Δημοφιλή Βιβλικά εδάφια από Yohanes 1

Κοινοποίηση

Tapi ma kokon dulun co norima-Eh, iyohonon kokon dulun co porocaya ma-Eh, Are mihi hak indan doh ika jarin kawan anak Mohotara.

Hiah kosulak eh, sorinai kokon aranaang tomoncipta, oko Are co tonisi ‘Antun Mohotara’. Are yoh homboh-homboh ma Mohotara. Are yoh ka iyohco Mohotara.

Kopandau cioh bocohaya nyan ponah kopindong. Kopindong aroko hegah ngalah eh.

‘Antun Mohotara’ ocop jarin ico kolunon. Are nukui nyan halo ito. Hintang ito ocop kito bahawa Are korinah tohormat. Are korinah tohormat tului Are iyohco Anak tungkan ingkan Mohotara Tama. Are porahan ma ito kokon kopion Mohotara hintang uras co bujur tintun Mohotara.

Mohotara moncipta kokon aranaang molalui Are. Amun arelu oko Are, maka arelu oko ico mahi aang co tomoncipta. Are iyohco sumer kobolum. Kobolum co ihi-Eh yoh iyohco Kopandau indan kolunon.

Ondo nyuap eh, Yohanes noto Yesus dombut hia are. Yohanes mantun, “Noto! Tuhboh Are, Anak Domba co tonyoruhan Mohotara ina dosan dunia lian tomampun.

Are oko nyan dunia. Dunia tomoncipta molalui Are. Tapi, kawan dulun nyan dunia aroko nyono ome Are sobujur eh. Are dombut hia bangsa-Eh leh. Tapi iroh aroko norima-Eh.

Iyohonon, Kopandau co tuu-tuu, Kopandau co dahat dombut hia dunia, hintang ngompandau kokon dulun.

Mohotara mihi porintah hintang poraturan-Eh nyan buku Hukum Torat molalui Musa. Tapi Mohotara mihi kopio-Eh hintang kobujur-Eh molalui Yesus Kristus indan to.