Yauhaas 18
18
Yexus Raug Nteg
(Mathais 26:47-56; Malakaus 14:43-52; Lukas 22:47-53)
1Thaus Yexus thov Vaajtswv taag lawm, Nwg nrug Nwg cov thwjtim hlaa lub kwjhaa Kiloos moog rua saab tid. Nyob rua ntawd muaj ib lub vaaj, Yexus hab Nwg cov thwjtim txawm moog rua huv lub vaaj ntawd. 2Yudas tug kws ntxeevsab rua Yexus kuj paub qhov chaw ntawd hab, ruaqhov Yexus tub tuaj ntsib cov thwjtim ntau zag huv lub vaaj ntawd lawm. 3Yogle ntawd, Yudas txhaj moog ntawm lub vaaj hab coj ib paab tubrog Loos hab cov kws zuv lub Tuamtsev qeeleej kws cov thawj povthawj hlub hab cov Falixais tso tuaj nrug nwg moog rua huv lub vaaj; puab nqaa ntaaj, taws teeb, hab taws tsau cig laamlug tuaj. 4Yexus yeej paub txhua yaam kws yuav lug raug Nwg, Nwg txaav zog moog nug puab has tas, “Mej tuaj nrhav leejtwg?”
5Puab teb tas, “Peb tuaj nrhav Yexus kws yog tuabneeg Naxalev.”
Yexus teb puab has tas, “Kuv yog tug ntawd ntaag.”
Yudas tug kws ntxeevsab, taabtom nrug puab sawv uake ntawd hab. 6Thaus Yexus has rua puab tas, “Kuv yog tug ntawd ntaag,” puab thaub ncho rovqaab hab qaug zumzawg rua huv aav. 7Yexus rovqaab nug puab has tas, “Mej tuaj nrhav leejtwg?”
Puab teb tas, “Peb tuaj nrhav Yexus kws yog tuabneeg Naxalev.”
8Yexus teb tas, “Kuv tub qha rua mej lawm has tas, Kuv yog tug ntawd ntaag nua ne. Yog mej tuaj nrhav Kuv tag, mej cale tso cov tuabneeg nuav moog.” ( 9Yexus has le nuav kuas tav lawvle tej lug kws Yexus has tas, “Txiv, cov tuabneeg kws koj muab rua Kuv lawm, tsi muaj ib tug pluj le.”)
10Ximoos Petus muaj ib raab ntaaj, nwg txawm rhu hlo nwg raab ntaaj lug tuab ntaag rua tug Tuam Povthawj Hlub tug tubqhe saab nploojntseg xis tunrho. Tug tubqhe ntawd hu ua Malekhus. 11Yexus has rua Petus tas, “Cale muab koj raab ntaaj ntxig rov rua huv lub naab! Koj xaav tas Kuv yuav tsi haus lub khob ab khob dlaw kws Kuv Txiv muab rua Kuv haus nua lov?” #Math 26:39; Malak 14:36; Lukas 22:42
Coj Yexus Moog Cuag Anas
12Cov tuabneeg Loos tug thawj tubrog nrug rua nwg cov tubrog hab Yudais cov tub ceevxwm txawm nteg Yexus, muab Nwg khi, 13hab xub coj Nwg moog cuag Anas kws yog Kaiyafas yawmtxiv; xyoo ntawd Kaiyafas yog tug Tuam Povthawj Hlub. 14Kaiyafas yog tug kws tau has rua cov Yudais tej numtswv has tas, ca ib tug tuag theej suavdlawg xwb yuav zoo dlua. #Yauh 11:49-50
Petus Tsi Leeg Paub Yexus
(Mathais 26:69-70; Malakaus 14:66-68; Lukas 22:55-57)
15Ximoos Petus hab ib tug thwjtim lawv Yexus qaab moog. Tug thwjtim ntawd yog ib tug kws tug Tuam Povthawj Hlub paub nwg zoo, yogle ntawd, nwg txhaj nrug Yexus moog rua huv lub tshaavloog ntawm tug Tuam Povthawj Hlub lub tsev, 16tabsis Petus sawv saabnrau roojvaag. Tug thwjtim kws tug Tuam Povthawj Hlub paub ntawd txawm tawm lug has rua tug ntxhais qhev kws zuv roojvaag hab coj Petus moog rua huv tsev. 17Tug ntxhais qhev kws zuv roojvaag txawm has rua Petus has tas, “Koj yog tug txivneej kws raug nteg ntawd ib tug thwjtim hab los sav?”
