Δημοφιλή Βιβλικά εδάφια από Mothi 28

Κοινοποίηση

Nalaʹte ape caketeʹ sanam jâtniʹ âdmiko Ingren cela banokope. Baba, Hopon ar Pobitro attaoaʹ nutumte angko bâptisma makope. Ingte ape jeko sanam hukum makaʹpeing ana palonlaʹ angko cetʹkope. Lelpe, jugnaʹ caba dhâri sanam somai Ing ape sao saote miningâ."

Tâkhni Jisu sorre hiʹketeʹ angko niâ katha metakeʹkoe, "Issorte Ing sorgo ar dhârtirena sanam khomota makâdinge.

Âni sorgodutte rejako metakeʹkoe, "Ape alo botoroʹape, karon ing baṛeing, je kurusre maholena apete âni Probhu Jisugi sendraikanape. Âni naṛe bânuiâ, karon âni goiʹ khoiʹ jiuitʹ beretkane. Hijuʹpe, Âni jeṭheʹ gitiʹlene, ana jaga lelpe

Tâkhni Jisute angko metakeʹkoe, "Alo botoroʹape, ape caʹpe, Ingren celako khobor makope jeko Ingren boiha laka, jate angko Gâlilre caʹako. Aṛe angkote Ing lelnamengkohaʹ."

Tâkhni marang purohit ar harme netako miʹṭheʹketeʹ poramorsokedako ar angko jogeyiʹ âdmi aima ṭhep maketeʹ metakeʹkoako, "Ape menpeha je, 'Ale nindâ jâkhni jâpitsanale tâkhni Jisuren celakote Âni komroketeʹ idikâdiako.' Niâ katha judi marang sasoniʹ Pilât atenname tahale alete âni bujhuilehaʹ ar sâstinaʹ ti khoiʹ ape bocopeleha." Tâkhni angko ana ṭhep engekedako ar angko alka metaholena engkagi menkedako. Tihin dhâriʹ ana katha Jihudiko talare pasnomenaʹa.