Luka 20
20
Kĩũria gĩkoniĩ ũhoti wa Jesũ
(Mat 21.23-27; Mar 11.27-33)
1Na rĩĩrĩ, mũthenya ũmwe rĩrĩa Jesũ aarutaga andũ Hekaarũinĩ, akĩhunjagia Ũhoro ũrĩa Mwega, athĩnjĩri Ngai arĩa anene na arutani a Watho, na athuuri magĩũka 2makĩmũũria atĩrĩ, “Tatwĩre wĩkaga maũndũ maya na ũhoti ũrĩkũ, na nũũ wakũheire ũhoti ũcio?”
3Naake Jesũ akĩmacookeria atĩrĩ, “O na niĩ nĩngũmũũria kĩũria; Tanjĩĩraai atĩrĩ, 4Johana-rĩ, aarutĩĩte ũhoti wa kũbatithania kũrĩ Ngai kana kũrĩ andũ?”
5Nao magĩciira me hamwe makĩĩrana atĩrĩ, “Wona twoiga, ‘Woimĩĩte kwĩ Ngai,’ egũtũũria atĩrĩ, ‘Mwakĩregire gwĩtĩkia Johana nĩkĩ?’ 6Na twoiga, ‘Woimĩĩte kũrĩ andũ,’ andũ oothe nĩmegũtũhũũra na mahiga nĩ ũndũ oothe meetĩkĩĩtie atĩ Johana aarĩ mũnabii.” 7Kwoguo makĩmũcookeria atĩrĩ, “Tũtiũĩ kũrĩa woimĩĩte.”
8Naake Jesũ akĩmeera atĩrĩ, “O na niĩ ndigũkĩmwĩra njĩkaga maũndũ maya na ũhoti ũrĩkũ.”
Ngerekano ya akombori a mũgũnda wa mĩthabibũ
(Mat 21.33-46; Mar 12.1-12)
9 #
Isa 5.1
Jesũ agĩcooka akĩhe andũ ngerekano ĩno “Mũndũ ũmwe nĩahandire mĩthabibũ mũgũndainĩ wake, agĩcooka akĩũkomborithia, agĩthiĩ bũrũri ũngĩ kwa ihinda iraaya. 10Na rĩĩrĩ, hĩndĩ ya kũgetha thabibũ yakinya-rĩ, agĩtũma ngombo yake ĩthiĩ kũrĩ arĩmi arĩa maũkomboreete ĩgĩĩre igai rĩake rĩa magetha. Rĩrĩa ngombo ĩyo yathiire, akombori acio makĩmĩhũũra, magĩcooka makĩmĩingata mooko matheri. 11Mwene mũgũnda agĩcooka agĩtũma ngombo ĩngĩ; nayo makĩmĩhũũra, na makĩmĩruma, magĩcooka makĩmĩingata mooko matheri. 12Ningĩ agĩcooka agĩtũma ngombo ĩngĩ ya gatatũ; nao makĩmĩtiihangia na makĩmĩingata. 13Naake mwene mũgũnda agĩkĩĩyũria atĩrĩ, ‘Rĩu ngwĩka atĩa? Ngũtũma mũũriũ wakwa ũrĩa nyendeete; ti itherũ nĩmekũmũhe gĩtĩĩo!’ 14Rĩrĩa andũ acio maakomborithĩĩtio mũgũnda maamuonire makĩĩrana atĩrĩ, ‘Ũyũ nĩ we ũkaagaya mũgũnda ũyũ, rekeei tũmũũrage nĩguo igai rĩake rĩtuĩke riitũ.’ 15Magĩkĩmũruta nja ya mũgũnda, makĩmũũraga.”
Jesũ agĩkĩũria atĩrĩ, “Mwene mũgũnda ũcio-rĩ, ageeka akombori acio atĩa? 16Agooka amoorage, acooke akomborithie andũ angĩ mũgũnda ũcio.”
Rĩrĩa andũ maiguire ũguo, makiuga atĩrĩ, “Kũroaga gũtuĩka ũguo!”
17 #
Thab 118.22
Naake Jesũ akĩmarora akĩmooria atĩrĩ, “Ũhoro ũyũ wandĩkĩĩtwo atĩ,
‘Ihiga rĩrĩa aaki maaregire
nĩrĩo rĩgĩĩte bata gũkĩra marĩa mangĩ moothe mũthingiinĩ, nĩkuuga atĩa?’
18Mũndũ o wothe ũgũagĩra ihiga rĩu nĩoinangagwo nĩrĩo, na rĩngĩgũĩra mũndũ, nĩrĩmũhehenjaga.”
