quéen u mukyajto'ob yaayaj óolal yéetel ch'a'apachtajil tu yo'olal le ma'alob péectzilo', cu lúubul u yóolo'ob.

U ajawil ca'ane' bey je'el bix jun p'éel ayikalil muca'an ti' lu'ume'. Jun túul máaque' cu caxantic le ayikalilo', cu dzo'ocole' cu ta'aquic tu ca'a téen tu cúuchil; chuup u pucsi'ikal yéetel qui'imac óolale' cu bine' cu conic tuláacal ba'al yaan ti'e', cu dzo'ocole' cu manic le lu'umo'.

Ba'ale' u láak jun jaatze' j lúub ti' ma'alob lu'um, ca j ichnaj ma'alob, yaan tu dzajo'ob ciento, u yichi' u láako'obe' sesenta, u láako'obe' treinta.

Asab ma'alob ca a p'ate'ex u múuch' ch'íijilo'ob tac tu kiinil le jocho'; le kiin túuno' bíin in wa'al ti' le j meyajo'obo'; mole'ex táanil le kaakas xíiwo', ca a beete'ex u cúucuchal u ti'al tocbil, cu dzo'ocole' líikese'ex le trigo tin ch'iilo'.