Daa 5
5
Adamu buiɔ
(1 Lad 1.1-4)
1Adamu buiɔ lán kɛ: Gɔɔ pɔ Lua gbɛ̃nazĩnaɔ kɛ̀, à ń kɛ́ láawaɛ. 2À gɔ̃ɛ kɛ̀ ń nɔɛo, ɔ̃ à baaadàńgu. À tɔkpànɛ́ Gbɛ̃nazĩna.
3Adamu wɛ̃̀ basoolokwide (130) guu ɔ̃ à nɛ'ì láawa a taa ũ, ɔ̃ à tɔkpàɛ̀ Sɛti. 4Sɛti ia gbɛa à kɛ̀ wɛ̃̀ ɔaa siiɔ̃ (800), à nɛ pãleɔ ì lɔ gɔ̃ɛɔ ń nɔɛɔ. 5Kɛ́ à kà wɛ̃̀ ɔaa siiɔ̃ ń basoolokwio (930) ɔ̃ à gà.
6Sɛti wɛ̃̀ basɔosɔode (105) guu ɔ̃ à Ɛnɔsi ì. 7A gbɛa à kɛ̀ wɛ̃̀ ɔaa siiɔ̃ ń soplao (807), à nɛ pãleɔ ì lɔ gɔ̃ɛɔ ń nɔɛɔ. 8Kɛ́ à kà wɛ̃̀ ɔaa siiɔ̃ ń basɔokwi ń plao (912), ɔ̃ à gà.
9Ɛnɔsi wɛ̃̀ basiiɔ̃kwide (90) guu ɔ̃ à Kena ì. 10A gbɛa à kɛ̀ wɛ̃̀ ɔaa siiɔ̃ ń gɛ̃oo (815), à nɛ pãleɔ ì lɔ gɔ̃ɛɔ ń nɔɛɔ. 11Kɛ́ à kà wɛ̃̀ ɔaa siiɔ̃ ń basɔosɔoo (905), ɔ̃ à gà.
12Kena wɛ̃̀ baaɔ̃kwide (70) guu ɔ̃ à Maalalɛli ì. 13A gbɛa à kɛ̀ wɛ̃̀ ɔaa siiɔ̃ ń blao (840), à nɛ pãleɔ ì lɔ gɔ̃ɛɔ ń nɔɛɔ. 14Kɛ́ à kà wɛ̃̀ ɔaa siiɔ̃ ń basɔokwio (910), ɔ̃ à gà.
15Maalalɛli wɛ̃̀ baaɔ̃sɔode (65) guu ɔ̃ à Yɛlɛdi ì. 16A gbɛa à kɛ̀ wɛ̃̀ ɔaa siiɔ̃ ń baakwio (830), à nɛ pãleɔ ì lɔ gɔ̃ɛɔ ń nɔɛɔ. 17Kɛ́ à kà wɛ̃̀ ɔaa siiɔ̃ ń basɔo sɔosaio (895), ɔ̃ à gà.
18Yɛlɛdi wɛ̃̀ baswaaɔ̃ ń plaode (162) guu ɔ̃ à Ɛnɔki ì. 19A gbɛa à kɛ̀ wɛ̃̀ ɔaa siiɔ̃ (800), à nɛ pãleɔ ì lɔ gɔ̃ɛɔ ń nɔɛɔ. 20Kɛ́ à kà wɛ̃̀ ɔaa siiɔ̃ ń baswaaɔ̃ ń plao (962), ɔ̃ à gà.
21Ɛnɔki wɛ̃̀ baaɔ̃sɔode (65) guu ɔ̃ à Mɛtusela ì. 22A gbɛa a tɛ Luazi e wɛ̃̀ ɔaa do ń basɔoo (300), à nɛ pãleɔ ì lɔ gɔ̃ɛɔ ń nɔɛɔ. 23Beewa aà wɛ̃ kà ɔaa do ń baswaaɔ̃sɔoo (365) 24A tɛ Luazi, ɔ̃ wà kùawà, kɛ́ Lua aà sɛ̀#Hɛb 11.5; Yud 1.14 yãi.
25Mɛtusela wɛ̃̀ ɔaa do kuɛ'aaɔ̃saide (187) guu ɔ̃ à Lemɛki ì. 26A gbɛa à kɛ̀ wɛ̃̀ ɔaa siiɔ̃ baoplasai mɛ́ kuo (782), à nɛ pãleɔ ì lɔ gɔ̃ɛɔ ń nɔɛɔ. 27Kɛ́ à kà wɛ̃̀ ɔaa siiɔ̃ ń baswaaɔ̃kwi dosaio (969), ɔ̃ à gà.
28Lemɛki kɛ̀ wɛ̃̀ ɔaa do baoplasai mɛ́ kuo (182), ɔ̃ à nɛgɔ̃ɛ ì. 29À tɔkpàɛ̀ Nɔee#5.29 Bee mɛ̀ nɔsɛninia à mɛ̀: Gbɛ̃́ɛ bee mɛ́ a wá nɔ̀sɛ niniwɛ̃ɛ zĩ gbãa pɔ wálɛ kɛ Dii lɛkɛa tɔɔlɛɛ yãi yãmusu. 30Nɔee ia gbɛa Lemɛki kɛ̀ wɛ̃̀ ɔaa aaɔ̃ sɔosai (595), à nɛ pãleɔ ì lɔ gɔ̃ɛɔ ń nɔɛɔ. 31Kɛ́ à kà wɛ̃̀ ɔaa aaɔ̃ ń baswaaɔ̃kwi ń soplao (777), ɔ̃ à gà.
32Nɔee wɛ̃ kà ɔaa pla ń basɔoo (500) ɔ̃ à Sɛũ ń Haũo ń Yafɛtio ì.
Επιλέχθηκαν προς το παρόν:
Daa 5: Boo2024
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
Boko Bible © SIM International, 2024.