- उत्पत्ति 13
13
अब्राम और लूत कौ अलग होबो
1तब अब्राम अपनी घरवारी और अपनी पूरी सम्पत्ति लैकें, लूत हों भी संगै लएं भए, मिस्र हों छोड़कें कनान के दक्खिन देस में आओ। 2अब्राम गाड़र-छिरियां, गईया-बैला, सोना-चांदी कौ बड़ो धनी हतो। 3फिन ऊ दक्खिन देस सें चलकें बेतेल के लिगां ओई जागां हों पोंचो, जितै ऊने तम्बू पैलां ठांड़ो करो हतो, जो बेतेल और ऐ नगर के मजारें आय। 4जा जागां ऊ बेदी की आय, जीहों ऊने पैलां बनाई हती; और उतै अब्राम ने फिन यहोवा परमेसुर सें बिन्तवाई करी। 5लूत के लिगां भी, जो अब्राम के संगै निंगत हतो, गाड़र-छिरियां, गईया-बैला और तम्बू हते। 6ई लाने ऊ देस में उन दोई के लाने इतनी जागां नें हती कि बे एक संगै रएं; कायसे उनके लिगां बेजा धन हतो ई लाने बे संगै नें रै पाए। 7अब्राम और लूत की गाड़र-छिरियां, गईया-बैला के चराबेवारों में झगड़ा भओ। ऊ बेरा कनानी और परिज्जी जनें ऊ देस में रैत हते।
8तब अब्राम लूत सें कैन लगो, “मोरे और तोरे मजारें, मोरे और तोरे चरवाहों के मजारें झगड़ा नें होबे पाए; कायसे हमोंरें भाई-बंधु आंय। 9का पूरो देस तोरे सामूं नईंया? ई लाने मोए सें न्यारो हो जा; जदि तें बांईं कोद जाए तौ मैं दायनी कोद जैहों; और जदि तें दायनी कोद जाए, तौ मैं बांईं कोद जैहों।” 10तब लूत ने नजर उठाकें, यरदन नदिया के लिगांवारी पूरी तराई हों हेरो कि बा सबरी सिंची भई आय। जब लौ यहोवा परमेसुर ने सदोम और अमोरा हों नास नें करो हतो, तब लौ सोअर की गैल लौ बा तराई यहोवा परमेसुर की बगिया, और मिस्र देस के जैसी उपजाऊ हती। 11ई लाने लूत अपने लाने यरदन की पूरी तराई हों चुनकें पूरब कोद चलो, और बे एक-दूसरे सें न्यारे भए। 12अब्राम कनान देस में रओ, परन्त लूत ऊ तराई के नगरों में रैन लगो; और अपनो तम्बू सदोम के लिगां ठांड़ो करो। 13सदोम के मान्सन यहोवा परमेसुर की नजर में बेजा दुस्ट और पापी हते।
अब्राम कौ हेब्रोन हों जाबो
14जब लूत अब्राम सें न्यारो हो गओ तब ऊके बाद यहोवा परमेसुर ने अब्राम सें कई, “आंख उठाकें जौन जागां पै तें आय उतै सें उत्तर-दक्खिन, पूरब-पच्छिम, चारऊं कोद नजर कर। 15कायसे जितेक जमीन तोहों दिखाई देत आय, ऊ सबरी हों मैं तोहों और तोरे बंस हों जुग-जुग के लाने दैहों। 16मैं तोरे बंस हों पृथ्वी की धूरा के किनकों जैसो मुतकौ करहों; इतै लौ कि जो कोऊ पृथ्वी की धूरा के किनकों हों गिन पाहै ओई तोरे बंस हों भी गिन पाहै। 17उठ, ई देस की लम्बाई और चौड़ाई में चल-फिर; कायसे मैं ऊहों तोरेई हों दैहों। 18ईके बाद अब्राम अपनो तम्बू उखाड़कें, मम्रे नाओं जागां में तारपीन के पेड़ों के मजारें जो हेब्रोन में हते, जाकें रैन लगो; और उतै भी यहोवा परमेसुर की एक बेदी बनाई।”
Επιλέχθηκαν προς το παρόν:
- उत्पत्ति 13: BHB
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
New Testament books: © 2018 Central India Christian Mission.
