Mateu 7
7
Tepembeu amu rese
1Tepembeu amu rese yawaite aintaumbeu perese.
2Maa yawe pembeuwaa yawe aintarese yawete yuiri aintaumbeu perese. Kuaye pemeewaa ainta supe amuita yawete yuiri kuri aintaumee penye arama.
3Marantaa remaa mirá kuairawaa nerumuara resa upe tipukusawa remaa kua mirá turusuwaa neresa upe?
4Marantaa rembeu nemu supe rexari hayuka nesui kua mirá kuairawaa neresa sui reriku pukusawa turusuwaa mirá neresa upe?
5Inde retentuwaa, primeru reyuka mirá turusuwaa neresa sui asuiwana kuri remaa puranga reyuka arama mirá kuairawaa nemu resa sui.
Santuwaa kua Deus inyenga
6Tepexari yawara supe Deus iyara santuwaa, tepexari perula tayasu supe yawaite upiru ae ipi irumu yawaite uyereu usuu inde.
Jesus uputari upurandu Deus
7Pepurandu rame uxari kuri penye arama kua pepuranduwaa irumu, pesikari rame asui pewasemu kuri pesenui rame uyupirari kuri penye arama.
8Nyãse muiri kuaita upuranduwaita aintauriku kuri kua aintaupuranduwaa, asui kuaita uputariwaita aintauwasemu kuri kua aintauputariwaa, asui kua upuranduwaita uwike arama uxari kuri aintauwike.
9Awataa pesuiwara apigawa umeewaa ita taira supe upurandu rame irumu pão?
10Asui upurandu rame irumu pirá, maitaa umee ixupe arama buya?
11Penye puxuwerawaita pekuawate pemee purangawaa perairaita supe, asui maitaa pemanduari pepaya iwaka kitiwara tiumee purangawaa ainta supe kuaita upuranduwaita irumu?
12Ape kuri pemunya amuita supe kuaye peputariwaa yawe aintaumunya arama penye arama. Maa kuaye Muize umpinimawaa yawe kuaita yuiri utitikawaita kuxima.
Pee kuairawaa
13Pewike kua ukena kuairawaa rupi, nyãse larguwaa kua ukena larguwaa yuiri kua pee urasuwaa yande yakanyemuwaa kiti, siya kuaita uwikewaita arupi.
14Kuaira kua ukena kuairawaa kua pee urasuwaa yande yawike arama mundu tiwa upawa kiti, yepeyepe uwasemu kua pee.
Utitikawaita ugananiwaita
15Pemaa pesui kuaita utitikawaita ugananiwaita aintauri pepiri kuaye uvelya tiwa inyãruwaa yawe maa yawarate inyãruwaa yawe ainta aintapia upe.
16Aintaiya irumu pekuawa kuri aintarese. Maitaa yapuderi yapuu uva iya purangawaa isui kua mirá urikuwaa yuu, Maitaa yapuderi yapuu figu iya purangawaa kukuna sui?
17Kua mirá purangawaita aintauxari aintaiya purangawaa, maa kua mirá tenyuntuwaraita aintauxari aintaiya puxuwerawa.
18Kua mirá purangawaa tiupuderi uxari iya puxuwerawaita, kua mirá tenyuntuwara tiupuderi uxari iya purangawaita.
19Kuaita mirá tiwaita uxari aintaiya purangawaita anyunte aintaumunuka ainta aintaumburi arama ainta tata kiti.
20Ape kuri aintaiya irumu pekuawa aintarese.
21Timaa kuri imiraita ainta kua iwaka ruixawa muiri kuaita umbeuwaita ixe arama, inde seruixawa, inde seruixawa, maa aintauwike kuri kuaita umunyawaita maye uputariwaa yawe kua sepaya iwaka kitiwara.
22Nyã ara upe kuri siya aintaumbeu ixe arama, inde seruixawa, inde seruixawa, maitaa tiyambue nerera rese, yamburi yuiri demuniu nerera rese? Siya yamunya milagri nerera rese.
23Asuiwana kuri hambeu uyukuawawaa ainta supe:
—Timaa hakunyeseriwaita penye; pesuana sesui penye pemunyawaita pepuxuwerasawa.
Mukuĩ uka
24Muiri kuaita usenduwaita senyenga uruyari arama ae umunya kuaye apigawa ukuawawaa yawe umunyawaa suka ita rese.
25Asui amana uwari, asui parana uwike, asui iwitu upeyu kirimbawa uka rese, asui timaa uwari nyãse santa upuamu ita rese.
26Asui muiri kuaita usenduwaita senyenga tiwa uruyari ae umunya kuaye kua apigawa tiwa ukuawawaa yawe umunyawaa suka arama praya rese.
27Asui amana uri, asui parana uwike, asui iwitu upeyu kirimbawa uka rese, asui uwari asui puxuwerana ae panye.
28Asui upurungita rire Jesus aintaakayemu aintaumaa ixupe kuaita miraita siyawaita umbuewaa resewara.
29Umbue ainta kirimbawa kuaye serakuenawaa ukuawawaa yawe timaa aintayawe kuaita umpinimawaita.
Επιλέχθηκαν προς το παρόν:
Mateu 7: BBp
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO