Δημοφιλή Βιβλικά εδάφια από Luke 7

Κοινοποίηση

ယင်းဟာကြောင့် အသင့်ကိုငါပြောချင်ဟာက ဒေမမါ့ရဲ့ အပြစ်တိ အများကြီးကို ခွင့်လွှတ်ခံရဟာက သူမရဲ့ ချိုက်ခြင်းမေတ္တာတရားကြီးမားဟာကို ပြသနီဟာဖြိုက်ကြောင့်တေ။ ယကေလဲ အနည်းချေရာ ခွင့်လွှတ်ခံရရေလူဟာ ချိုက်ခြင်းမေတ္တာအနည်းချေကိုရာ ပြရေ” လို့မိန့်တော်မူခရေ။ ယပြီးကေ ကိုယ်တော်က ယင်းမမါ့ကို “သင့်အပြစ်ဒုစရိုက်အားလုံးကို ခွင့်လွှတ်လိုက်ယာ” လို့မိန့်တော်မူလိုက်တေ။

ယေတာလဲသို့ ကိုယ်တော်ယေရှုက ယင်းမမါ့ကို “အသင့်ရဲ့ ယုံကြည်ခြင်းက အသင့်ကို ကယ်တင်လိုက်ဟာဖြိုက်ဟာကြောင့် ငြိမ်းငြိမ်းချမ်းချမ်းလားနိုင်ရာ” လို့မိန့်တော်မူလိုက်တေ။

ယပြီးကေ ယင်းမမါ့ဟာ ကိုယ်တော်ရဲ့အနောက်ကိုလာပြီးကေ ရပ်ပနာငိုရင်းနဲ့ သူမရဲ့မျက်ရည်တိဟာ ကိုယ်တော်ရဲ့ ခြီထောက်ကို စွတ်လားဟာကြောင့် သူမရဲ့ဆံပင်တိနဲ့ သုတ်ပီးလိုက်တေ။ ယေပနာ ကိုယ်တော်ရဲ့ ခြီတော်အစုံကို နမ်းလိုက်ပြီးကေ ဆီမွှီးနဲ့ လိမ်းပီးခရေ။

ယင်းအပြင် ကျွန်နော်ဟာလည်း ကိုယ်တော်ပါးကို လာတွိ့ဖို့မထိုက်တန်လို့ထင်ပါရေ။ အရှင် အမိန့်ပီးလိုက်ဟာလောက်နဲ့ ကျွန်နော့်ရဲ့အစီခံဟာ ကျန်းမာလာပါလိမ့်မယ်။ ယင်းပိုင်ပြောရဟာက ကျွန်နော်ကိုယ်တိုင်လည်း အထက်အရာရှိရဲ့ လက်အောက်မှာ ဟိပိုင်မျိုး ကျွန်နော့်လက်အောက်မာလည်း တပ်သားတိမကန်ဟိပါရေ။ ကျွန်နော်က တပ်သားတစ်ယောက်ကို ‘လား’ လို့ပြောကေ သူဟာ လားရပနာ၊ ‘လာ’ လို့အမိန့်ပီးလိုက်ကေ သူဟာ လာရပါရေ။ ကျွန်နော့်အစီခံတိကို ‘ဒေဟာလုပ်’ လို့ပြောကေ သူရို့မာ လုပ်ရပါရေ” လို့လျှောက်တင်ခိုင်းလိုက်တေ။ ယင်းစကားကို ကိုယ်တော်ကြားတဲ့အခါ အံ့ဩလားပနာ သူ့နောက်ကလိုက်လာတဲ့လူတိကို လှည့်ကြည့်ပြီးကေ “အသင်ရို့ကို ငါပြောမေ။ အစ္စရေးလူမျိုးတိထဲမာ ဒေလောက်ယုံကြည်မှုကြီးရေလူကို မတွိ့ဖူးသိမ်း” လို့မိန့်တော်မူလိုက်တေ။

ယင်းအချိန်မာ ကိုယ်တော်ဟာ အနာရောဂါသည်တိ၊ ဖျားနာနီတဲ့လူတိနဲ့ မကောင်းဆိုးဝါးဝင်ပူးခံနီရရေလူတိကို ကုသပီးပြီးကေ မျက်စိကန်းနီရေလူတိကိုလည်း မျက်စိပြန်မြင်ရအောင် ကုသပီးခရေ။ ကိုယ်တော်က ယောဟန်ရဲ့တပည့်တိကို “မတ်ရို့မြင်ခ၊ ကြားခဟာတိကို ယောဟန်ကို လားပြောလိုက်ပါ။ မျက်စိမမြင်ရေလူတိဟာ မျက်စိ ပြန်မြင်ကတ်ယာ။ ခြီတိလက်တိ မသန်စွမ်းရေလူတိဟာ လမ်းလျှောက်နိုင်ယာ။ အနာကြီးရောဂါသည်တိဟာ ရောဂါပျောက်လားခကတ်ယာ။ နားမကြားရေလူတိဟာ နားပြန်ကြားခယာ။ သီခရေလူတိလည်း ပြန်ရှင်ကတ်ယာ။ ဆင်းရဲရေလူတိလည်း မင်္ဂလာသတင်းကောင်းတိ ကြားနီကတ်ရယာ။