Δημοφιλή Βιβλικά εδάφια από Lc 14

Κοινοποίηση

Ta ay mac chi jay ayin, palta yelxac'al miman yelapnok is mam c'al is txutx wintak naoni, ma yetbi, ma yuninal, ma yuẍtak, ma yanab, c'al is k'inal, ta caytu' naon axca tu', maj je' yec'c'al cuywok wintak.

A eb c'am chi yal c'ul chi beybalnej in beybal, c'al yaben yail wuj axca ok wun yin te curus, maj je' yec'c'al eb cuywok wintak.

Tzanc'al mac chi yiaj can ba, ok ilay ayok, c'amxa jabok yelapnok ok yun yelcan apnok. Palta eb chi yiay ba, a eb ok ilay aj can, a ton eb miman ok yun yelapnok, ẍi Jesús.

Yetok c'apaxok, tzanc'al mac ex txel c'am chi yal e c'ul che bekcan tzetak yetal ayex, maj je' e yec'c'al cuywok wintak.

K'inalok ay junok ex che yochej che watx'nej junok e yatut, mimantak che yochej che yutej. A yet c'amto che mitx' oc e watx'neni, ¿xin ta c'am chi cam e naon yin babelal jantak tumin chi lajwi yin; catatu' che yiloni ta chi yab e tumin yin yion ba? Ta c'am chi cam e naon yin babelal, asannej mi yich chi aycanok, cax c'am chi yi ba e yuj. Axa eb chi iloni tol c'am chi yi ba, chex al-lay yuj eb. Chi yalon eb e yin axca ti': A jun winak ti', max tz'ak chaoc watx'nennaj jab yatut, palta majc'al yi ba yuj, ẍimi eb.

Palta a yet cha chaon junok a k'in, asan eb meba' chawtej low etok, eb man tz'akanok is mimanil, axca eb c'am chi je' beyi, c'al eb c'am chi je' yilwi. Ta caytu' ok ot axca tu', caw wal watx' et chi yal tu', yujtol a eb tu', c'am jabok q'uexel ok je' yak'on eb ayach, palta a yet ok ach ictzoj yetok eb watx' is beybal, cax ok a chaon paktzil, ẍi Jesús bay nak.

A atz'am atz'am watx' ay yopiso atz'am, palta k'inalok ta chi c'ay is c'achial, ¿tzetto wal ok yun c'achibi paxok? C'amxa yopiso. Caxc'al chi alay ay sat tx'otx', caxc'al chi toj somilok abono, tutun c'amxa yopiso. Toxac'al chi k'oklay elok. A juntzan max e yab ti', naobtanejek sic'libil, ẍi Jesús bay eb.