Kĩũria gĩkoniĩ kũrĩha igooti
(Mat 22.15-22; Mar 12.13-17)
19Nao arutani a Watho hamwe na athĩnjĩri Ngai arĩa anene makĩgeria kũnyiita Jesũ o hĩndĩ ĩyo tondũ nĩmaamenyire atĩ aaheanire ngerekano ĩyo, nĩ ũndũ wao no magĩĩtigĩra nĩ ũndũ wa andũ. 20Kwoguo magĩcaria mweke, magĩtũma andũ a gũthigaana ũrĩa eekaga metuĩte andũ athingu, nĩ geetha mamenye ũrĩa oigaga nĩguo mahote kũmũnengerana kũrĩ anene, o na kũrĩ barũũthi. 21Nao athigaani acio magĩkĩĩra Jesũ atĩrĩ, “Mũrutani, nĩtũũĩ atĩ wee uugaga na ũkarutana ũrĩa kwagĩrĩire ũtegũthuutũkania andũ; nĩ ma wee ũrutanaga o ũhoro wa Ngai. 22Tagĩtwĩre atĩrĩ, Watho witũ nĩwĩtĩkĩrĩĩtie tũrutagĩre mũthamaki wa Roma igooti kana aaca?”
23Naake Jesũ aamenya wara wao akĩmeera atĩrĩ, 24“Tanyoniai mbeeca ĩmwe#20.24 Mbeeca ĩmwe: Kĩngiriki kiugaga dinari. Rora Mat 20.2.. Mbica ĩno ĩ ho na rĩĩtwa rĩĩrĩ rĩ ho nĩ cia ũ?”
Nao magĩcookia atĩrĩ, “Nĩ cia mũthamaki wa Roma.”
25Naake Jesũ akĩmeera atĩrĩ, “Rutagĩraai mũthamaki wa Roma kĩrĩa gĩ gĩake, na Ngai kĩrĩa gĩ gĩake.”
26Nao magĩkĩremwo nĩkũnyiita Jesũ na mĩario ĩrĩa aaragia mbere ya mũingĩ, magĩkira magegeetio nĩ ũrĩa aamacookeirie.
Kĩũria gĩkoniĩ kũriũka
(Mat 22.23-33; Mar 12.18-27)
27 #
Atũ 23.8
Na rĩĩrĩ, andũ amwe a Asadukai, arĩa moigaga atĩ andũ arĩa akuũ matikaariũka, magĩũka kũrĩ Jesũ, 28#Gũco 25.5 makĩmũũria atĩrĩ, “Mũrutani, Musa aatwandĩkĩire atĩ: ‘Mũndũ angĩhikania acooke akue atige mũtumia atarĩ ciana, mũrũ wa nyina na mũndũ ũcio, no mũhaka ahikie mũtumia ũcio nĩ geetha acookerie mũrũ wa nyina mbeũ.’ 29Atĩrĩĩrĩ, nĩkwarĩ na aariũ mũgwanja a nyina ũmwe; ũrĩa mũkũrũ akĩhikania, agĩcooka agĩkua atarĩ ciana. 30Naake wa keerĩ akĩhikia mũtumia ũcio, agĩcooka o naake agĩkua atarĩ ciana. 31O naake wa gatatũ o taguo, kinya oothe mũgwanja makĩmũhikia nao magĩkua oothe matarĩ ciana. 32Thuutha ũcio, o naake mũtumia ũcio agĩkua. 33Rĩu-rĩ, rĩrĩa arĩa akuũ makaariũka-rĩ, mũtumia ũcio agagĩtuĩka wa ũ, tondũ oothe mũgwanja nĩmaamũhikĩĩtie?”
34Naake Jesũ akĩmacookeria akĩmeera atĩrĩ, “Andũ a gũũkũ thĩ nĩ o mahikanagia na makahika, 35no rĩĩrĩ, andũ arĩa magaatuuo aagĩrĩru a kũriũka, matũũre muoyo hĩndĩ ĩrĩa ĩgooka, matikaahikanagia kana mahikage. 36Andũ acio matigaakuaga tondũ magaakoragwo mahaana ta araika. Andũ acio magaakorwo marĩ ciana cia Ngai tondũ nĩmagaakorwo mariũkĩĩte kuuma kũrĩ gĩkuũ. 37#Tha 3.6 O naake Musa nĩonanirie ũhoro wa kũriũka kwa akuũ; harĩa harĩ ũhoro wa kĩhinga gĩkĩhĩa eetire Mwathani, ‘Ngai wa Aburahamu, Isaaka, na Jakubu.’ 38Nĩ ũndũ ũcio, ti Ngai wa arĩa akuũ, nĩ Ngai wa arĩa me muoyo, nĩ ũndũ andũ oothe arĩa marĩ muoyo matũũragio nĩ we.”
