Δημοφιλή Βιβλικά εδάφια από မးသဲ 13

Κοινοποίηση

ပ​ရၤ​ဆါ ပၠၤ​အ​နံၤ ဘဲာ် တဲၤ ခွံ​ထဲၢ်​အ​လၤ​တ့ၢ်​ဒဳ​ဟၣ်​ဟၱး​အ​ဝၱၤ​အ​ခဳး​တ​ပွဲၤ​မၱာ် ပၠၤ​ထဲၢ်​အ​သၱာ်​ဟဲ ဘဲာ် တဲၤ​လ့ၢ်​တဲၤ​ဝှဲး​ကၱာ် အ​တီၤ​နံၤ​ဖၱး နံၤ​တ​ပွဲၤ​နဳၤ, ပၠၤ​အ​ယဳၤ​တ​ပွဲၤ​က​သဲာ်​ထာ်​ဖီ​ထာ် တ​ပွဲး အ​ပျာ်​တ​က​ယဲၤ​အီၣ်, အ​ပျာ်​အ​ၡံ​သါ​သိး​အီၣ်, ကၱာ် အ​ပျာ်​ဆဳ​ၡံ​အီၣ်.”

ကၱာ်​ဒီ​ပၠၤ​အ​နံၤ​ဘဲာ်​တဲၤ​ခွံ​ထဲၢ်​အ​လၤ​တ့ၢ်​တၤ​ဆူး​တဲၤ​ဖၱ ကျဲ​တ​ပွဲၤ​နဳၤ​မၱာ်​ပၠၤ​အ​သၱာ်​ဟဲ​ဘဲာ်​နီၣ်​သီ​တဲၤ​လ့ၢ် တဲၤ​ဝှဲး နှီ​နူၤ, အီၣ်​အံာ်​တဲၤ ဘဲာ် ၡဳ​အံာ်​လၢ်​ခဳး​အ​တဲၤ​ကၱာ် ဝှိ​ထဲ အ​တဲၤ​လှီး​ပျဲာ် ဘၱာ်​ဘိ​သံ​တဲၤ​လ့ၢ် တဲၤ​ဝှဲး ဒဳၣ်, အ​တ​ဖီ ထာ်​သဲာ်​ထာ်​နီး​တ​ပွဲၤ​နဳၤ.

ဘ့​ပၠၤ​တ​ပွဲၤ​ပွဲၤ​ဆီး​ခ့​န့း​မီၢ်​ခဳး ထံ​က့ၤ​အ​လ့ၢ်​အ​ဝှဲး, စ​တ​သၱာ်​ဟဲ​အ​ထာ်​ပဳၤ​ထာ်​ဘါ​နီး နဳၤ, တဲၤ​ကၱ​ကဲာ်​အ​မူၤ​ပွ့ၤ​လ့ၤ, ကၱာ်​ဖၱး​ကဲ​တ​ပွဲး တဲၤ​ထဲၢ် အ​အီၣ်​ပၢ်​လၤ​စ​သး​ပူၤ​နဳၤ, အ​ယဳၤ​မၱာ်​ပၠၤ​ထဲၢ်​အ​နံၤ​ဘဲာ် တဲၤ​ခွံ​အ​လၤ​တ့ၢ်​ကျဲး​ဧဳၤ​လီၤ​တ​ပွဲၤ​နဳၤ.

ပၠၤ​ထဲၢ် အ​နံၤ​ဘဲာ်​တဲၤ​ခွံ အ​လၤ တ့ၢ်​လဳၤ​ခြး​ခဳး​တ​ပွဲၤ​နဳၤ မၱာ်​ပၠၤ အ​ဆီး​ခ့​န့း​တဲၤ​လ့ၢ်​တဲၤ​ဝှဲး ကၱာ်​အ​တီၤ​နံၤ ပျာ်​ပျါ တဲၤ သး​လဳၢ်​သး​လၤ​အံာ်​အ​ပူၤ​တ​ပွဲၤ​နဳၤ. ပ​ရၤ​ဆါ, အ​ခၣ်​ဝံၤ​တ​အီၣ်​နီး​ကၱာ်​အ​အီၣ်​တ​ဒဳး​လီၤ, ဘ့​တဲၤ​လ့ၢ် တဲၤ​ဝှဲး​အ​စဲ, တဲၤ​ပၤ တဲၤ​ဆဲ ကၱာ်​တဲၤ​လိၤ​မဲၤ​ဆဲး​ညဲ အီၣ်​ထာ်​နဳၤ, စ​တဲၤ​ဘူၣ်​ဟဲး​ကဲ​တ​နၢ်​တ​ပွဲး.

“​မီၢ်​ခဳး​အ​ထံ​အ​က့ၤ​မဲၤ​အ​စာ်​ဘိ​တဲၤ​အ​လံၢ်​ဓဳၤ ပွၱၤ​သဲ​တ​ဓဲ အ​အီၣ်​ဟူၣ်​ဒဳ​လၢ်​ခဳး​တ​ကျး​ဝး​အ​ပူၤ​နဳၤ, ထဲၢ် ပၠၤ​တ​ပွဲၤ​ပး​နံၤ​ဝှါ, စ​လဲၢ် ဟူၣ်​တ​စဲ​ဒီ​နဳၤ. ကၱာ်​ဒီ​စ​သး က​နၢ်​အံာ်​အ​စဲ, စ​က့ၤ​ဆဲ​လဳ​စ​တဲၤ ကၱာ်​စ​ပွၱၤ ကဲၤ​လၢ်​ခဳး အ​နဳၤ​တ​ကျး​ဝး​နဳၤ.

ပ​ရၤ​ဆါ, တ​စီာ်​စီာ်​လၤ​တ့ၢ်​ဟၣ်​ဟၱး​ဝၱၤ​အ​ခဳး, ကၱာ်​ဒီ​အ​သဲာ်​ထာ်​နံၤ​ကဲၤ​အ​ပျာ်​အ​က​ယဲၤ​အီၣ်, အ​ပျာ်​အ​ၡံ​သါ​သိး​အီၣ်, အ​ပျာ်​ဆဳ​ၡံ​အီၣ်​အီၣ်.

အ​က​ဓဳၤ​ထာ်​ဒီ​ဧဲၤ ကၠံၢ်​ဓဲ လဳၢ်​လဳၢ်​ထိ​ဘူၣ်​မှံ​ခဲ​နဳၤ. ကၱာ်​ဘ့​ဘူၣ်​မှံ​ခဲ​နဳၤ​ယ​မှဲး လၤ​ကီ​အ​ကဲာ်​ဘူၣ် တ​စီာ်​က​ယဳၤ. “​ၡး​ဖျီး​ထာ်​အူ​ဆူး​မံၤ နှဲး, ကၠၱၢ်​ကျဳၤ​တ​ဓိၤ​တ​ဓိၤ​စာ်​ဘိ​ထဲၢ်​က​ဘိ​ကဲၢ်​ထာ်​အံာ် မှၱး​နဳၤ. မၱာ်​ဘူၣ်​နဳၤ, တီး​နံၢ်​က့ၤ​ပီၢ်​ယ​ဖါ​ပူၤ,” ယ​မှဲး​လၤ ကီ​စဲာ်​ဒဳၣ်,’ စ​ဒီၣ်​လၢ်​ဝၤ​ဒဳး.”