Δημοφιλή Βιβλικά εδάφια από Lukas 9

Κοινοποίηση

Kemudian Yesus bapaner ka uras urang: “Barang sapaa am honaa umaa Aku, harus malopaskan diriinya. Rang harus siap mamikul kayuu am di sapalaki manjadi alat honii ma hukum sasaurang satiap arii, dan inya dapat manjadi murid-Ku.

Laii sapa am honaa manyalamat kosahnya di dunia itii hontaa akan mandapatkan hidup am kekal, tatapi sapa jam am manyorahkan hidupnya laii inya araalah murid-Ku akan mandapatkan hidup am kekal.

Tatapi Yesus bapaner: “Jaka saurang nampara manggarap ladang dan kemudian malingau ka lakang, gawiannya hontaa akan baguna. Camiyah jam, jaka saurang mangaruh gawian am baguna ka lalam Karajaan Allah.”

Macam apa jam, hontaa araa gunanya jaka sasaurang mahompu uras panatau di dunia itii, tatapi gagal manarima kehidupan am kekal barotaa Tuhan.

Jaka araa di antaraa kolai am malu manjadi murid-murid-Ku dan manulat ajaran-Ku, maka Aku, Anaa Kalunen yaiyah Yesus Kristus, hontaa mangaku kolai sabagai murid-Ku, apabilaa Aku datang baulang ka dunia itii, lalam keadaan am bacahaya lalam kemuliaan-Nya dan kemulian Bapa-Nya am kudus serta kemuliaan Malaikat utusan mulaa Tuhan.

Yesus bapaner ka inya: “serigala-serigala mahompu lubang dan burung-burung am tarobang ka langit dan tidur ka lalam sarangnya. Tatapi Aku, Anaa Kalunen yaiyah Yesus Kristus, Aku hontaa mangoraa dangau homan baristirahat.”

Dan Iaa bapaner ka murid-murid-Nya: “Barangsapa am manyamut saurang anaa konii samahkan itii laii Aku, iaa manyamut Allah am mautus Aku. Barangsapa am paling rendah hatii, inyalah am paling bakah ka paharap Allah.”