Yauhaas 1
1
Txujlug Kws Cawm Tuabneeg Txujsa
1Thaus chivkeeb, Txujlug tub yeej muaj nyob lawm; Txujlug ibtxwm nrug Vaajtswv nyob, hab Txujlug ntawd yog Vaajtswv. 2Thaus chivkeeb, Txujlug yeej ibtxwm nrug Vaajtswv nyob. 3Vaajtswv tsim ibpuas tsaavyaam lug ntawm Txujlug ntawd; yog tsi muaj Nwg, ibpuas tsaavyaam ntawd yeej yuav tsi muaj ib yaam twg kws yuav tshwmsim tau lug le. 4Txujlug yog lub hauvpaug txujsa,#1:4: Txujlug yog lub hauvpaug txujsa; lossis Yaam kws tsim tau lug ntawd ua kuas txujsa cog ruaj rua ntawm Txujlug. hab txujsa ntawd yog qhov kaaj rua tuabneeg pumkev. 5Qhov kaaj ntawd ci huv qhov tsaus, hab qhov tsaus yuav kov tsi yeej qhov kaaj.
6Vaajtswv khaiv ib tug txivneej kws yog Nwg tug tub cevlug hu ua Yauhaas 7lug ua timkhawv txug qhov kaaj, sub txhua tug txhaj tau nov Txujlug ntawd hab ntseeg. 8Yauhaas tsi yog qhov kaaj; nwg tsuas lug ua timkhawv txug qhov kaaj xwb. 9Nuav txhaj yog qhov kaaj kws tseeb tag: qhov kaaj tau lug rua huv lub nplajteb hab ci rua txhua tsaav tuabneeg.
10Txujlug tub lug nyob huv nplajteb nuav lawm, hab Vaajtswv tsim lub nplajteb nuav yog lug ntawm Nwg, tabsis tuabneeg nplajteb tsi paub Nwg. 11Nwg lug rua huv Nwg lub teb lub chaw, tabsis Nwg tsaav tuabneeg tsi leeg yuav Nwg. 12Tabsis txhua tug kws lug leeg yuav Nwg hab ntseeg Nwg, Nwg pub puab muaj cai lug ua Vaajtswv cov mivnyuas. 13Puab tau lug ua Vaajtswv cov mivnyuas tsi yog lawvle tuabneeg nqajtawv ibtxwm muaj mivnyuas, kws yog muaj nam muaj txiv yug; tabsis Vaajtswv tugkheej yog puab txiv ntaag.
14Txujlug ntawd tau lug yug ua tuabneeg, Nwg puvnpo txuj moovhlub hab qhov tseeb, hab Nwg nyob nruabnraab huv peb. Peb pum Nwg tug tshwjchim ci ntsaa-ab, Leejtxiv pub tug tshwjchim ntawd rua Nwg, ruaqhov Nwg yog Leejtxiv tuableeg Tub.
15Yauhaas ua timkhawv txug Tug ntawd zaaj. Nwg qw nrov-nrov has tas, “Tug nuav lau, yog tug kws kuv qha rua mej lawm has tas, ‘Nwg lawv kuv qaab lug, tabsis Nwg muaj fwjchim luj dlua kuv, ruaqhov Nwg yeej ibtxwm muaj nyob uantej yug kuv lawm.’ ”
16Lug ntawm Nwg txuj moovhlub kws nplua-mag, Nwg txhaj foom koobmoov rua peb suavdlawg, pub koobmoov rua peb ib zag dlhau rua ib zag. 17Vaajtswv muab txuj Kevcai rua peb lug ntawm Mauxes, tabsis Nwg muab txuj moovhlub hab qhov tseeb rua peb lug ntawm Yexus Khetos. 18Yeej tsi tau muaj leejtwg pum Vaajtswv ib zag le. Tsuas yog Leejtub kws yog Vaajtswv hab nyob ntawm Leejtxiv lub xubndlag, txhaj qha Vaajtswv rua suavdlawg paub xwb.
Yauhaas Tug Kws Muab Tuabneeg Ua Kevcai Rausdlej Tej Lug Qha
(Mathais 3:1-12; Malakaus 1:1-18; Lukas 3:1-18)
19Cov Yudais cov numtswv kws nyob huv lub nroog Yeluxalees tso cov povthawj hlub hab cov Levis qeeleej moog nug Yauhaas has tas, “Koj yog leejtwg?”
