Δημοφιλή Βιβλικά εδάφια από SAN LUCAS 23

Κοινοποίηση

Acxni lihua ixtama̱huacama̱na nac culu̱s Jesús chuné chihuí̱nalh: ―Quinti̱cu Dios, caca̱ma̱tzanke̱nani tú quintatlahuánilh jaé lacchixcuhuí̱n porque ni̱ tacatzí tú tama̱kantáxti̱lh. Amá soldados tzúculh tara̱li̱slaka ticu nata̱tamakxtaka ixlháka̱t Jesús.

Jesús kálhti̱lh: ―Xli̱ca̱na cuaniyá̱n, la̱ta chí tuncán li̱pa̱xáu pa̱t quinta̱latapa̱ya nac quimpu̱latama̱n ni̱ma̱ cama maklhti̱nán.

A̱stá̱n lacá̱nilh Jesús y huánilh: ―Caquilacapá̱stacti acxni natzucuya ma̱paksi̱nana nac mintapáksi̱t.

Na̱ acxni tuncán Jesús aktásalh: ―Quinti̱cu Dios, huix cmacama̱xqui̱yá̱n quili̱stacni. La̱ huanko̱lh jaé tachihuí̱n Jesús tuncán ni̱ko̱lh nac culu̱s.

Acxni tácha̱lh lacatum ní ixuanicán La Calavera, akxtokohuacaca Jesús nac culu̱s, y amá lacchixcuhuí̱n na̱ ca̱kxtokohuacaca y ca̱ma̱huacaca cha̱tunu nac ixpa̱xtu̱ni̱tni.

Acxni cha̱lh lacatastúnut chichiní talakátze̱kli y hua̱k ca̱quilhtamacú tapaklhtu̱tako̱lh. Qui̱tá̱yalh hasta como aktutu hora xalakasmalankán. Ixli̱lakalhapá̱n pu̱siculan xla Jerusalén ní ixtalakachixcuhui̱nán curas ca̱ta ca̱ta táxti̱tli nac ixíta̱t.

Amá xacapitán soldados acxni ácxilhli tú ixqui̱taxtunini̱t Jesús, lacapá̱stacli Dios y chuné chihuí̱nalh: ―Xli̱ca̱na jaé chixcú ni̱tú ixkásat ixuani̱t.