Мәтта 1
1
Рʼькʼьнйата Иса
(Луԛа 3:23-38)
1Әв ә рʼәԛәма рʼькʼьнйата Иса Мәсиһ, рʼькʼьнйата
Даԝьд, рʼькʼьнйата Бьраһим:
2Бьраһимрʼа Исһаԛ бу,
Исһаԛрʼа Аԛуб бу,
Аԛубрʼа Щьһуда у бьрава бун,
3Щьһударʼа Перес у Зәра бун, (наве дийа ԝан Тʼамар бу),
Пересрʼа Һәсрун бу,
Һәсрунрʼа Рʼам#1:3 Нав дәстньвисаред һьнәкада дәԝса «Рʼам» «Арам» һәйә. бу,
4Рʼамрʼа Аминадав бу,
Аминадаврʼа Нәһшон бу,
Нәһшонрʼа Сәлмон бу,
5Сәлмонрʼа Боԝаз бу, (наве дийа ԝи Рʼәхаб бу),
Боԝазрʼа Овед бу, (наве дийа ԝи Рʼутʼ бу),
Оведрʼа Йеша бу
6у Йешарʼа Даԝьд пʼадша бу.
Даԝьд пʼадшарʼа Сьлеман бу, (дийа ԝи бәре кʼӧлфәта Урийа бу),
7Сьлеманрʼа Рʼәһобоԝам бу,
Рʼәһобоԝамрʼа Әбийа бу,
Әбийарʼа Асаф#1:7 Нав һьнәк дәстньвисарада дәԝса «Асаф» «Аса» һәйә. бу,
8Асафрʼа Йеһошәфат бу,
Йеһошәфатрʼа Йорам бу,
Йорамрʼа Узийа бу,
9Узийарʼа Йотам бу,
Йотамрʼа Аһаз бу,
Аһазрʼа Һьзԛийа бу,
10Һьзԛийарʼа Мьнашә бу,
Мьнашәрʼа Амос бу,
Амосрʼа Йошийа бу
11у Йошийарʼа Йәхонийа у бьрава бун. Ԝи чахи щьмәʼт сьргун чу Бабилоне.
12Ле пәй сьргунчуйина Бабилонеда,
жь Йәхонийарʼа Шалтийел бу,
Шалтийелрʼа Зәрубабәл бу,
13Зәрубабәлрʼа Абийуд бу,
Абийудрʼа Елйаԛим бу,
Елйаԛимрʼа Азур бу,
14Азуррʼа Садоԛ бу,
Садоԛрʼа Ахин бу,
Ахинрʼа Елйуд бу,
15Елйудрʼа Елазар бу,
Елазаррʼа Мәтан бу,
Мәтанрʼа Аԛуб бу,
16Аԛубрʼа Усьв бу, мере Мәрйәме, йа кӧ Иса жь ԝе ԝәльди, кӧ Мәсиһ те готьне.
17Аԝа жь Бьраһим һʼәта Даԝьд чардәһ ньсьл дәрбаз бьбун, жь Даԝьд һʼәта сьргунчуйина Бабилонеда чардәһ ньсьл у жь сьргунчуйина Бабилонеда һʼәта Мәсиһ диса чардәһ ньсьл бун.
Буйина Иса
(Луԛа 2:1-7)
18Буйина Иса Мәсиһ бь ви тьһәри бу. Мәрйәма дийа Ԝи Усьврʼа нишанкьри бу, ле дәргистийа хԝәда Мәрйәм бь һʼӧкӧме Рʼӧһʼе Пироз һʼәмлә кʼьфш бу. 19Ле Усьве дәргистийе ԝе кӧ мәрьвәки рʼаст бу, нәхԝәст ԝе рʼурʼәш кә, фькьри кӧ дьзива ԝе бәрʼдә. 20Чахе Усьв һе сәр ве йәке дьфькьри, ва мьлйакʼәтәки Хӧдан хәԝнеда ԝива хӧйа бу у готе: «Усьве кӧрʼе Даԝьд! Нәтьрсә, кӧ дәргистийа хԝә Мәрйәме бьстини. Әԝи кӧ ԝе жь ԝе бьбә, әԝ жь Рʼӧһʼе Пироз ә. 21Әԝе кӧрʼәки бинә у те наве Ԝи Иса#1:21 «Иса» бь зьмане ибрани аһа те фәʼмкьрьне: «Хӧдан хьлаз дькә», йан «хьлазкьр», йан жи «азабун». дайни, чьмки Әԝе щьмәʼта Хԝә жь гӧнед ԝан хьлаз кә».
22Әв һәр тьшт аһа ԛәԝьми, ԝәки әԝ готьна Хӧданә бь заре пʼехәмбәр бе сери кӧ дьбежә: 23«Ва ԛиза бькʼьр ԝе һʼәмлә бә, кӧрʼәке жерʼа бьбә у наве Ԝи Иммануйел ԝе дайньн»#1:23 Ишайа 7:14. , кӧ те фәʼмкьрьне: «Хԝәде тʼәви мә йә»#1:23 Ишайа 8:8, 10. .
24Гава Усьв жь хәԝе һʼьшйар бу, әԝи ль гора готьна мьлйакʼәте Хӧдан кьр, дәргистийа хԝә станд. 25Ле сәре хԝә ԝерʼа данәни, һʼәта кӧ әԝ кӧрʼ#1:25 Нав һьнәк дәстньвисарада «кӧрʼе ԝейи ньхӧри» һәйә. жерʼа бу. У наве Ԝи Иса дани.
Επιλέχθηκαν προς το παρόν:
Мәтта 1: KmrNTC
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© Институт перевода Библии, 2000, 2011