Mataio 14
14
1Ina nou ta’uwa Heroda, pai‐dubu, nouro Iesu paii idarovidioro; 2ina nou kowaati oubido nou naiba iaowa: Nouri Ioane Babatisori; koihiaiudo nou tau oroitorai ina nouri pupuito kiwaati na’i noudo ko’uri. 3Nouri Herodaro Ioane tau ohiai wia nou naibaha otoihiai wia durii daimowa naibaha ibia, nouri Herodia mabu, nou himia namu Pilipo nou o’boari. 4Mabu nouri Ioane nouido naibaha iaowa: Bubu naiba oa biahai ro o’boanu noumu idabuai. 5Ina nou ta’uwa Ioane nouro epia niroi, oubi gemaido nou tore aati mabu nouri, Ioane peroveta duburi neiio naibaha araromomo. 6Ina Heroda koroto hiwio naibaha o’u, Herodia behera nei hohowa naibaha amawa wia nouro Heroda geii naibaha owai. 7Ina Heroda kowateai wade pupuito naiba iaowa: Nouri nana behero atodoiwa, moro nouido ainamaati. 8Wia mamuro wade opuito nouido naiba omododiai nouri nou naibaha iaowa: Doihabuo Ioane Babatiso opu, kepuriwa roro tanemaairo moido. 9Wia pai‐duburo niainiai emahebidiowa ata nou himia pupuito wade nou opuito nou aro, wia noumu kemidio horimoo oubii nei maburi, nouri nou wade modoboito aro, Ioane opu nouido emaaimoi. 10Wia dubu ata nouro naibaha otiodoi wia Ioane opu ma’oaito naibaha ahiaiwa durii daimowa. 11Nou opu kepuriwa owouro beheido naiba emaai, wia behe nou himia mamuido naibaha owateai. 12Ina Ioane kitomudio mere’i naibaha o’umo, nou goho naibaha emidaumo wia gabidiwa naiba edeaumo, naiba o’uwaumo Iesuido naiba orowaduutiwaumo.
13Ina Iesuro naibaha orowai, nouri bati nouro peito naibaha emeheai, burubatito nei himia gauwoha; ina oubi gemao naibaha orovidiowaumo, neiio nou dooudo konoito oopo oopoudo naibaha orobodowaumo. 14Ina Iesu naibaha odoro wia oubi piipiiha naibaha iauri, wia nou neido niainiai imahebidiowa wia nei himia uba kiro’uti oubi nouro meaha naibaha iwaiwa. 15Ina hiwio kahemai tariwai nou himia kitomudio mere nouido naibaha o’umo, naiba iaowaumo: Nouwia buru batiri wia hiwio tau rahemai. Roro oubi gema oopo oopoito taiaho’iuti nei himia dou imemoi. 16Wia Iesu neido naiba iaowa: Teiri riaho’iutidumo? Rio dou amida neido ta’imaatimo. 17Wia nei nouido naibaha iaowaumo: Imo 5 dou kopi airia wia na neewa nei gauwoha. 18Nou naiba iaowa; Moido taiwoumo. 19Wia oubi gemaido nouro wade modoboito naibaha iaowa, pohona ohuwa emiwamoi; wia nouro dou 5 wia na neewa naibaha imidai, wia toboroito nou naibaha emarowia naiba emabiti, naiba ihebuti, wia dou nou kitomudio mereido nouro naibaha imaati wia neiio oubi gemaido naibaha imaatiwaumo. 20Neiio auwoha naibaha ihowaumo wia niro naibaha iapeutiwaumo; wia neiio naiba iibiwaumo, kiraho dou nia’e, 12 hao iapeutiumo. 21Wia nouri kiho oubii nei himia modobori 5,000 wia upibaio wia mere keke nei badi.