39Nao arutani amwe a Watho makiuga atĩrĩ, “Mũrutani, nĩwacookia wega!” 40Moigire ũguo nĩ ũndũ Asadukai acio matiacookire kũmũũria kĩũria kĩngĩ.
Kĩũria gĩkoniĩ Kristũ
(Mat 22.41-46; Mar 12.35-37)
41Naake Jesũ agĩcooka akĩmooria atĩrĩ, “Kwĩragwo atĩ Mesia nĩ Mũrũ wa Daudi nĩ ũndũ wa kĩĩ? 42#Thab 110.1 Daudi we mwene nĩoigĩĩte ibukuinĩ rĩa Thaburi atĩrĩ,
‘Mwathani nĩerire Mwathani wakwa atĩrĩ,
Ikara thĩ mwena wakwa wa ũrĩo,
43nginya rĩrĩa ngaatũma ũrangĩrĩrie thũ ciaku.’
44Atĩrĩĩrĩ, tondũ Daudi aakĩmwĩtire, ‘Mwathani-rĩ,’ Mesia angĩgĩkorwo arĩ Mũrũ wa Daudi atĩa?”
Jesũ kwĩra arutwo memenyerere arutani a Watho
(Mat 23.1-36; Mar 12.38-40)
45Naake Jesũ akĩĩra arutwo aake atĩrĩ, andũ oothe makĩiguaga, 46“Mwĩmenyagĩrĩreei arutani a Watho arĩa meendeete gũthiĩ meekĩrĩĩte nguo ndaaya, kũgeithio na gĩtĩĩo ndũũnyũinĩ, gũikarĩra itĩ cia mbere thunagogiinĩ, na kũheeo handũ ha gĩtĩĩo marugainĩ. 47Andũ o acio no o matoonyagĩrĩra atumia a ndigwa makaiya indo ciao, o makĩhooyaga mahooya maraaya na ũhinga. Ihera rĩa andũ acio rĩgaakorwo rĩ rĩũru mũno!”
Επιλέχθηκαν προς το παρόν:
Luka 20: GKN
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
Gikuyu Common Language Bible with DC © Bible Society of Kenya, 2014, 2018.
Luka 20
20
Kĩũria gĩkoniĩ ũhoti wa Jesũ
(Mat 21.23-27; Mar 11.27-33)
1Na rĩĩrĩ, mũthenya ũmwe rĩrĩa Jesũ aarutaga andũ Hekaarũinĩ, akĩhunjagia Ũhoro ũrĩa Mwega, athĩnjĩri Ngai arĩa anene na arutani a Watho, na athuuri magĩũka 2makĩmũũria atĩrĩ, “Tatwĩre wĩkaga maũndũ maya na ũhoti ũrĩkũ, na nũũ wakũheire ũhoti ũcio?”
3Naake Jesũ akĩmacookeria atĩrĩ, “O na niĩ nĩngũmũũria kĩũria; Tanjĩĩraai atĩrĩ, 4Johana-rĩ, aarutĩĩte ũhoti wa kũbatithania kũrĩ Ngai kana kũrĩ andũ?”
5Nao magĩciira me hamwe makĩĩrana atĩrĩ, “Wona twoiga, ‘Woimĩĩte kwĩ Ngai,’ egũtũũria atĩrĩ, ‘Mwakĩregire gwĩtĩkia Johana nĩkĩ?’ 6Na twoiga, ‘Woimĩĩte kũrĩ andũ,’ andũ oothe nĩmegũtũhũũra na mahiga nĩ ũndũ oothe meetĩkĩĩtie atĩ Johana aarĩ mũnabii.” 7Kwoguo makĩmũcookeria atĩrĩ, “Tũtiũĩ kũrĩa woimĩĩte.”
8Naake Jesũ akĩmeera atĩrĩ, “O na niĩ ndigũkĩmwĩra njĩkaga maũndũ maya na ũhoti ũrĩkũ.”
