Δημοφιλή Βιβλικά εδάφια από Luukas 17

Κοινοποίηση

“Ku imaan ku gargeereh yanek ugutaaki ishi araxalle aduu” lel akko yerhxe.

Lellecidde malxina gedda zambe sinak abeh, malxina gedda: ‘Otoobe’ yerhxeh sinalle gaxemko lel, alle xabtoona sinalle tane” akko yerhxe.

Tenko wuliti lel urem ishe yuble gedda, caazalle yufkuneh, wac-yerhxeyaako Yalla yeynebe. Kaa cawwatoyshitak lel nifih Yeesus iballe rade. Samaariyatto lel kuuk yine.

Atin sinneh selita! Sin sacal zambe abemko kaa oskoolofa, yotoobemko lel alle xaba.

Amayek sarrah lel Yeesus: “Timsiffiyem taman kuuk miyineho? Sagal awla yaniini?

Maddari lel: “Imaanko adrattot fireh idhdha taalliinim yakkeedo, ta naba xarhak: ‘Bukkutaaki badadde imtikkil’ akko tarhxindo, sin aabbe dhadhdhe.

Ishi aniina naggoysho farhinnanti tee yaylawo kinni, ishi aniina aylayinnanti laakin tee dhawrho kinni.

Yeesus ishi katattaynitik lel: “Zambedde sayishsham amiitekkah racto maki, amayim kaa sabbatah akko takko leti lel kaa careyta! Ta cindhaa maraako inketta zambedde sayishshamko, naba marhxan filladde akko tumudhdhuweh badadde cidditam akah ashshe dhadhdhe.

Nuux waqhtedde akah tekkeh tineeka balih lel, Xiyawti Barhih waqhtedde takko kinni. Nuux yemeeteh naba doonikidde orobe max fanah, amaa xiyaw beetak, aacubuk, marcishitak kee marcah amxawuk yinin. Cilish weeci yemeeteh lel inkoh ten yeylee.