Mwandzo 35
35
Jakobo anauya Betheli
1 #
Mwandzo 28:11–17
Halafu Mlungu wamuambira Jakobo, “Mimi ndimi Mlungu yekutsembukira wakati kala unamchimbira mwenenu Esau. Tsama ukasagale Betheli, na kuko ukanidzengere phatu pha kulavira sadaka.”
2Ndipho Jakobo achiambira achee, anae na atu osi ariokala nao, “Richani milungu ya chijeni mriyo nayo, dzitakaseni na mvwale nguwo swafi.#35:2 Dzitakaseni na mvwale nguwo swafi kala ni alama ya kuonyesa kuricha kuabudu milungu ya vizuka na kumuabudu Mlungu wa kpweli. 3Hundatsamani kuphiya Betheli ili nikamdzengere Mlungu phatu pha kulavira sadaka, Mlungu yeniterya wakati wa tabu na ambaye wanirinda chila nriphophiya.”
4Phahi amupha Jakobo milungu ya chijeni yosi ariyokala nayo na vipuli vyokala akavwala masikironi, naye achivizika kolo ya mwaloni phephi na mudzi wa Shekemu. 5Jakobo na anae ariphokala anauka, atu a midzi ya jirani atiywa wuoga munji ni Mlungu hata taawezere kuavamia.
6Jakobo na atue osi atsoloka Betheli#35:6 Betheli manaye ni nyumba ya Mlungu. tsi iyo-iyo ya Kanani. (Mwandzo Betheli kala yiihwa Luzu.) 7Wamdzengera Mlungu phatu pha kulavira sadaka phapho na achiphaiha Eli-Betheli,#35:7 Mana ga dzina Eli-Betheli ni Mlungu wa Betheli. mana hipho ndipho Mlungu phomtsembukira wakati anamchimbira mwanáo.
8 #
Mwandzo 24:59
Debora, mtumishi mchetu wa Rebeka, wafwa na achizikpwa kolo ya mwaloni, uphande wa mwakani wa Betheli. Kpwa hivyo, muhi hinyo uchiihwa “Mwaloni wa Chiriro.”
9Jakobo ariphouya kula Padani-Aramu, Mlungu kala akamtsembukira tsona na kala akambariki. 10#Mwandzo 32:28Mlungu kala akamuamba, “Uwe ndiwe Jakobo, ela kundaihwa Jakobo tsona, undaihwa Iziraeli.” Kpwa hivyo achimuiha Iziraeli. 11#Mwandzo 17:4–8Chisha Mlungu kala akamuamba, “Mimi ndimi Mlungu Mwenye Nguvu Zosi; vyala ana anji na uenjerezeke. Undakala mkarengbwa wa makabila na afalume. 12Tsi yomlaga Burahimu na Isaka nindakupha uwe na vivyazivyo.” 13Ariphomala kugomba na Jakobo, Mlungu wauka achipaa dzulu.
14 #
Mwandzo 28:18–19
Jakobo kala akaimisa dziwe ra kumbukumbu phara ambapho Mlungu kala akagomba naye. Piya kala akarimwagira uchi wa zabibu na mafuha. 15Jakobo waphaiha Betheli pho phatu ariphokala akagomba na Mlungu.
Chifo cha Raheli
16Halafu Jakobo na atue auka Betheli; ariphokala achere hatuwa na Efuratha, Raheli wagbwirwa ni utsungu mkali wa uvyazi. 17Na wakati kala akavyala na ndani inazingizi, mvyalusadzi wamuamba, “Usiogophe, ukaphaha mwana mlume wanjina.” 18Ela kala anafwa, na wakati wa kudosa yuya mwanawe wamuiha Beni-Oni,#35:18 Mana ga dzina Beni-Oni ni mwana wa chiriro changu. ela ise achimuiha Benjamini.#35:18 Mana ga dzina Benjamini ni mwana amendzwaye sana.
19Phahi Raheli wafwa na achizikpwa kanda-kanda ya njira ya kuphiya Efuratha (yani Bethilehemu). 20Jakobo waika dziwe ra kumbukumbu pho mbirani, na richere phapho hata rero.
21Jakobo wasengera tsona na achendachita hemare kutsapa gorofa ya Ederi. 22#Mwandzo 49:4Wakati Iziraeli kala asagala tsi iyo, mwanawe Rubini walala na Biliha, mwanachetu wa ise, na Iziraeli achigasikira.
Ana alume a Jakobo
(1 Nyakati 2:1–2)
Jakobo kala ana kumi na airi alume. 23Ana alume a Lea kala ni: Rubini (mwana mvyere wa Jakobo), Simioni, Lawi, Juda, Isakari na Zabuloni. 24Ana alume a Raheli kala ni Yusufu na Benjamini. 25Ana alume ariovyalwa ni Biliha, mtumishi mchetu wa Raheli, kala ni Dani na Nafutali. 26Ana alume ariovyalwa ni Zilipa, mtumishi mchetu wa Lea, kala ni Gadi na Asheri. Hinya ndio ana alume a Jakobo, ariovyalwa Padani-Aramu.
Chifo cha Isaka
27 #
Mwandzo 13:18
Jakobo waphiya kpwa ise Isaka hiko Mamre, phephi na Kiriathi-Ariba (yani Heburoni), ambako Burahimu na Isaka asagala. 28Isaka waishi miaka gana mwenga na mirongo minane. 29Wafwa mtumia sana, warya munyu munji. Anae Esau na Jakobo amzika phao vikurani, phozikpwa tsawe yao Burahimu.
Επιλέχθηκαν προς το παρόν:
Mwandzo 35: dig
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© 2019, Bible Translation and Literacy, All rights reserved.