20Yauhaas teb qhov tseeb hab leeg has tas, “Kuv tsi yog tug Mexiyas.”
21Puab nug has tas, “Yogle, koj ho yog leejtwg? Koj puas yog Eliyas?”
Yauhaas teb tas, “Kuv tsi yog.”
Puab nug has tas, “Koj puas yog tug xwbfwb cev Vaajtswv lug?”#1:21: tug xwbfwb cev Vaajtswv lug Yog tug kws tog kuas tshwm lug hab tshaajtawm has tas tug Mexiyas yuav lug.
Yauhaas teb tas, “Kuv tsi yog.” #Mlakis 4:5; 2Kev 18:15, 18
22Puab has tas, “Yogle, koj qha rua peb seb koj yog leejtwg tag, peb txhaj paub rov moog qha rua cov kws khaiv peb tuaj. Koj qha seb koj yog leejtwg?”
23Yauhaas teb puab lawvle Yaxayas, kws yog tug xwbfwb cev Vaajtswv lug tau sau tseg le nuav:
“Kuv yog ‘lub suab ntawm ib tug tuabneeg kws qw nrov-nrov
tom roob mojsaab qhua has tas:
Cale khu txujkev kuas ncaaj rua tug Tswv taug!’ ”
24Cov tuabneeg kws cov Falixais khaiv moog ntawd,#1:24: Cov tuabneeg kws cov Falixais khaiv moog ntawd; lossis Cov tuabneeg kws raug khaiv moog ntawd puavleej yog cov Falixais. 25puab txhaj nug Yauhaas has tas, “Yog koj has tas koj tsi yog tug Mexiyas, tsi yog Eliyas, hab tsi yog tug xwbfwb cev Vaajtswv lug, vim lecaag koj ho muab tuabneeg ua kevcai rausdlej?”
26Yauhaas teb tas, “Kuv muab tuabneeg ua kevcai raus lug ntawm dlej, tabsis muaj ib tug nrug mej nyob ntawm nuav, mej tub tsi paub Nwg. 27Nwg yog tug kws taabtom lawv kuv qaab lug, txawm yog Nwg nkawm khau xwb los kuv tub tsi tsimnyog moog dlaws txuj nyuas hlua.”
28Txhua yaam nuav tshwmsim huv lub zog Npethanis kws nyob ntawm ntug dlej Yauladees saab nubtuaj, kws yog qhov chaw Yauhaas muab tuabneeg ua kevcai rausdlej.
Vaajtswv Tug Mivnyuas Yaaj
29Nub tomqaab, Yauhaas pum Yexus taug kev tuaj rua ntawm nwg, Yauhaas txhaj has tas, “Mej saib seb, tug ntawd yog Vaajtswv tug mivnyuas Yaaj kws yuav ris tuabneeg nplajteb lub txim! 30Tug nuav ntaag lau, yog tug kws kuv qha has tas, ‘Muaj ib tug taabtom lawv kuv qaab lug, Nwg muaj fwjchim luj dlua kuv, ruaqhov Nwg yeej ibtxwm muaj nyob uantej yug kuv lawm.’ 31Kuv tsi tau paub tas Nwg yuav yog leejtwg, tabsis kuv lug muab tuabneeg ua kevcai raus lug ntawm dlej kuas cov Yixalayees paub Nwg.”
32Yauhaas ua timkhawv has tas, “Kuv pum Vaaj Ntsujplig zoo ib yaam le tug nquab lug sau ntuj lug nyob sau Nwg. 33Kuv tseem tsi tau paub tas Nwg yog leejtwg, tabsis Vaajtswv tug kws khaiv kuv lug muab tuabneeg ua kevcai rausdlej has rua kuv tas, ‘Koj yuav pum Vaaj Ntsujplig lug hab tsaws rua sau ib tug txivneej; Nwg yog tug kws yuav muab tuabneeg ua kevcai raus huv Vaaj Ntsujplig tug Dlawbhuv.’ ” 34Yauhaas has tas, “Kuv tub pum Nwg lawm, hab kuv qha rua mej has tas, Nwg yog Vaajtswv tug Tub.”