Ngerekano ya akombori a mũgũnda wa mĩthabibũ
(Mat 21.33-46; Mar 12.1-12)
9 #
Isa 5.1
Jesũ agĩcooka akĩhe andũ ngerekano ĩno “Mũndũ ũmwe nĩahandire mĩthabibũ mũgũndainĩ wake, agĩcooka akĩũkomborithia, agĩthiĩ bũrũri ũngĩ kwa ihinda iraaya. 10Na rĩĩrĩ, hĩndĩ ya kũgetha thabibũ yakinya-rĩ, agĩtũma ngombo yake ĩthiĩ kũrĩ arĩmi arĩa maũkomboreete ĩgĩĩre igai rĩake rĩa magetha. Rĩrĩa ngombo ĩyo yathiire, akombori acio makĩmĩhũũra, magĩcooka makĩmĩingata mooko matheri. 11Mwene mũgũnda agĩcooka agĩtũma ngombo ĩngĩ; nayo makĩmĩhũũra, na makĩmĩruma, magĩcooka makĩmĩingata mooko matheri. 12Ningĩ agĩcooka agĩtũma ngombo ĩngĩ ya gatatũ; nao makĩmĩtiihangia na makĩmĩingata. 13Naake mwene mũgũnda agĩkĩĩyũria atĩrĩ, ‘Rĩu ngwĩka atĩa? Ngũtũma mũũriũ wakwa ũrĩa nyendeete; ti itherũ nĩmekũmũhe gĩtĩĩo!’ 14Rĩrĩa andũ acio maakomborithĩĩtio mũgũnda maamuonire makĩĩrana atĩrĩ, ‘Ũyũ nĩ we ũkaagaya mũgũnda ũyũ, rekeei tũmũũrage nĩguo igai rĩake rĩtuĩke riitũ.’ 15Magĩkĩmũruta nja ya mũgũnda, makĩmũũraga.”
Jesũ agĩkĩũria atĩrĩ, “Mwene mũgũnda ũcio-rĩ, ageeka akombori acio atĩa? 16Agooka amoorage, acooke akomborithie andũ angĩ mũgũnda ũcio.”
Rĩrĩa andũ maiguire ũguo, makiuga atĩrĩ, “Kũroaga gũtuĩka ũguo!”
17 #
Thab 118.22
Naake Jesũ akĩmarora akĩmooria atĩrĩ, “Ũhoro ũyũ wandĩkĩĩtwo atĩ,
‘Ihiga rĩrĩa aaki maaregire
nĩrĩo rĩgĩĩte bata gũkĩra marĩa mangĩ moothe mũthingiinĩ, nĩkuuga atĩa?’
18Mũndũ o wothe ũgũagĩra ihiga rĩu nĩoinangagwo nĩrĩo, na rĩngĩgũĩra mũndũ, nĩrĩmũhehenjaga.”
Kĩũria gĩkoniĩ kũrĩha igooti
(Mat 22.15-22; Mar 12.13-17)
19Nao arutani a Watho hamwe na athĩnjĩri Ngai arĩa anene makĩgeria kũnyiita Jesũ o hĩndĩ ĩyo tondũ nĩmaamenyire atĩ aaheanire ngerekano ĩyo, nĩ ũndũ wao no magĩĩtigĩra nĩ ũndũ wa andũ. 20Kwoguo magĩcaria mweke, magĩtũma andũ a gũthigaana ũrĩa eekaga metuĩte andũ athingu, nĩ geetha mamenye ũrĩa oigaga nĩguo mahote kũmũnengerana kũrĩ anene, o na kũrĩ barũũthi. 21Nao athigaani acio magĩkĩĩra Jesũ atĩrĩ, “Mũrutani, nĩtũũĩ atĩ wee uugaga na ũkarutana ũrĩa kwagĩrĩire ũtegũthuutũkania andũ; nĩ ma wee ũrutanaga o ũhoro wa Ngai. 22Tagĩtwĩre atĩrĩ, Watho witũ nĩwĩtĩkĩrĩĩtie tũrutagĩre mũthamaki wa Roma igooti kana aaca?”
23Naake Jesũ aamenya wara wao akĩmeera atĩrĩ, 24“Tanyoniai mbeeca ĩmwe#20.24 Mbeeca ĩmwe: Kĩngiriki kiugaga dinari. Rora Mat 20.2.. Mbica ĩno ĩ ho na rĩĩtwa rĩĩrĩ rĩ ho nĩ cia ũ?”
Nao magĩcookia atĩrĩ, “Nĩ cia mũthamaki wa Roma.”
25Naake Jesũ akĩmeera atĩrĩ, “Rutagĩraai mũthamaki wa Roma kĩrĩa gĩ gĩake, na Ngai kĩrĩa gĩ gĩake.”
26Nao magĩkĩremwo nĩkũnyiita Jesũ na mĩario ĩrĩa aaragia mbere ya mũingĩ, magĩkira magegeetio nĩ ũrĩa aamacookeirie.