Petus teb tas, “Kuv tsi yog.”
18Mo ntawd no heev, cov tubkhai hab cov tub ceevxwm txawm rauv ib cub thee, hab suavdlawg sawv puagncig nte tawg. Tes Petus txawm moog nrug puab sawv uake nte tawg hab.
Tug Tuam Povthawj Hlub Nug Yexus
(Mathais 26:59-66; Malakaus 14:55-64; Lukas 22:66-71)
19Tug Tuam Povthawj Hlub nug Yexus txug Yexus cov thwjtim hab Yexus tej lug qhuabqha. 20Yexus teb tas, “Kuv yeej txeev taabmeeg qha rua tuabneeg suavdlawg; txhua yaam kws Kuv qha yeej yog qha huv tej tsev saablaaj hab huv lub Tuamtsev, qhov chaw kws suavdlawg tuaj txoos uake. Kuv yeej tsi tau has ib zaaj zais nkoog rua qhovtwg le. 21Koj tseem yuav nug Kuv ua dlaabtsi? Kuj nug cov tuabneeg kws nov Kuv qha. Nug seb kuv has lecaag rua puab; puab tub paub tej kws Kuv qha huv tuabsi ne.”
22Thaus Yexus has le ntawd, muaj ib tug faajxwm nyob ze ntawd, txawm cale tuab tawgncuav rua Yexus ntsejmuag hab has tas, “Uacaag Koj yuav laam teb tug Tuam Povthawj Hlub zoole ko?”
23Yexus teb nwg has tas, “Yog Kuv tau has ib qho twg txhum lawm, koj kuj qha qhov txhum ntawd rua suavdlawg paub. Tabsis yog Kuv has yog lawm, koj laam ntaus Kuv ua dlaabtsi?”
24Tes Anas txhaj xaa Yexus kws tseem khi quas nreeg moog rua Kaiyafas kws yog tug Tuam Povthawj Hlub.
Petus Rovqaab Tsi Leeg Paub Yexus
(Mathais 26:71-75; Malakaus 14:69-72; Lukas 22:58-62)
25Thaus Ximoos Petus tseem sawv nte tawg, cov tuabneeg kws nyob ntawd has rua Petus tas, “Koj yog tug txivneej kws raug nteg ntawd ib tug thwjtim hab los sav?”
Tabsis Petus tsi leeg le, nwg has tas, “Kuv tsi yog.”
26Tug Tuam Povthawj Hlub ib tug qhev kws yog tug txivneej kws Petus txav ib saab nploojntseg tu ntawd ib tug kwvtij txawm has tas, “Kuv pum koj nrug tug txivneej ntawd nyob huv lub vaaj, tsi yog lov?”
27Petus rov tsi leeg dlua has tas, “Tsi yog kuv.” Tes taamsim ntawd qab txawm qua.
Coj Yexus Moog Cuag Philaj
(Mathais 27:1-2, 11-14; Malakaus 15:1-5; Lukas 23:1-5)
28Thaus kaajntug txoog, puab coj Yexus tawm huv Kaiyafas tsev moog rua ntawm tug tswvxeev lub vaajloog. Cov Yudais tej numtswv tsi kaam moog huv lub loog, ruaqhov puab xaav ceev puab tugkheej kuas huv, sub puab txhaj noj tau rooj mov kws ua kevcai Hlaa Dlhau. 29Yogle ntawd, Philaj txhaj tawm moog cuag puab saabnrau hab nug has tas, “Mej komtxim rua tug txivneej nuav txug zaaj dlaabtsi?”
30Puab teb tas, “Yog Nwg tsi tau ua txhum, tes peb yeej yuav tsi coj Nwg tuaj cuag koj.”
31Philaj has rua puab tas, “Mej coj Nwg moog hab txavtxim lawvle mej txuj kevcai.”
Cov Yudais teb tas, “Tabsis numtswv Loos tub tsi tsocai rua peb muab leejtwg tua ne!” ( 32Qhov nuav muaj lawvle tej lug kws Yexus tub qha uantej lawm has tas Nwg yuav tuag lecaag.) #Yauh 3:14; 12:32
33Philaj rovqaab moog rua huv lub loog hab hu Yexus lug cuag nwg. Nwg nug Yexus has tas, “Koj puas yog cov Yudais tug vaajntxwv?”
34Yexus teb tas, “Lulug nug nuav yog tawm ntawm koj lug, los yog tub muaj lwmtug qha txug Kuv rua koj lawm?”