22Ina Iesu nou himia kitomudio mereido wade modoboito naiba aro, peito orowutimoi wia ata hapuoito opuito abumoi, ina nou himia gauwoha oubi gema nouro iaho’iuti. 23Ina nouro nei idaiaho’iuti Iesu nou himia gauwoha akabu ohuito naibaha iorowaro, kirodumeaito wade aroi wia hiwio kahemaiwa nou himia gauwoha nouowa emidio. 24Wia pe auwo turiwa naibaha o’uwa, goiioro naibaha imeheeutiwa, mabu nouri hurama nei hohoudo odomai. 25Iesu neido duo goho o’uwa. Nou goiio ohuwa o’uwa. 26Ina nou ta’uwa kitomudio mereo nou idaeauriwaumo, obo ohuwa korohoi, nei tiaha tore imahebidiowaumo naiba iaowaumo: Urio ata riaa, wia nei tore eamo naibaha iridiowaumo. 27Ina Iesu neido naiba iaowa: Geii taitimo! Mo nouri. Tore biahai. 28Wia Pita nouido omowameai naiba iaowa: Auwo dubu e. Ina rora, moido taroro mo roido obo ohuwa o’ui. 29Wia Iesuro nou naibaha otuaro: Ta’uro: Ina Pita peudo naibaha iraive, nou obo ohuwa Iesuido o’ui naibaha iai. 30Ina nouro hurama pupuo naibaha eauri, nou tore naibaha oiti wia nou tariwai kororuo, ina nou eamo naibaha imotua naiba aro: Auwo‐dubu e, mo tanohiai. 31Wia hagohagoha Iesu nou tu naibaha ototuro wia nou naiba ohiai wia nouido naiba aro: Ro iraromodio tato duburi teiri roro iraromodio tato? 32Ina nou ta’uwa neiti peito idaroviaudo hurama naibaha arahiai. 33Ina pewa kiro’idio oubii nouido naibaha o’umo, naibaha oroboriatutiwaumo, naiba iaowaumo: Naiheha rovia Iehova Mereri.
34Wia nou ta’uwa ata hapuoito nei naibaha abumo nei Genesareta batiwa naibaha aririoumo. 35Ina nouri bati oubio Iesu umo naibaha oiitiumo, neiio oubi oopo oopoito naibaha itiodutiwaumo, wia oubi auwoha temeteme ramu neiio nouido naibaha iworohowaumo. 36Wia neiio nouido hobo atorowaumo nou hipura opui nouha ematibomoi; wia nouri kematibo oubi nei meaha naibaha oiitutiwaumo.
Επιλέχθηκαν προς το παρόν:
Mataio 14: KXW1941
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
Published by the British and Foreign Bible Society in 1941.
Mataio 14
14
1Ina nou ta’uwa Heroda, pai‐dubu, nouro Iesu paii idarovidioro; 2ina nou kowaati oubido nou naiba iaowa: Nouri Ioane Babatisori; koihiaiudo nou tau oroitorai ina nouri pupuito kiwaati na’i noudo ko’uri. 3Nouri Herodaro Ioane tau ohiai wia nou naibaha otoihiai wia durii daimowa naibaha ibia, nouri Herodia mabu, nou himia namu Pilipo nou o’boari. 4Mabu nouri Ioane nouido naibaha iaowa: Bubu naiba oa biahai ro o’boanu noumu idabuai. 5Ina nou ta’uwa Ioane nouro epia niroi, oubi gemaido nou tore aati mabu nouri, Ioane peroveta duburi neiio naibaha araromomo. 6Ina Heroda koroto hiwio naibaha o’u, Herodia behera nei hohowa naibaha amawa wia nouro Heroda geii naibaha owai. 7Ina Heroda kowateai wade pupuito naiba iaowa: Nouri nana behero atodoiwa, moro nouido ainamaati. 8Wia mamuro wade opuito nouido naiba omododiai nouri nou naibaha iaowa: Doihabuo Ioane Babatiso opu, kepuriwa roro tanemaairo moido. 9Wia pai‐duburo niainiai emahebidiowa ata nou himia pupuito wade nou opuito nou aro, wia noumu kemidio horimoo oubii nei maburi, nouri nou wade modoboito aro, Ioane opu nouido emaaimoi. 10Wia dubu ata nouro naibaha otiodoi wia Ioane opu ma’oaito naibaha ahiaiwa durii daimowa. 11Nou opu kepuriwa owouro beheido naiba emaai, wia behe nou himia mamuido naibaha owateai. 12Ina Ioane kitomudio mere’i naibaha o’umo, nou goho naibaha emidaumo wia gabidiwa naiba edeaumo, naiba o’uwaumo Iesuido naiba orowaduutiwaumo.