Kĩũria gĩkoniĩ kũriũka
(Mat 22.23-33; Mar 12.18-27)
27 #
Atũ 23.8
Na rĩĩrĩ, andũ amwe a Asadukai, arĩa moigaga atĩ andũ arĩa akuũ matikaariũka, magĩũka kũrĩ Jesũ, 28#Gũco 25.5 makĩmũũria atĩrĩ, “Mũrutani, Musa aatwandĩkĩire atĩ: ‘Mũndũ angĩhikania acooke akue atige mũtumia atarĩ ciana, mũrũ wa nyina na mũndũ ũcio, no mũhaka ahikie mũtumia ũcio nĩ geetha acookerie mũrũ wa nyina mbeũ.’ 29Atĩrĩĩrĩ, nĩkwarĩ na aariũ mũgwanja a nyina ũmwe; ũrĩa mũkũrũ akĩhikania, agĩcooka agĩkua atarĩ ciana. 30Naake wa keerĩ akĩhikia mũtumia ũcio, agĩcooka o naake agĩkua atarĩ ciana. 31O naake wa gatatũ o taguo, kinya oothe mũgwanja makĩmũhikia nao magĩkua oothe matarĩ ciana. 32Thuutha ũcio, o naake mũtumia ũcio agĩkua. 33Rĩu-rĩ, rĩrĩa arĩa akuũ makaariũka-rĩ, mũtumia ũcio agagĩtuĩka wa ũ, tondũ oothe mũgwanja nĩmaamũhikĩĩtie?”
34Naake Jesũ akĩmacookeria akĩmeera atĩrĩ, “Andũ a gũũkũ thĩ nĩ o mahikanagia na makahika, 35no rĩĩrĩ, andũ arĩa magaatuuo aagĩrĩru a kũriũka, matũũre muoyo hĩndĩ ĩrĩa ĩgooka, matikaahikanagia kana mahikage. 36Andũ acio matigaakuaga tondũ magaakoragwo mahaana ta araika. Andũ acio magaakorwo marĩ ciana cia Ngai tondũ nĩmagaakorwo mariũkĩĩte kuuma kũrĩ gĩkuũ. 37#Tha 3.6 O naake Musa nĩonanirie ũhoro wa kũriũka kwa akuũ; harĩa harĩ ũhoro wa kĩhinga gĩkĩhĩa eetire Mwathani, ‘Ngai wa Aburahamu, Isaaka, na Jakubu.’ 38Nĩ ũndũ ũcio, ti Ngai wa arĩa akuũ, nĩ Ngai wa arĩa me muoyo, nĩ ũndũ andũ oothe arĩa marĩ muoyo matũũragio nĩ we.”
39Nao arutani amwe a Watho makiuga atĩrĩ, “Mũrutani, nĩwacookia wega!” 40Moigire ũguo nĩ ũndũ Asadukai acio matiacookire kũmũũria kĩũria kĩngĩ.
Kĩũria gĩkoniĩ Kristũ
(Mat 22.41-46; Mar 12.35-37)
41Naake Jesũ agĩcooka akĩmooria atĩrĩ, “Kwĩragwo atĩ Mesia nĩ Mũrũ wa Daudi nĩ ũndũ wa kĩĩ? 42#Thab 110.1 Daudi we mwene nĩoigĩĩte ibukuinĩ rĩa Thaburi atĩrĩ,
‘Mwathani nĩerire Mwathani wakwa atĩrĩ,
Ikara thĩ mwena wakwa wa ũrĩo,
43nginya rĩrĩa ngaatũma ũrangĩrĩrie thũ ciaku.’
44Atĩrĩĩrĩ, tondũ Daudi aakĩmwĩtire, ‘Mwathani-rĩ,’ Mesia angĩgĩkorwo arĩ Mũrũ wa Daudi atĩa?”
Jesũ kwĩra arutwo memenyerere arutani a Watho
(Mat 23.1-36; Mar 12.38-40)
45Naake Jesũ akĩĩra arutwo aake atĩrĩ, andũ oothe makĩiguaga, 46“Mwĩmenyagĩrĩreei arutani a Watho arĩa meendeete gũthiĩ meekĩrĩĩte nguo ndaaya, kũgeithio na gĩtĩĩo ndũũnyũinĩ, gũikarĩra itĩ cia mbere thunagogiinĩ, na kũheeo handũ ha gĩtĩĩo marugainĩ. 47Andũ o acio no o matoonyagĩrĩra atumia a ndigwa makaiya indo ciao, o makĩhooyaga mahooya maraaya na ũhinga. Ihera rĩa andũ acio rĩgaakorwo rĩ rĩũru mũno!”
Επιλέχθηκαν προς το παρόν:
:
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
Gikuyu Common Language Bible with DC © Bible Society of Kenya, 2014, 2018.