Δημοφιλή Βιβλικά εδάφια από YA-SFADOCI JRNE 3

Κοινοποίηση

Xvga yone u tasi vhqalatv Mvnatu ini yalakuqvh-kvmigigi, waciganvhi meliwa u nakudo-srkvnvli u Qihfvli, wvhsi goqa-nafv-grci dapwahtv-wrta nili bur iqinaci, wakv bonvgi goqa-lrqvsi la-nvwawewa.

Xvga Mvnatu mvtv u tah wrwenaskvwrli nili Uqihhmrli ini yalakuqvh-kvmigigi wvhsi wiah-lvhkuwrtv-malici ini yalakuqvh-kvmigigi; wakv wi hini yalakuqvh-kvmigigi wrpvnasdodagi srpwi nili.

Jesise rpvfsa macimi, Tapilo, tapilo, gi tala nelv, Waci-waphi wiyafv mvivgi usgi-lanvwawita, mvtv inv u tvh kvtvwi nama ini ugimrwi-drmkumi Mvnatu, u talrli.

Hinv da-dapwahtv-wrtv nili mvtv wiah-lvhkuwrfu : inv buryr dapwahsatv naiahkv mahtvh-kuwrfu, xvga inv mvtv naiahkv u dapwahtv ini u wefowa inv nakudo-srkv u Qihfvli Mvnatu.

Chena vlv-yomv ini lvhkuwrfowa, yasi ini wvivhfayrgi ini yalakuqvh-kvmigigi biayrgi, macimi ilaneki vhqalatv-muwrci grjekv ini bapagijrgi notv ini wvivhfayrgi; xvga u pakvtafewanwv mvjrfi.

Qelv’ hinv wa sqelafi, wakv nelv qelvhi na hujagelafi.

Xvga jrgi wiyafv majrfigi yasi lvwetv u segalatv ini wvivhfayrgi, macimi mvtv ini wvivh-fayrgi ivh si biawv, belapa u pakvtafewanv wih mvdrtudodali.

Hinv da-dapwahsatv nili Uqihfimrli u bonv goqa-lrqvsi lanvwawewa; wakv inv buryr malunah-tvwrtv nili Uqihfimrli mvtv wah nama lanvwawewa, wakv ini u gidawa Mvnatu wa vdali weyrgi.

Chena yasi Mosise nemvtwhrci nili mvnadoli ini Ir belasgi, yone datapilvhi qelvhi inv u Qihfvli ilani si nemvdhofuci

Hinv Ufimv ut vhqalamrli nili Uqihfimrli, macimi u laciwilici si meliwa jrivhki wiahi.