Δημοφιλή Βιβλικά εδάφια από Yohanes 12

Κοινοποίηση

Ome bewe co jere bogawi indang Kuh, are sobulih umba Akuh. Are angar oko nyan ika co samah ma Akuh.” Mohotara Tama angar mohormat sika dulun co bogawi indang-Kuh.

Dulun co menting tambung songai leh, sobujur eh are aroko angar ngohabaeh. Tapi dulun co aroko menting tambung songai leh nyan dunia tuh, maka are angar nyolindung eh indan kobolum co sumong kototahieh.

Porhatiboh cuntu cotuh: Opah ico koluang gandum tomimbun nyan ponah tana, luang gandum cioh sobulih matoi houn sorinai nyuluh jarin imbun. Amun luang gandum cioh aroko matoi, are tenden ico koluang leh. Tapi, amun are mongkup, maka are angar mohasir orong bua.

Akuh dombut hia dunia tuh sobagai kopandau, ika kokon dulun co porocaya ma-Akuh aroko nukui nyan ponah kopindong.

Akuh dombut ika nyolamat dulun, aroko ika mohukum dulun. Poko tului iyoh, amun oko dulun co ngoneh ajaran-Kuh, tapi aroko nuhit eh, aroh Akuh co mohukum are.

Paluh Maria mehen sotengah liter minyak harum co araieh narwastu, co asli. Minyak harum cioh darang lau tapi are nitik eh nyan paan Yesus holuh ngempet eh ma baloueh leh. Ngolauh lopo cioh jarin buan harum tuluieh

Jadi, iroh monu kawan tangkai palem holuh tulak nohawoh Are. Iroh ngororoho, “Nara boh Mohotara! Ihin aang co pio hinut Are co dombut ma kuasan Tuhan Mohotara! Ihin aang co pio hinut Laca dulun Israel!”

Tapi Yesus mantun ma iroh, “Ocop dapot waktueh Mohotara porahan bahawa, Anak kolunon korinah tohormat.