Δημοφιλή Βιβλικά εδάφια από रोमियो 6

Κοινοποίηση

क्यूंकै पाप री मजूरी तो मौत है, पण परमेसर रौ फोगट रौ वरदान म्हौरै परभु मसीह यीसु में अनत जीवन है।

थां ऊपर पाप रौ राज नीं होवैला, क्यूंकै थै व्यवस्था रै सहारे नीं जीयो हो, बल्कि परमेसर रै अनुग्रह रै सहारे जीयो हो।

उणरी मौत में बतिस्मो लेणे ऊं म्हौ भी उणरै साथै बूर दिया गिया हा, ताकी ज्यौ परमपिता री महीमामय सगति रै जरियै यीसु मसीह नै मरयोड़ौ में ऊं जिलायौ गियौ हो, व्यौंही म्हौ भी एक नयो जीवन पाओ।

अर नीं अपणै अंगो नै अधरम रै हथियार होणै रै लियै पाप नै सौंपो, बल्कि अपणै आप नै मरयोड़ौ में ऊं जी उठयौ जांणनै परमेसर नै सौंपो, अर अपणै अंगो नै धरम रै हथियार होणै रै लियै परमेसर नै सौंपो।

म्हौ ओ जांणौ हो की म्हौरौ पुराणौ स्वभाव यीसु रै साथै ही सूली माथै चढ़ा दियौ गियौ हो, ताकी पाप ऊं भरयोड़ौ म्हौरौ सरीर नास हो जावै। अर म्हौ आगै रै लियै पाप रा गुलाम नीं बण्या रैवौ।

इण तरैह थै अपणै लियै भी सोचो की थै पाप रै लियै मर चुका हो, बल्कि यीसु मसीह में परमेसर रै लियै जीवता हो।

तो वळै म्हौ कांई कैवौ? कांई म्हौ पाप ही करता रैवौ, ताकी परमेसर रौ अनुग्रह बढ़तौ रैवै? कदैई कोनीं। म्हौ जिकौ पाप रै लियै मर चुका हो पाप में ही कीकर जियोंला?

कांई थै कोनीं जांणौ, की जिणरी आग्या मांनणै रै लियै थै अपणै आप नै दासो रै ज्यूं सौंप देवो हो, तो थै उणरा दास हो? अर जिणरी मांनौ हो, चाहे पाप रौ जिणरौ अनत मौत है, चाहे आग्या मांनणै रौ जिणरौ अंत धारमिकता है।

बल्कि परभु रौ धन्यवाद हो की जे थै पाप रा दास हा, थै अपणै मन ऊं उण उपदेसो री रीति नै मांनी जिकौ थांनै सौंपी गई ही। थांनै पापों ऊं छुटकारो मिळग्यौ अर थै धारमिकता रा दास बणग्या हो।