Yexus Thawj Cov Thwjtim
35Nub tomqaab, Yauhaas rov nrug nwg ob tug thwjtim sawv uake ntawm qhov chaw ntawd dlua, 36thaus ntawd nwg pum Yexus taug kev tuaj. Nwg txhaj has tas, “Mej saib seb, tug ntawd yog Vaajtswv tug mivnyuas Yaaj!”
37Yauhaas ob tug thwjtim nov Yauhaas has le ntawd, tes obtug txawm nrug Yexus moog lawm. 38Yexus tig hab pum obtug taabtom lawv Nwg qaab, Nwg txhaj nug obtug has tas, “Meb nrhav dlaabtsi?”
Obtug teb tas, “Lanpis,” (Lulug nuav txhais has tas “Xwbfwb”) “Koj su qhovtwg?”
39Yexus teb tas, “Lug saib maj.” (Thaus ntawd yog plaub teev nubqaij.) Yogle ntawd, obtug txhaj nrug Yexus moog hab pum qhov chaw kws Yexus nyob, hab siv sijhawm ib nub nkaus nrug Yexus nyob.
40Ob tug ntawd, muaj ib tug yog Aanrus, kws yog Ximoos Petus tug kwv. 41Taamsim ntawd Aanrus txawm moog ntsib nwg tug tijlaug Ximoos hab has tas, “Wb tub ntsib tug Mexiyas lawm.” (Lulug Mexiyas nuav txhais has tas “Khetos.”) 42Tes Aanrus txhaj coj Ximoos moog cuag Yexus.
Yexus saibntsoov Ximoos hab has tas, “Koj lub npe hu ua Ximoos kws yog Yauhaas tug tub, tabsis yuav muab koj hu ua Kefas.” (Lub npe Kefas kuj zoo tuabyaam le Petus hab, lub npe ntawd txhais has tas “lub pobzeb.”)
Yexus Hu Filiv Hab Nathana-ees
43Nub tomqaab Yexus tau txavtxim sab moog rua peg Kalilais. Nwg moog pum Filiv hab Nwg hu Filiv has tas, “Koj cale nrug Kuv moog!” ( 44Filiv yog tuaj huv lub nroog Npexaidas tuaj, kws yog lub nroog kws Aanrus hab Petus obtug nyob.) 45Filiv moog nrhav tau Nathana-ees hab has rua nwg has tas, “Peb tub ntsib tug kws Mauxes sau nyob rua huv phoo ntawv Kevcai hab cov xwbfwb cev Vaajtswv lug sau txug Nwg lawm. Nwg yog Yexus, Yauxej tug tub, kws yog tuabneeg Naxalev.”
46Nathana-ees nug Filiv has tas, “Puas yuav muaj ib yaam dlaabtsi zoo kws tshwm tau huv Naxalev tuaj maj?”
Filiv teb tas, “Lug saib maj.”
47Thaus Yexus pum Nathana-ees taabtom tuaj cuag Nwg, Nwg txawm has txug Nathana-ees has tas, “Tug nuav lau, yog tseem-tseem tuabneeg Yixalayees; nyob huv nwg yeej tsi muaj kev dlaag le!”
48Nathana-ees nug Yexus has tas, “Koj paub kuv tau lecaag?”
Yexus teb tas, “Kuv tub pum koj thaus koj nyob huvqaab tsob txiv ncuavpas uantej kws Filiv hu koj lawm.”
49Nathana-ees teb tas, “Xwbfwb, Koj yog Vaajtswv tug Tub! Koj yog cov Yixalayees tug vaajntxwv tag!”
50Yexus has rua Nathana-ees has tas, “Vim Kuv has rua koj tas, Kuv tub pum koj nyob huvqaab tsob txiv ncuavpas, koj txhajle ntseeg lov? Koj tseem yuav pum ntau yaam tseemceeb luj dlua qhov nuav hab!” 51Hab Yexus has rua puab tas, “Kuv qha tseeb rua mej has tas: mej yuav pum roojntug qheb hab pum Vaajtswv cov timtswv nce moog hab nqeg lug ntawm Tuabneeg Leejtub.”
Επιλέχθηκαν προς το παρόν:
Yauhaas 1: HNJ2022
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© 2022 United Bible Societies. All rights reserved.
Yauhaas 1
1
Txujlug Kws Cawm Tuabneeg Txujsa
1Thaus chivkeeb, Txujlug tub yeej muaj nyob lawm; Txujlug ibtxwm nrug Vaajtswv nyob, hab Txujlug ntawd yog Vaajtswv. 2Thaus chivkeeb, Txujlug yeej ibtxwm nrug Vaajtswv nyob. 3Vaajtswv tsim ibpuas tsaavyaam lug ntawm Txujlug ntawd; yog tsi muaj Nwg, ibpuas tsaavyaam ntawd yeej yuav tsi muaj ib yaam twg kws yuav tshwmsim tau lug le. 4Txujlug yog lub hauvpaug txujsa,#1:4: Txujlug yog lub hauvpaug txujsa; lossis Yaam kws tsim tau lug ntawd ua kuas txujsa cog ruaj rua ntawm Txujlug. hab txujsa ntawd yog qhov kaaj rua tuabneeg pumkev. 5Qhov kaaj ntawd ci huv qhov tsaus, hab qhov tsaus yuav kov tsi yeej qhov kaaj.
6Vaajtswv khaiv ib tug txivneej kws yog Nwg tug tub cevlug hu ua Yauhaas 7lug ua timkhawv txug qhov kaaj, sub txhua tug txhaj tau nov Txujlug ntawd hab ntseeg. 8Yauhaas tsi yog qhov kaaj; nwg tsuas lug ua timkhawv txug qhov kaaj xwb. 9Nuav txhaj yog qhov kaaj kws tseeb tag: qhov kaaj tau lug rua huv lub nplajteb hab ci rua txhua tsaav tuabneeg.
10Txujlug tub lug nyob huv nplajteb nuav lawm, hab Vaajtswv tsim lub nplajteb nuav yog lug ntawm Nwg, tabsis tuabneeg nplajteb tsi paub Nwg. 11Nwg lug rua huv Nwg lub teb lub chaw, tabsis Nwg tsaav tuabneeg tsi leeg yuav Nwg. 12Tabsis txhua tug kws lug leeg yuav Nwg hab ntseeg Nwg, Nwg pub puab muaj cai lug ua Vaajtswv cov mivnyuas. 13Puab tau lug ua Vaajtswv cov mivnyuas tsi yog lawvle tuabneeg nqajtawv ibtxwm muaj mivnyuas, kws yog muaj nam muaj txiv yug; tabsis Vaajtswv tugkheej yog puab txiv ntaag.
14Txujlug ntawd tau lug yug ua tuabneeg, Nwg puvnpo txuj moovhlub hab qhov tseeb, hab Nwg nyob nruabnraab huv peb. Peb pum Nwg tug tshwjchim ci ntsaa-ab, Leejtxiv pub tug tshwjchim ntawd rua Nwg, ruaqhov Nwg yog Leejtxiv tuableeg Tub.
15Yauhaas ua timkhawv txug Tug ntawd zaaj. Nwg qw nrov-nrov has tas, “Tug nuav lau, yog tug kws kuv qha rua mej lawm has tas, ‘Nwg lawv kuv qaab lug, tabsis Nwg muaj fwjchim luj dlua kuv, ruaqhov Nwg yeej ibtxwm muaj nyob uantej yug kuv lawm.’ ”
16Lug ntawm Nwg txuj moovhlub kws nplua-mag, Nwg txhaj foom koobmoov rua peb suavdlawg, pub koobmoov rua peb ib zag dlhau rua ib zag. 17Vaajtswv muab txuj Kevcai rua peb lug ntawm Mauxes, tabsis Nwg muab txuj moovhlub hab qhov tseeb rua peb lug ntawm Yexus Khetos. 18Yeej tsi tau muaj leejtwg pum Vaajtswv ib zag le. Tsuas yog Leejtub kws yog Vaajtswv hab nyob ntawm Leejtxiv lub xubndlag, txhaj qha Vaajtswv rua suavdlawg paub xwb.
Yauhaas Tug Kws Muab Tuabneeg Ua Kevcai Rausdlej Tej Lug Qha
(Mathais 3:1-12; Malakaus 1:1-18; Lukas 3:1-18)
19Cov Yudais cov numtswv kws nyob huv lub nroog Yeluxalees tso cov povthawj hlub hab cov Levis qeeleej moog nug Yauhaas has tas, “Koj yog leejtwg?”
20Yauhaas teb qhov tseeb hab leeg has tas, “Kuv tsi yog tug Mexiyas.”
21Puab nug has tas, “Yogle, koj ho yog leejtwg? Koj puas yog Eliyas?”
Yauhaas teb tas, “Kuv tsi yog.”
Puab nug has tas, “Koj puas yog tug xwbfwb cev Vaajtswv lug?”#1:21: tug xwbfwb cev Vaajtswv lug Yog tug kws tog kuas tshwm lug hab tshaajtawm has tas tug Mexiyas yuav lug.
Yauhaas teb tas, “Kuv tsi yog.” #Mlakis 4:5; 2Kev 18:15, 18
22Puab has tas, “Yogle, koj qha rua peb seb koj yog leejtwg tag, peb txhaj paub rov moog qha rua cov kws khaiv peb tuaj. Koj qha seb koj yog leejtwg?”
23Yauhaas teb puab lawvle Yaxayas, kws yog tug xwbfwb cev Vaajtswv lug tau sau tseg le nuav:
“Kuv yog ‘lub suab ntawm ib tug tuabneeg kws qw nrov-nrov
tom roob mojsaab qhua has tas:
Cale khu txujkev kuas ncaaj rua tug Tswv taug!’ ”
24Cov tuabneeg kws cov Falixais khaiv moog ntawd,#1:24: Cov tuabneeg kws cov Falixais khaiv moog ntawd; lossis Cov tuabneeg kws raug khaiv moog ntawd puavleej yog cov Falixais. 25puab txhaj nug Yauhaas has tas, “Yog koj has tas koj tsi yog tug Mexiyas, tsi yog Eliyas, hab tsi yog tug xwbfwb cev Vaajtswv lug, vim lecaag koj ho muab tuabneeg ua kevcai rausdlej?”
26Yauhaas teb tas, “Kuv muab tuabneeg ua kevcai raus lug ntawm dlej, tabsis muaj ib tug nrug mej nyob ntawm nuav, mej tub tsi paub Nwg. 27Nwg yog tug kws taabtom lawv kuv qaab lug, txawm yog Nwg nkawm khau xwb los kuv tub tsi tsimnyog moog dlaws txuj nyuas hlua.”
28Txhua yaam nuav tshwmsim huv lub zog Npethanis kws nyob ntawm ntug dlej Yauladees saab nubtuaj, kws yog qhov chaw Yauhaas muab tuabneeg ua kevcai rausdlej.
Vaajtswv Tug Mivnyuas Yaaj
29Nub tomqaab, Yauhaas pum Yexus taug kev tuaj rua ntawm nwg, Yauhaas txhaj has tas, “Mej saib seb, tug ntawd yog Vaajtswv tug mivnyuas Yaaj kws yuav ris tuabneeg nplajteb lub txim! 30Tug nuav ntaag lau, yog tug kws kuv qha has tas, ‘Muaj ib tug taabtom lawv kuv qaab lug, Nwg muaj fwjchim luj dlua kuv, ruaqhov Nwg yeej ibtxwm muaj nyob uantej yug kuv lawm.’ 31Kuv tsi tau paub tas Nwg yuav yog leejtwg, tabsis kuv lug muab tuabneeg ua kevcai raus lug ntawm dlej kuas cov Yixalayees paub Nwg.”
32Yauhaas ua timkhawv has tas, “Kuv pum Vaaj Ntsujplig zoo ib yaam le tug nquab lug sau ntuj lug nyob sau Nwg. 33Kuv tseem tsi tau paub tas Nwg yog leejtwg, tabsis Vaajtswv tug kws khaiv kuv lug muab tuabneeg ua kevcai rausdlej has rua kuv tas, ‘Koj yuav pum Vaaj Ntsujplig lug hab tsaws rua sau ib tug txivneej; Nwg yog tug kws yuav muab tuabneeg ua kevcai raus huv Vaaj Ntsujplig tug Dlawbhuv.’ ” 34Yauhaas has tas, “Kuv tub pum Nwg lawm, hab kuv qha rua mej has tas, Nwg yog Vaajtswv tug Tub.”
