Δημοφιλή Βιβλικά εδάφια από Luke 4

Κοινοποίηση

"ဆင်းရဲဆာရက်အင် ကယ်တင်ကဇိစ် သတင်းတူးယင် ဖြန့်ဝေကဇိစ် ငါယင် ဘုရားရှင်နာ ရွေးကော်ကဖြစ်ဟေ။ အကျဉ်းဟြန်တုန်းကလူးရက်အင် လွတ်ငြိမ်းချမ်းသာခွင့် လှုကဇိစ်၊ အမိတ်အပေါ်ကလူးရက် အလင်းလှုဇိစ်ကအိမ် ဒုက္ခဆင်းရဲခံစားတုန်းကလူးရက် လွတ်မြောက်အန်က ဖြစ်ကြောင်းယင် ကြေငြာကအတွက် ဘုရားရှင်စာ ငင်ဖြောက်နက်အန်ဟေ။ မှကာလအချိန်နာ ဘုရားရှင်နာ အမာကမဟာဂရုဏာတော်ယင် ဆနပ်ဟေကား အချိန်အခါဖြစ်ဟေ။

ညီးငါ့ဒင့်ယဲ့ ကိုယ်တော်ယေရှုနာ "နင်ကရှင်သခင်ဖြိုက်ဟေကား ဘုရားရှင်တစ်ပါးတည်းယင်မယ် ဆာဗာ(ဖ်)ပေါ်ကား၊ အမှာဂါးအမှုတော်ယင်မယ် ထမ်းဆောင် ပိုဂါးငါးဂို့ ကျမ်းစာဖော်ဆနက်တက်ဟေ" ငါ့ကို မာရ်နတ်အင် ပြန်ဂို ဖြေလင်ကဟေ။

အိမ်မာကရပ် ကိုယ်တော်နာ "လူရက်နာ ဆာဂါးအူဂါး ဆူးဝါတည်းကအတွက် အဆက်ဆီးတုန်းဟေကားအရိပါ(လ်) ငါးဂို့ ကျမ်းစာယာ ဆနပ်ပီဟေ" ငါးဂို့ ငါလင်ကဟေ။

ကျီးကအိမ် ကိုယ်တော်ယေရှုနာ ဉာဏ်အလင်းတော်အိမ်မက်တာငါ့ကို ဂျော်ဒန်မြစ်အာဘင်း ပြန့်ဗန်(ဖ်)ကို ဉာဏ်အလင်းတော်ကဦးဆောင်မူအိမ် မလိမ်းကန္တာရအတာဟုန်းငါ လင်လင်ကဟေ။

မှအခါ ကိုယ်တော်ယေရှုယဲ့ "နင်ကား ဘုရားရှင်ငင် အစမ်းသပ်ပိုပါ(လ်)ကငါးဂို့ ကျမ်းစာယာ ညွှန်ပြပီးဟေ" ငါးဂို့ ငှားလင်ကဟေ။

မာရ်နတ်ယေ့ ကိုယ်တော်ယင် အမှာဂါစမ်းသပ်မှု အမျိုးမျိုးလုပ်ကျီးကရပ် ကိုယ်တော်ယေရှုကမှဘင်း ပြုကလင်ဂို့ အယိုးကားအခွင့်ရေးမီဂါး စောင့်တုန်း လင်ကဟေ။

ကျီးကအိမ် မာရ်နတ်နာ ကိုယ်တော်ယင် စောက်ဟေကတဂိုးဖုံးဝါ အော်လားကလင်ဂို့ ကမ္ဘာပေါ်ကငါဟေကား နိုင်ငံဆန်စူရက်အင် နာရာဆာအိမ် ဆနပ်လင်ကဟေ။ မာရ်နတ်နာ ကိုယ်တော်ယင် "ငါဇိစ် အီပီဒက်ကား တန်ခိုးအာဏာဆန်စူအိမ် ဘုန်းတန်ခိုး စည်းစိမ်ရက်အင် ငါအီကက်ကားလူးဇိစ် အီလူကအတွက် နင်ဇိစ် ငါအီကား။ ငါယင်ရှိခိုးကိုးကွယ်နဲ့က(လ်) မှအူဇာစုတ်ရက်အင် နင်ဇိစ်အီကား"ငါ့ကို င့လင်ကဟေ။ ညီးငါ့ဒင့်ယဲ့ ကိုယ်တော်ယေရှုနာ "နင်ကရှင်သခင်ဖြိုက်ဟေကား ဘုရားရှင်တစ်ပါးတည်းယင်မယ် ဆာဗာ(ဖ်)ပေါ်ကား၊ အမှာဂါးအမှုတော်ယင်မယ် ထမ်းဆောင် ပိုဂါးငါးဂို့ ကျမ်းစာဖော်ဆနက်တက်ဟေ" ငါ့ကို မာရ်နတ်အင် ပြန်ဂို ဖြေလင်ကဟေ။

အယောက်ဟက်တာ မာရ်နတ်မင်းနာ ကိုယ်တော်ငင် ဂျေရုဆလင်မြို့ယာက ဗိမာန်တော်က အမြင့်ဆုံးနေရာထနဲ့ အော်လားလင်ကဟေ "နင်နာ ဘုရားရှင်ဂါးအဆာမှန်နဲ့ မှနေရာဘင်း ခုန်နက်အင်။ ဘုရားရှင်နာ နင်ငင်စောင့်ရှောက်ကဇီး ဟမန်းဒေဝါရက်အင် ငှားပီးဒက်ဟေငါ့ကို ကျမ်းစာယာ ဆနပ်ပီဒက်ကအတွက် နင် ကနာလင်ကားအရိ(လ်)ပါ(လ်)။ နင်ဂါးအတာရက်အင် တလုံရက်အိမ်တိုးဇရိုးဂို အကာနာဇာရောက်မှ အမှာရက်ကားတူးဟူးအိမ် ကဘယ်ပီးယိုင်ဂါး" ငါးဂို့ ငှားလင်ကဟေ။ မှအခါ ကိုယ်တော်ယေရှုယဲ့ "နင်ကား ဘုရားရှင်ငင် အစမ်းသပ်ပိုပါ(လ်)ကငါးဂို့ ကျမ်းစာယာ ညွှန်ပြပီးဟေ" ငါးဂို့ ငှားလင်ကဟေ။