13Ina Iesuro naibaha orowai, nouri bati nouro peito naibaha emeheai, burubatito nei himia gauwoha; ina oubi gemao naibaha orovidiowaumo, neiio nou dooudo konoito oopo oopoudo naibaha orobodowaumo. 14Ina Iesu naibaha odoro wia oubi piipiiha naibaha iauri, wia nou neido niainiai imahebidiowa wia nei himia uba kiro’uti oubi nouro meaha naibaha iwaiwa. 15Ina hiwio kahemai tariwai nou himia kitomudio mere nouido naibaha o’umo, naiba iaowaumo: Nouwia buru batiri wia hiwio tau rahemai. Roro oubi gema oopo oopoito taiaho’iuti nei himia dou imemoi. 16Wia Iesu neido naiba iaowa: Teiri riaho’iutidumo? Rio dou amida neido ta’imaatimo. 17Wia nei nouido naibaha iaowaumo: Imo 5 dou kopi airia wia na neewa nei gauwoha. 18Nou naiba iaowa; Moido taiwoumo. 19Wia oubi gemaido nouro wade modoboito naibaha iaowa, pohona ohuwa emiwamoi; wia nouro dou 5 wia na neewa naibaha imidai, wia toboroito nou naibaha emarowia naiba emabiti, naiba ihebuti, wia dou nou kitomudio mereido nouro naibaha imaati wia neiio oubi gemaido naibaha imaatiwaumo. 20Neiio auwoha naibaha ihowaumo wia niro naibaha iapeutiwaumo; wia neiio naiba iibiwaumo, kiraho dou nia’e, 12 hao iapeutiumo. 21Wia nouri kiho oubii nei himia modobori 5,000 wia upibaio wia mere keke nei badi.
22Ina Iesu nou himia kitomudio mereido wade modoboito naiba aro, peito orowutimoi wia ata hapuoito opuito abumoi, ina nou himia gauwoha oubi gema nouro iaho’iuti. 23Ina nouro nei idaiaho’iuti Iesu nou himia gauwoha akabu ohuito naibaha iorowaro, kirodumeaito wade aroi wia hiwio kahemaiwa nou himia gauwoha nouowa emidio. 24Wia pe auwo turiwa naibaha o’uwa, goiioro naibaha imeheeutiwa, mabu nouri hurama nei hohoudo odomai. 25Iesu neido duo goho o’uwa. Nou goiio ohuwa o’uwa. 26Ina nou ta’uwa kitomudio mereo nou idaeauriwaumo, obo ohuwa korohoi, nei tiaha tore imahebidiowaumo naiba iaowaumo: Urio ata riaa, wia nei tore eamo naibaha iridiowaumo. 27Ina Iesu neido naiba iaowa: Geii taitimo! Mo nouri. Tore biahai. 28Wia Pita nouido omowameai naiba iaowa: Auwo dubu e. Ina rora, moido taroro mo roido obo ohuwa o’ui. 29Wia Iesuro nou naibaha otuaro: Ta’uro: Ina Pita peudo naibaha iraive, nou obo ohuwa Iesuido o’ui naibaha iai. 30Ina nouro hurama pupuo naibaha eauri, nou tore naibaha oiti wia nou tariwai kororuo, ina nou eamo naibaha imotua naiba aro: Auwo‐dubu e, mo tanohiai. 31Wia hagohagoha Iesu nou tu naibaha ototuro wia nou naiba ohiai wia nouido naiba aro: Ro iraromodio tato duburi teiri roro iraromodio tato? 32Ina nou ta’uwa neiti peito idaroviaudo hurama naibaha arahiai. 33Ina pewa kiro’idio oubii nouido naibaha o’umo, naibaha oroboriatutiwaumo, naiba iaowaumo: Naiheha rovia Iehova Mereri.
34Wia nou ta’uwa ata hapuoito nei naibaha abumo nei Genesareta batiwa naibaha aririoumo. 35Ina nouri bati oubio Iesu umo naibaha oiitiumo, neiio oubi oopo oopoito naibaha itiodutiwaumo, wia oubi auwoha temeteme ramu neiio nouido naibaha iworohowaumo. 36Wia neiio nouido hobo atorowaumo nou hipura opui nouha ematibomoi; wia nouri kematibo oubi nei meaha naibaha oiitutiwaumo.
Επιλέχθηκαν προς το παρόν:
:
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
Published by the British and Foreign Bible Society in 1941.