35Philaj teb tas, “Koj xaav tas kuv yog tuabneeg Yudais nua lov? Tub yog Koj tsaav tuabneeg hab cov thawj povthawj hlub yog cov kws nteg Koj tuaj rua kuv ntaag. Koj tau ua txhum dlaabtsi?”
36Yexus has tas, “Kuv lub tebchaws tsi yog lub nplajteb nuav. Yog Kuv lub tebchaws yog lub nplajteb nuav, Kuv cov thwjtim yeej yuav tivthaiv Kuv, tsi pub kuas cov Yudais tej numtswv nteg tau Kuv. Tabsis Kuv lub tebchaws tsi yog lub nplajteb nuav!”
37Philaj nug Yexus has tas, “Yogle ntawd, Koj yog ib tug vaajntxwv lov?”
Yexus teb tas, “Koj yog tug kws has tas Kuv yog vaajntxwv. Qhov kws Kuv lug yug rua huv lub nplajteb nuav yog muaj tuablub homphaj xwb, qhov ntawd yog lug qha qhov tseeb. Txhua tug kws nyob rua huv qhov tseeb yeej noog Kuv lug.”
38Philaj nug Yexus has tas, “Qhov tseeb ntawd yog dlaabtsi?”
Txavtxim Muab Yexus Tua
(Mathais 27:15-31; Malakaus 15:6-20; Lukas 23:13-25)
Tes Philaj txawm tawm rov moog cuag cov Yudais rua saabnrau hab has rua puab tas, “Kuv tsi pum Nwg tau ua ib qhov txhum kws yuav txaus rautxim le. 39Tabsis lawvle mej txuj kevcai, txhua zag kws mej ua kevcai Hlaa Dlhau, kuv yeej ibtxwm tso ib tug tuabneeg raug txim rua mej. Mej puas xaav kuas kuv tso cov Yudais tug vaajntxwv rua mej?”
40Puab txawm qw nrov-nrov rua Philaj tas, “Tsi xob tso tug txivneej nuav! Peb xaav tau Npalanpas xwb!” (Npalanpas yog ib tug tuabneeg tubsaab.)
Επιλέχθηκαν προς το παρόν:
Yauhaas 18: HNJ2022
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© 2022 United Bible Societies. All rights reserved.
Yauhaas 18
18
Yexus Raug Nteg
(Mathais 26:47-56; Malakaus 14:43-52; Lukas 22:47-53)
1Thaus Yexus thov Vaajtswv taag lawm, Nwg nrug Nwg cov thwjtim hlaa lub kwjhaa Kiloos moog rua saab tid. Nyob rua ntawd muaj ib lub vaaj, Yexus hab Nwg cov thwjtim txawm moog rua huv lub vaaj ntawd. 2Yudas tug kws ntxeevsab rua Yexus kuj paub qhov chaw ntawd hab, ruaqhov Yexus tub tuaj ntsib cov thwjtim ntau zag huv lub vaaj ntawd lawm. 3Yogle ntawd, Yudas txhaj moog ntawm lub vaaj hab coj ib paab tubrog Loos hab cov kws zuv lub Tuamtsev qeeleej kws cov thawj povthawj hlub hab cov Falixais tso tuaj nrug nwg moog rua huv lub vaaj; puab nqaa ntaaj, taws teeb, hab taws tsau cig laamlug tuaj. 4Yexus yeej paub txhua yaam kws yuav lug raug Nwg, Nwg txaav zog moog nug puab has tas, “Mej tuaj nrhav leejtwg?”
5Puab teb tas, “Peb tuaj nrhav Yexus kws yog tuabneeg Naxalev.”
Yexus teb puab has tas, “Kuv yog tug ntawd ntaag.”
Yudas tug kws ntxeevsab, taabtom nrug puab sawv uake ntawd hab. 6Thaus Yexus has rua puab tas, “Kuv yog tug ntawd ntaag,” puab thaub ncho rovqaab hab qaug zumzawg rua huv aav. 7Yexus rovqaab nug puab has tas, “Mej tuaj nrhav leejtwg?”
Puab teb tas, “Peb tuaj nrhav Yexus kws yog tuabneeg Naxalev.”
8Yexus teb tas, “Kuv tub qha rua mej lawm has tas, Kuv yog tug ntawd ntaag nua ne. Yog mej tuaj nrhav Kuv tag, mej cale tso cov tuabneeg nuav moog.” ( 9Yexus has le nuav kuas tav lawvle tej lug kws Yexus has tas, “Txiv, cov tuabneeg kws koj muab rua Kuv lawm, tsi muaj ib tug pluj le.”)
