YOANA 2
2
1Kipöghön sömök, kelö mi kensyö kanasyanta Kana ompö Kalilaya. Kimi yoto Yeso tïkwïl tumoni. 2Kikikekur Yeso nko kinetankachi kensyononi. 3Kïkany kuwonyö dipay,* kïlenchï yoto Yeso nyinte, “Kikuwonyeghö dipay chane.”
4Kuyokyï Yeso lö, “Orkonï, momökanye netaninyi kïgh nyo oghan, tomönye kwitïta sayenyan.”
5Kïlenchï kameto Yeso mötworichay, “Aghakwa kïgh anka tïkwïl nyo mwowokwa nyinte.”
6Kimi nyu atoni töreni köghïn cho le mut nko akonga cho kikïrorchï wöloni kïrïp kegh nko otöptino pipö Yaudi cho pö kitïlilöt, kinyïghitöy akong liten cho ngata 100. 7Kïlenchï Yeso mötworichay, “Anyïghita törenichoni pögh.” Kunyïghit kuwayta. 8Atolapay kïlenchï, “Arame pöghechoni apa atö chichini pöghöy to.” Kïram akwipchï pöghinto to. 9Otini kichamcham chichay pöghechay kiwöghökisyö kïlïkwï dipay akimenkïtnye wölini kipkana dipaychoni (wölo kinkït mötworichay kirömu pöghe), kïkur chichay pö kensyö 10akïlenchï, “Nyoghöy chi tïkwïl kuyintoy dipay cho karamach tya tagh, kïkany otini kikïgheghsyö toye lasiny, kuyinï nyu chay walaka. Wölo keroranyi dipayka chinö karamach nko otï le ye!”
11Kigha Yeso kiporunötonete pö tagh wölnö le Kana koro Kalilaya, kuporunö atoni ororyenyi, kughan nyu kinetankachi nyinte.
12 #
Mat 4:13. Otini kiwany ngalechoni, kïwö Yeso kïröytö Kapernaum nko kame nko werkökwa nko kinetankachi akïpöghön wöloni osis cho ngörï.
Kölït Yeso Kö pö Tororöt*
(Mat 21:12-13; Mrk 11:15-17; Luk 19:45-46)
13 #
Wuw 12:1-27. Kilekït asispa pipö Yaudi nyo wow nyo pö Pasaka,* kilenyona kïwö Yeso kutang Yerusalem. 14Otini kilït Kö pö Tororöt, kïtuyeghö pich cho kyoltoy eghin nko kechir nko chepïrïmtin akimi tïkwïl pich cho kiwöghököy ropïyen cho kimpuröy ato lekïto mesenikwa. 15Kwigh Yeso syariti angwa akïyon pich löwïr kïngeta Kö pö Tororöt, kïmi nko kechiryekwa nko eghine akïlasta ropïyeniko pïchoni kiwöghököy ropïyen akïköpïghtö mesenikwa. 16Kïlenchï pïchoni kyoltoy chepïrïmtin, “Opö tïkuchï kïngeta yi, moghöy koto Paponyan kïlïkwï wölo kigho mïnchïrïsnön!” 17#Tum 69:9. Kunan nyu kinetankachi lö lentöy kirurut,
“Nöghöy chamatenyan nyo pö kongu
le ma ompö orinyan.”
18Kïtep pipö Yaudi walaka Yeso lö, “Ighenyi kiporunöt ne nyo poru lö itïngetenyi man nyo igho ngalechï nya?” 19#Mat 26:61; 27:40; Mrk 14:58; 15:29. Kuyokyï Yeso lö, “Orule Köyï pö Tororöt pö saghat atasïwena lö otekan ngat ompö osis sömök.” 20Kïlö pïchay pö Yaudi, “Imukenyi iteköy ompö osis sömök Köyï kikïtek könyis 46?”
21Wölo kingölono Yeso Kö pö Tororöt, nyoni kï portanyi. 22Otini kitutunö nyinte ngwen kunan nyu kinetankachi lö kökikïngalana nyinte ngalechoni, kughan nyu chane Kikirut akughan ngalechanye kökikïmwochï Yeso chane.
Nkït Yeso mïkulis pö pich löwïr
23Akwotini kimi Yeso Yerusalem, ompö omisyo Pasaka, kughan pich cho chang nyinte otini kisïwa ighisyewut cho chang cho kigh. 24Wölo melö kighan Yeso chane, ompöwölo kinkït nyinte pich löwïr. 25Akimötïngnye machat lö tömwowon chi ngaleko pikö walaka, ompöwölo kinkït ngal lapay cho kinonöy pich.
Yeso nko Nikodemo
Επιλέχθηκαν προς το παρόν:
YOANA 2: PIPÏLIA
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
©Bible Society of Kenya, 2019