Δημοφιλή Βιβλικά εδάφια από Matayo 28

Κοινοποίηση

Kwasawuli yino, mubite kwa vanu va inyi tseka mukavadite vave vadahitswa vangu, kuno mukuvabatitsa kwa Litawa lya Dada, na Mwana, na lya Muhe va Mulungu. Muvadahitse kibata ndongwa tseka tso ntsivalajitse henye. Heni nguva hamwe na henye siku tseka mbaka hawudugo gwa fipindi.”

Yesu akahejelelaje habehi na kuvalonjela, “Melitwe wuvina weka wa kutavala Kilanga na mu inyi.

Lechelelo yula mutantsi va Kilanga va Mulungu akavalonjelaje vadala vala kuta, “Mulekaje kuva na muloto, kwasawuli ntsin'tsela kuta mungumusaka Yesu yo avambitwe mumusalaba. Alihaduhu hano kwasawuli atsilipuche kota fyo alontsile, mutse mulole hono ho aka avasise.

Kaha Yesu akavalonjelaje, “Muleche kuva na muloto, Mubite mukavalonjele vang'olo tsangu vabite ku Galilaya, uko ko vakumbona.”

Lelo vakakong'anaje hamwe na vavina, na hovavaga valongine vakavapelaje vala vimilitsi va kabuli magobole molofu na kuvalonjela kuta, “Henye mukulonga kuta vadahitswa vake vakatsitse hachilo na kumuhitsa hala hetwe ho twavavaga tuvasise. Manyi lulongwa luno lufiche kwa mutavala venyu, hetwe tukulongana nayo na kuvahetsela muhwehwe na henye simukupata lulongwa lubi loluve.” Lelo vala vimilitsi vakategulaje gala magobole na kudita kota hila fyo vavaga valajitswe. Lulongwa ulo lutagalye kwa Vayawudi mbaka sambi.