10Ximoos Petus muaj ib raab ntaaj, nwg txawm rhu hlo nwg raab ntaaj lug tuab ntaag rua tug Tuam Povthawj Hlub tug tubqhe saab nploojntseg xis tunrho. Tug tubqhe ntawd hu ua Malekhus. 11Yexus has rua Petus tas, “Cale muab koj raab ntaaj ntxig rov rua huv lub naab! Koj xaav tas Kuv yuav tsi haus lub khob ab khob dlaw kws Kuv Txiv muab rua Kuv haus nua lov?” #Math 26:39; Malak 14:36; Lukas 22:42
Coj Yexus Moog Cuag Anas
12Cov tuabneeg Loos tug thawj tubrog nrug rua nwg cov tubrog hab Yudais cov tub ceevxwm txawm nteg Yexus, muab Nwg khi, 13hab xub coj Nwg moog cuag Anas kws yog Kaiyafas yawmtxiv; xyoo ntawd Kaiyafas yog tug Tuam Povthawj Hlub. 14Kaiyafas yog tug kws tau has rua cov Yudais tej numtswv has tas, ca ib tug tuag theej suavdlawg xwb yuav zoo dlua. #Yauh 11:49-50
Petus Tsi Leeg Paub Yexus
(Mathais 26:69-70; Malakaus 14:66-68; Lukas 22:55-57)
15Ximoos Petus hab ib tug thwjtim lawv Yexus qaab moog. Tug thwjtim ntawd yog ib tug kws tug Tuam Povthawj Hlub paub nwg zoo, yogle ntawd, nwg txhaj nrug Yexus moog rua huv lub tshaavloog ntawm tug Tuam Povthawj Hlub lub tsev, 16tabsis Petus sawv saabnrau roojvaag. Tug thwjtim kws tug Tuam Povthawj Hlub paub ntawd txawm tawm lug has rua tug ntxhais qhev kws zuv roojvaag hab coj Petus moog rua huv tsev. 17Tug ntxhais qhev kws zuv roojvaag txawm has rua Petus has tas, “Koj yog tug txivneej kws raug nteg ntawd ib tug thwjtim hab los sav?”
Petus teb tas, “Kuv tsi yog.”
18Mo ntawd no heev, cov tubkhai hab cov tub ceevxwm txawm rauv ib cub thee, hab suavdlawg sawv puagncig nte tawg. Tes Petus txawm moog nrug puab sawv uake nte tawg hab.
Tug Tuam Povthawj Hlub Nug Yexus
(Mathais 26:59-66; Malakaus 14:55-64; Lukas 22:66-71)
19Tug Tuam Povthawj Hlub nug Yexus txug Yexus cov thwjtim hab Yexus tej lug qhuabqha. 20Yexus teb tas, “Kuv yeej txeev taabmeeg qha rua tuabneeg suavdlawg; txhua yaam kws Kuv qha yeej yog qha huv tej tsev saablaaj hab huv lub Tuamtsev, qhov chaw kws suavdlawg tuaj txoos uake. Kuv yeej tsi tau has ib zaaj zais nkoog rua qhovtwg le. 21Koj tseem yuav nug Kuv ua dlaabtsi? Kuj nug cov tuabneeg kws nov Kuv qha. Nug seb kuv has lecaag rua puab; puab tub paub tej kws Kuv qha huv tuabsi ne.”
22Thaus Yexus has le ntawd, muaj ib tug faajxwm nyob ze ntawd, txawm cale tuab tawgncuav rua Yexus ntsejmuag hab has tas, “Uacaag Koj yuav laam teb tug Tuam Povthawj Hlub zoole ko?”
23Yexus teb nwg has tas, “Yog Kuv tau has ib qho twg txhum lawm, koj kuj qha qhov txhum ntawd rua suavdlawg paub. Tabsis yog Kuv has yog lawm, koj laam ntaus Kuv ua dlaabtsi?”
24Tes Anas txhaj xaa Yexus kws tseem khi quas nreeg moog rua Kaiyafas kws yog tug Tuam Povthawj Hlub.
Petus Rovqaab Tsi Leeg Paub Yexus
(Mathais 26:71-75; Malakaus 14:69-72; Lukas 22:58-62)
25Thaus Ximoos Petus tseem sawv nte tawg, cov tuabneeg kws nyob ntawd has rua Petus tas, “Koj yog tug txivneej kws raug nteg ntawd ib tug thwjtim hab los sav?”
