ማ̈ቶ̈ሳ 1
1
ዬሱ̈ስ ክርስቶ̈ሳ ዬሊቲ
ሉቃ̈ሳ 3፡23-38
1ዳ̈ዊታኬ ኣብራሃ̈ማ ዜር ማ̈ቂ̇ኖ ዬሱ̈ስ ክርስቶ̈ሳ ዬሊንቲ̇ ፋይዲን ዓንዲዜ፦
2ኣብራሃ̈ሚ ዪሳ̈ቃ ዬሊዴ፤
ዪሳ̈ቆ ዓይቆ̈ባ ዬሊዴ፤
ዓይቆ̈ቦ ዪሁዳኬ ዪሁዳ ኢሺንታ̇ንኬ ኢ ኢና̇ኣን ዬሊዴ፤
3ዪሁዶ ቲማ̇̈ሪ ጋልዳፖ̇ ፋ̈ሪሳኬ ዛ̈ራክ ዬሊዴ፤
ፋ̈ሪሶ ኤስሮ̈ማ ዬሊዴ፤
ኤስሮ̈ማር ኣ̈ራ̈ማ ዬሊዴ፤
4ኣ̈ራ̈ሞ ኣሚና̈ዳ̈ባ ዬሊዴ፤
ኣሚና̈ዳ̈ቦ ና̈ሶ̈ና ዬሊዴ፤
ና̈ሶ̈ኖ ሳልሞ̈ና ዬ̈ሊዴ፤
5ሳልሞ̈ኖ ራ̈ቢ ጋልዳፖ̇ ቦ̈ኤ̈ዛ ዬሊዴ፤
ቦ̈ኤ̈ዞ ሩ̈ቲ ጋልዳፖ̇ ዮቤ̈ዳ ዬሊዴ፤
ዮቤ̈ዶ ኢሳ̇ያ ዬሊዴ፤
6ኢሳ̇ዮ ካ̈ታ ዳ̈ዊታ ዬሊዴ።
ካ̈ታ ዳ̈ዊቲ ሚን ኦ̈ራ ማጪ̇ን ጋልዳፖ ሶሎሞ̈ና ዬሊዴ።
7ሶሎሞ̈ኒ ሮባ̈ማ ዬሊዴ፤
ሮባ̈ሞ ኣቢያ ዬሊዴ፤
ኣቢዮ ኣ̈ሳ̈ፋ ዬሊዴ፤
8ኣ̈ሳ̈ፊ ዮ̈ሳ̈ፊጣ ዬሊዴ፤
ዮ̈ሳ̈ፊጦ ዮ̈ራ̈ማ ዬሊዴ፤
ዮ̈ራ̈ሞ ኦ̈ዛ̈ና ዬሊዴ፤
9ኦ̈ዛ̈ኖ ዮኣ̈ታማ ዬሊዴ፤
ዮኣ̈ታሞ ኣካ̈ዛ ዬሊዴ፤
ኣካ̈ዞ ሂዝቃ̈ሳ ዬሊዴ፤
10ሂዝቃ̈ሲ ሚና̈ሳ ዬሊዴ፤
ሚና̈ሲ ኣሞ̈ና ዬሊዴ፤
ኣሞ̈ኖ ዮ̈ሳ̈ሳ ዬሊዴ፤
11ዮ̈ሳ̈ሲ ኢስሬ̈ል ዎርዣ ካ̈ቲንታ̇ር ባ̈ቢሎ̈ን ጋዳ̇ ሉኪ̇ኖ ኬል̇ባራ ኢኮና̈ናኬ ኢ ኢና̇ኣን ዬሊዴ።
12ዎርዣ ካ̈ቲንቲ̇ ባ̈ቢሎ̈ና ሉኪ̇ኖፖ̇ ዓኒ
ኢኮና̈ኒ ሳላታ̈ላ ዬሊዴ፤
ሳላታ̈ሎ ዛሩባ̈ቤ̈ላ ዬሊዴ፤
13ዛሩባ̈ቤ̈ሊ ኣቡ̈ዳ ዬሊዴ፤
ኣቡ̈ዶ ኤላ̈ቄ̈ማ ዬሊዴ፤
ኤላ̈ቄ̈ሞ ኣዛ̈ራ ዬሊዴ፤
14ኣዛ̈ሪ ሳ̈ዶ̈ቃ ዬሊዴ፤
ሳ̈ዶ̈ቆ ኣኪማ ዬሊዴ፤
ኣኪሞ ኤሉ̈ዳ ዬሊዴ፤
15ኤሉ̈ዲ ኣላ̈ዛ̈ራ ዬሊዴ፤
ኣላ̈ዛ̈ሮ ማ̈ታ̈ና ዬሊዴ፤
ማ̈ታ̈ኖ ዓይቆ̈ባ ዬሊዴ፤
16ዓይቆ̈ቢ ዮ̈ሴ̈ፋ ዬሊዴ፤ ዮ̈ሴ̈ፋ ጌይዛ̈ዲ ክርስቶ̈ሳ ጌዪንቲ̇ኖ ዬሱ̈ሳብ ኢንዲ̇ን ማ̈ራሚባር ሳ̈ ኤ̈̇ኖ ና̈ሳ̈ዳ።
