Δημοφιλή Βιβλικά εδάφια από Lukas 6

Κοινοποίηση

Mihi indan dongam, maka Mohotara angar mihi ikan aang co holowi-holea co ocop tonakan eh pisit-pisit indam me. Mingkat eh: Ukuran takan hapam me ika ukuran me ma dongam, Mohotara angar hapo takan co samah ma iyoh ka indam me.”

Isan iyoh ka dulun co pio pokusit aranaang co pio awi songaieh pio. Dulun co aroko pio pokusit aranaang co aroko pio awi atoieh jahat. Awi kawan antun dolang co pusit ingkan bauieh yoh, pusit ingkan ponah atoi ka.”

Tapi ikan sobulih mongasihi musuh. Nompi aang co pio ma iroh. Potindah iroh aroh boharap lian tonompuli. Amun ikan nompi aang co isanioh, baleh eh angar bahai. Ikan angar jarin kawan anak Mohotara Co Poko Hunyung, amun ikan nompi aang co samah isan co tongompiai-Eh. Are pio ma kawan dulun co aroko monau maindeoi bosukur, isan iyoh ka tohimo kawan dulun co jahat.

Ikan sobulih mongasihi, samah ma Mohotara Tamam mongasihi ikan.”

“Aroh momutus dongam, maka ikan aroko angar tomohakim Mohotara. Aroh nyait nyala dulun, maka ikan aroko angar tonyala Mohotara. Sobulih mongampun dongam, maka Mohotara angar mongampun ikan.

Yesus ngompaluh kopomajar-Eh, “Ikan co ngoneh Akuh, Akuh mantun: Mongasihi bat kawan musuh me. Nompi aang co pio ma dulun co dolee ma ikan. Mantun aang co pio hinut ma dulun co hotulut ikan. Bodoa leh indan dulun co nompi aang co jahat ma ikan.

Nompi aang co pio ma dulun bokon, samah rimai ma ikan jere dulun bokon nompi aang co pio ka ma ikan.

Amun dulun ngapek sobiam mu co silai olueh ngapek sobiam mu co silaieh kole. Amun jubah mu tomorampas, mihieh ka barun lapis jubah mu yoh. Amun oko co nyawot ome bewe ma iko, mihieh! Amun barang mu tomorampas, aroh nyawot eh hopuli!

“Kolunon tuh isan kaju. Kaju co pio mositi buaeh pio. Kaju co aroko pio mositi buaeh aroko pio.

Kokon kaju tonyono ingkan buaeh. Aroko tonai hobua ara ingkan pulou humput duhi. Aroko tonai ka hobua angur ingkan pulou uru co boduhi.