Tabsis Petus tsi leeg le, nwg has tas, “Kuv tsi yog.”
26Tug Tuam Povthawj Hlub ib tug qhev kws yog tug txivneej kws Petus txav ib saab nploojntseg tu ntawd ib tug kwvtij txawm has tas, “Kuv pum koj nrug tug txivneej ntawd nyob huv lub vaaj, tsi yog lov?”
27Petus rov tsi leeg dlua has tas, “Tsi yog kuv.” Tes taamsim ntawd qab txawm qua.
Coj Yexus Moog Cuag Philaj
(Mathais 27:1-2, 11-14; Malakaus 15:1-5; Lukas 23:1-5)
28Thaus kaajntug txoog, puab coj Yexus tawm huv Kaiyafas tsev moog rua ntawm tug tswvxeev lub vaajloog. Cov Yudais tej numtswv tsi kaam moog huv lub loog, ruaqhov puab xaav ceev puab tugkheej kuas huv, sub puab txhaj noj tau rooj mov kws ua kevcai Hlaa Dlhau. 29Yogle ntawd, Philaj txhaj tawm moog cuag puab saabnrau hab nug has tas, “Mej komtxim rua tug txivneej nuav txug zaaj dlaabtsi?”
30Puab teb tas, “Yog Nwg tsi tau ua txhum, tes peb yeej yuav tsi coj Nwg tuaj cuag koj.”
31Philaj has rua puab tas, “Mej coj Nwg moog hab txavtxim lawvle mej txuj kevcai.”
Cov Yudais teb tas, “Tabsis numtswv Loos tub tsi tsocai rua peb muab leejtwg tua ne!” ( 32Qhov nuav muaj lawvle tej lug kws Yexus tub qha uantej lawm has tas Nwg yuav tuag lecaag.) #Yauh 3:14; 12:32
33Philaj rovqaab moog rua huv lub loog hab hu Yexus lug cuag nwg. Nwg nug Yexus has tas, “Koj puas yog cov Yudais tug vaajntxwv?”
34Yexus teb tas, “Lulug nug nuav yog tawm ntawm koj lug, los yog tub muaj lwmtug qha txug Kuv rua koj lawm?”
35Philaj teb tas, “Koj xaav tas kuv yog tuabneeg Yudais nua lov? Tub yog Koj tsaav tuabneeg hab cov thawj povthawj hlub yog cov kws nteg Koj tuaj rua kuv ntaag. Koj tau ua txhum dlaabtsi?”
36Yexus has tas, “Kuv lub tebchaws tsi yog lub nplajteb nuav. Yog Kuv lub tebchaws yog lub nplajteb nuav, Kuv cov thwjtim yeej yuav tivthaiv Kuv, tsi pub kuas cov Yudais tej numtswv nteg tau Kuv. Tabsis Kuv lub tebchaws tsi yog lub nplajteb nuav!”
37Philaj nug Yexus has tas, “Yogle ntawd, Koj yog ib tug vaajntxwv lov?”
Yexus teb tas, “Koj yog tug kws has tas Kuv yog vaajntxwv. Qhov kws Kuv lug yug rua huv lub nplajteb nuav yog muaj tuablub homphaj xwb, qhov ntawd yog lug qha qhov tseeb. Txhua tug kws nyob rua huv qhov tseeb yeej noog Kuv lug.”
38Philaj nug Yexus has tas, “Qhov tseeb ntawd yog dlaabtsi?”
Txavtxim Muab Yexus Tua
(Mathais 27:15-31; Malakaus 15:6-20; Lukas 23:13-25)
Tes Philaj txawm tawm rov moog cuag cov Yudais rua saabnrau hab has rua puab tas, “Kuv tsi pum Nwg tau ua ib qhov txhum kws yuav txaus rautxim le. 39Tabsis lawvle mej txuj kevcai, txhua zag kws mej ua kevcai Hlaa Dlhau, kuv yeej ibtxwm tso ib tug tuabneeg raug txim rua mej. Mej puas xaav kuas kuv tso cov Yudais tug vaajntxwv rua mej?”
40Puab txawm qw nrov-nrov rua Philaj tas, “Tsi xob tso tug txivneej nuav! Peb xaav tau Npalanpas xwb!” (Npalanpas yog ib tug tuabneeg tubsaab.)
Επιλέχθηκαν προς το παρόν:
:
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© 2022 United Bible Societies. All rights reserved.