Yexus Thawj Cov Thwjtim
35Nub tomqaab, Yauhaas rov nrug nwg ob tug thwjtim sawv uake ntawm qhov chaw ntawd dlua, 36thaus ntawd nwg pum Yexus taug kev tuaj. Nwg txhaj has tas, “Mej saib seb, tug ntawd yog Vaajtswv tug mivnyuas Yaaj!”
37Yauhaas ob tug thwjtim nov Yauhaas has le ntawd, tes obtug txawm nrug Yexus moog lawm. 38Yexus tig hab pum obtug taabtom lawv Nwg qaab, Nwg txhaj nug obtug has tas, “Meb nrhav dlaabtsi?”
Obtug teb tas, “Lanpis,” (Lulug nuav txhais has tas “Xwbfwb”) “Koj su qhovtwg?”
39Yexus teb tas, “Lug saib maj.” (Thaus ntawd yog plaub teev nubqaij.) Yogle ntawd, obtug txhaj nrug Yexus moog hab pum qhov chaw kws Yexus nyob, hab siv sijhawm ib nub nkaus nrug Yexus nyob.
40Ob tug ntawd, muaj ib tug yog Aanrus, kws yog Ximoos Petus tug kwv. 41Taamsim ntawd Aanrus txawm moog ntsib nwg tug tijlaug Ximoos hab has tas, “Wb tub ntsib tug Mexiyas lawm.” (Lulug Mexiyas nuav txhais has tas “Khetos.”) 42Tes Aanrus txhaj coj Ximoos moog cuag Yexus.
Yexus saibntsoov Ximoos hab has tas, “Koj lub npe hu ua Ximoos kws yog Yauhaas tug tub, tabsis yuav muab koj hu ua Kefas.” (Lub npe Kefas kuj zoo tuabyaam le Petus hab, lub npe ntawd txhais has tas “lub pobzeb.”)
Yexus Hu Filiv Hab Nathana-ees
43Nub tomqaab Yexus tau txavtxim sab moog rua peg Kalilais. Nwg moog pum Filiv hab Nwg hu Filiv has tas, “Koj cale nrug Kuv moog!” ( 44Filiv yog tuaj huv lub nroog Npexaidas tuaj, kws yog lub nroog kws Aanrus hab Petus obtug nyob.) 45Filiv moog nrhav tau Nathana-ees hab has rua nwg has tas, “Peb tub ntsib tug kws Mauxes sau nyob rua huv phoo ntawv Kevcai hab cov xwbfwb cev Vaajtswv lug sau txug Nwg lawm. Nwg yog Yexus, Yauxej tug tub, kws yog tuabneeg Naxalev.”
46Nathana-ees nug Filiv has tas, “Puas yuav muaj ib yaam dlaabtsi zoo kws tshwm tau huv Naxalev tuaj maj?”
Filiv teb tas, “Lug saib maj.”
47Thaus Yexus pum Nathana-ees taabtom tuaj cuag Nwg, Nwg txawm has txug Nathana-ees has tas, “Tug nuav lau, yog tseem-tseem tuabneeg Yixalayees; nyob huv nwg yeej tsi muaj kev dlaag le!”
48Nathana-ees nug Yexus has tas, “Koj paub kuv tau lecaag?”
Yexus teb tas, “Kuv tub pum koj thaus koj nyob huvqaab tsob txiv ncuavpas uantej kws Filiv hu koj lawm.”
49Nathana-ees teb tas, “Xwbfwb, Koj yog Vaajtswv tug Tub! Koj yog cov Yixalayees tug vaajntxwv tag!”
50Yexus has rua Nathana-ees has tas, “Vim Kuv has rua koj tas, Kuv tub pum koj nyob huvqaab tsob txiv ncuavpas, koj txhajle ntseeg lov? Koj tseem yuav pum ntau yaam tseemceeb luj dlua qhov nuav hab!” 51Hab Yexus has rua puab tas, “Kuv qha tseeb rua mej has tas: mej yuav pum roojntug qheb hab pum Vaajtswv cov timtswv nce moog hab nqeg lug ntawm Tuabneeg Leejtub.”
Επιλέχθηκαν προς το παρόν:
:
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© 2022 United Bible Societies. All rights reserved.