Old Testament books: © 2018 Central India Christian Mission and Pioneer Bible Translators
- उत्पत्ति 13
13
अब्राम और लूत कौ अलग होबो
1तब अब्राम अपनी घरवारी और अपनी पूरी सम्पत्ति लैकें, लूत हों भी संगै लएं भए, मिस्र हों छोड़कें कनान के दक्खिन देस में आओ। 2अब्राम गाड़र-छिरियां, गईया-बैला, सोना-चांदी कौ बड़ो धनी हतो। 3फिन ऊ दक्खिन देस सें चलकें बेतेल के लिगां ओई जागां हों पोंचो, जितै ऊने तम्बू पैलां ठांड़ो करो हतो, जो बेतेल और ऐ नगर के मजारें आय। 4जा जागां ऊ बेदी की आय, जीहों ऊने पैलां बनाई हती; और उतै अब्राम ने फिन यहोवा परमेसुर सें बिन्तवाई करी। 5लूत के लिगां भी, जो अब्राम के संगै निंगत हतो, गाड़र-छिरियां, गईया-बैला और तम्बू हते। 6ई लाने ऊ देस में उन दोई के लाने इतनी जागां नें हती कि बे एक संगै रएं; कायसे उनके लिगां बेजा धन हतो ई लाने बे संगै नें रै पाए। 7अब्राम और लूत की गाड़र-छिरियां, गईया-बैला के चराबेवारों में झगड़ा भओ। ऊ बेरा कनानी और परिज्जी जनें ऊ देस में रैत हते।
8तब अब्राम लूत सें कैन लगो, “मोरे और तोरे मजारें, मोरे और तोरे चरवाहों के मजारें झगड़ा नें होबे पाए; कायसे हमोंरें भाई-बंधु आंय। 9का पूरो देस तोरे सामूं नईंया? ई लाने मोए सें न्यारो हो जा; जदि तें बांईं कोद जाए तौ मैं दायनी कोद जैहों; और जदि तें दायनी कोद जाए, तौ मैं बांईं कोद जैहों।” 10तब लूत ने नजर उठाकें, यरदन नदिया के लिगांवारी पूरी तराई हों हेरो कि बा सबरी सिंची भई आय। जब लौ यहोवा परमेसुर ने सदोम और अमोरा हों नास नें करो हतो, तब लौ सोअर की गैल लौ बा तराई यहोवा परमेसुर की बगिया, और मिस्र देस के जैसी उपजाऊ हती। 11ई लाने लूत अपने लाने यरदन की पूरी तराई हों चुनकें पूरब कोद चलो, और बे एक-दूसरे सें न्यारे भए। 12अब्राम कनान देस में रओ, परन्त लूत ऊ तराई के नगरों में रैन लगो; और अपनो तम्बू सदोम के लिगां ठांड़ो करो। 13सदोम के मान्सन यहोवा परमेसुर की नजर में बेजा दुस्ट और पापी हते।
अब्राम कौ हेब्रोन हों जाबो
14जब लूत अब्राम सें न्यारो हो गओ तब ऊके बाद यहोवा परमेसुर ने अब्राम सें कई, “आंख उठाकें जौन जागां पै तें आय उतै सें उत्तर-दक्खिन, पूरब-पच्छिम, चारऊं कोद नजर कर। 15कायसे जितेक जमीन तोहों दिखाई देत आय, ऊ सबरी हों मैं तोहों और तोरे बंस हों जुग-जुग के लाने दैहों। 16मैं तोरे बंस हों पृथ्वी की धूरा के किनकों जैसो मुतकौ करहों; इतै लौ कि जो कोऊ पृथ्वी की धूरा के किनकों हों गिन पाहै ओई तोरे बंस हों भी गिन पाहै। 17उठ, ई देस की लम्बाई और चौड़ाई में चल-फिर; कायसे मैं ऊहों तोरेई हों दैहों। 18ईके बाद अब्राम अपनो तम्बू उखाड़कें, मम्रे नाओं जागां में तारपीन के पेड़ों के मजारें जो हेब्रोन में हते, जाकें रैन लगो; और उतै भी यहोवा परमेसुर की एक बेदी बनाई।”
Επιλέχθηκαν προς το παρόν:
:
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
New Testament books: © 2018 Central India Christian Mission.
Old Testament books: © 2018 Central India Christian Mission and Pioneer Bible Translators