17ዪዚ ኣብራሃ̈ሚ ዶኢኖ ኬሊ̇ምፖ̇ ኤ̈̇ር ዳ̈ዊቲ ዶኢኖ ኬል̇ ዬላ̇ዚን ታጶ̇ ኦይዲ̇ ዬሊቲ̈፣ ዳ̈ዊቲ ዶኢኖ ኬሊምፖ̇ ኤ̈̇ር ኢስሬ̈ላን ባ̈ቢሎ̈ን ጋዳ̇ ካ̈ቲንቲ̇ ሉኪ̇ኖ ኬል̇ ዬሊ̇ዝ ዲራ̈ስ ታጶ̇ ኦይዲ̇ ዬሊቲ፣ ኢስሬ̈ላን ባ̈ቢሎ̈ና ጋዳ̇ ካ̈ቲንቲ̇ ሉኪ̇ኖ ኬሊምፖ̇ ኤ̈̇ር ክርስቶ̈ሲ ዬሊንቲ̇ኖ ኬል̇ ዬላ̇ዚን ታጶ̇ ኦይዲ̇ ዬሊቲ።
ዬሱ̈ስ ክርስቶ̈ሳ ዬሊንቲ̇
18ዬሱ̈ስ ክርስቶ̈ሲ ዬሊንቲ̇ኖን ዪንዲዜ፦ ኢ ኢንዲ̇ን ማ̈ራማ ዮ̈ሴ̈ፋባር ሳ̈ ኤ̈ር ዎዶራ ኢ ኢዞ ዬላ̇ካይዶን ኢዛ ጌ̈ሻ̇ ኣያ̇ናባራ ዎዳጻ̇ር ቤንታ̇ዴ። 19ኢዝባር ሳ̈ ኤ̈̇ኖ ዮ̈ሴ̈ፊ ኮሽ̇ ኣስ ማ̈ቂ̇ኖኮታ̇ቦ ኣሳ ቲ̈ን ኢዞ ዬሊ̇ብዳ ጋ̈ር ኣሲ ሲስካካ̇ይዶ̈ን ኢዞ ኣሻ̇ንዳ̇ብ ቆፒ̇ዴ።
20ኢ ዪኖ̇ ቆፒ̇ሙታ̇ ዎዶን ኣይባባራ ጎዳ ኪ̈ታንቻ ኢባር ቤንታ̇ሪ ኢ̈ኮ “ዳ̈ዊታ ዜር ዮ̈ሴ̈ፎ! ኔ ሳ̈ ማጪ̇ን ማ̈ራማ ዎዳጺ̇ኖንዳ̇ ጌ̈ሻ̇ ኣያ̇ናባር ማ̈ቂ̇ኖኮታ̇ቦ ኢዞ ኤካ̇ንዳብ ኢ̈ጫፔ̇። 21ኢዛ ኣቲና ናኢ ዬላ̈ሬ፤ ኢያሬ ዎርዣ ናጋራ ጋርታፖ̇ ፋዛኮታ̇ቦ ኢ ሱ̈ም ዬሱ̈ሳ ጌያ ጋዳ̇ቤ” ጌይዴ።
22-23ዪና̇ ማ̈ቂ̇ኖንዳ̇ ጎዳ̈ዲ ናባ ኢሳ̈ሳባር ማ̈ቃ̇ሪ “ዉዲሪን ዎዳጻ̇̈ሬ፤ ኣቲና ናኢ ዬላሬ። ኢ ሱም̇̈ዳሬ ኣማ̈ኔ̈ላ ጌዪ ጼይጊንቲ̇̈ሬ” ጋ̈ሪ ሶ̈ሊኖ ቃ̈ሊን ፎቲንታ̇ምፔ̈ኔ። ኣማ̈ኔ̈ላ ጋ̈ዚን ኢዝ ቢርሺቺ̇ንዳ “ጾ̈ሲ̇ ኑባር ዎ” ጌንቴ̇።
24ዮ̈ሴ̈ፊ ፌ ሱርሲን ጋርታ̇ፖ̇ ባርኪ̇ዴ። ኢናፖ ጾ̈ሳ̇̇ ኪ̈ታንቻ̇ ኢያ ኪ̈ቲ̇ኖንዲፌ̈ን ማ̈ራሞ ፌ ኣ̈ል ኤሄይዴ። 25ዎቲናካር ኢዛ ፌ ኡስ̇ ናኣ ዬሊዝ ዲራ̈ስ ኢ ኢዞ ዬላ̇ካ̇ዬ። ዬሊንቲ̇ኖ ናኣ ኣቂላ̈ቦ ሱም “ዬሱ̈ሳ” ጌዪ ጋዲ̇ዴ።
Επιλέχθηκαν προς το παρόν:
ማ̈ቶ̈ሳ 1: ኦጫ̈ቃማ
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε