ማቲወስት ወንጌል 1
1
ፈወነ 1
እየሱስት ዚረይዙ ኻረግድ
(ሉቃ. 3፡23-38)
1 #
መዝ. 132፡11፤ እሳ. 11፡1። ዳዊትት ዅር፣ ኣቭርኻምት ዅር እየሱስ ክርስቶስት ዚረይዙ ኻረግድ እኒን የጝ፦#1፡0 ወንጌል፦ ግሪኪዝ ዲስ ሸው ጂጘ ዊንም ኣቭዝርተ የነት የጝ።
2ኣቭርኻም ይሳቅት እዅሩ፤
ይሳቅ ያይቈቭት እዅሩ፤
ያይቈቭ ይዅዳስመ ጝፅንስ እዅሩ።
3ይዅዳ ትማርቲስ ፋሪስስመ ዛረስ እዅሩ፤
ፋሪስ የስረምት እዅሩ፤
የስረም ኣራምት እዅሩ።
4ኣራም ኣሚናዳቭት እዅሩ፤
ኣሚናዳቭ ናሰንት እዅሩ፤
ናሰን ሰልሙንት እዅሩ።
5ሰልሙን ረኣቭቲስ በዊዝት እዅሩ፤
በዊዝ ሩትቲስ እየቪድት እዅሩ፤
እየቪድ እስየይት እዅሩ።
6እስየይ ንጕስ ዳዊትት እዅሩ።#ሩት. 4፡18-22፤ 1ዚመ. 2፡13-15።
ንጕስ ዳዊት ወርየውት እውነቲስ ሰለሙንት እዅሩ።
7ሰለሙን ረቫምት እዅሩ፤
ረቫም ኣቭየት እዅሩ፤
ኣቭየ ኣሳፍት እዅሩ።
8ኣሳፍ እየሳፍጥት እዅሩ፤
እየሳፍጥ እየራምት እዅሩ፤
እየራም ወዝያንት እዅሩ።
9ወዝያን እየዋታምት እዅሩ፤
እየዋታም ኣካዝት እዅሩ፤
ኣካዝ ኽዝቅያስት እዅሩ።
10ኽዝቅያስ ምናስየት እዅሩ፤
ምናስየ ኣሙፅት እዅሩ፤
ኣሙፅ እየስያስት እዅሩ።
11እየስያስ እስራየላንድ ባቪለውን መራሽጝ ፊርጘው ዚምኒዝ እኰንያንስመ ጝፅኒዝ እዅሩ።#2ነገ. 24፡14-15፤ 2ዚመ. 36፡10፤ የር. 26፡20።
12ባቪለውን መራሽጝ ፊርጘት ግረ፦
እኰንያን ሰላትያልት እዅሩ፤
ሰላትያል ዘሩቫቪልት እዅሩ።
13ዘሩቫቪል ኣቭዩድት እዅሩ፤
ኣቭዩድ እልያቂምት እዅሩ፤
እልያቂም ኣዛርት እዅሩ።
14ኣዛር ሳዱቅት እዅሩ፤
ሳዱቅ ኣኪምት እዅሩ፤
ኣኪም እልዩድት እዅሩ።
15እልዩድ ኣላዛርት እዅሩ፤
ኣላዛር ማታንት እዅሩ፤
ማታን ያይቈቭት እዅሩ።
16ያይቈቭ ዮሴፍት እዅሩ፤
ዮሴፍም ክርስቶስ#1፡16 ክርስቶስ፦ ግሪኪዝ፦ «ክርስቶስ»፣ እቭራይስጢዝ፦ «መሲኽ» የነውድ፦ «ይምሸው» የነት የጝ። ይሽተው እየሱስት እዅርደይ ማርያምት ወገነ ዊኑ።
17ነስየ እጝቅ ዅለድቅ ኣቭርኻምቲስ ኪርም ዳዊትትል ኣሽ ፅጭ ሲዘ፣ ዳዊትቲስ ኪርም ባቪለውን ምራይል ኣሽ ፅጭ ሲዘ፣ ባቪለውን ምራይስ ኪርም ክርስቶስትል ኣሽ ፅጭ ሲዘ የጝ።
ይናኣደረ እየሱስ ክርስቶስት እዅርሸነይዙ ታሪክድ
(ሉቃ. 2፡1-7)
18እየሱስ ክርስቶስት እዅርሸነይዙ ታሪክድ እኒን የጝ። ጝኘ ማርያም ዮሴፍስ ወግሽትር ፅብራ ጝርጅቅ ዲምቅሺጝቀ መንፈስ ቅዱስት ኣመካይነትዝ ጊዙትር ችጝሽች።#ሉቃ. 1፡27። 19ጝርወገነ ዮሴፍ ግን ፃድቅ እጅር ዊናንስቅ ጝርት እቀ በዊል ኣጋልፅዝጠ በኒየውም፤ ኣቓንስቅም ጝርት ስውርዝ በርጠ ጝእዘኒዝ ኻስቩ። 20ዊገድ ግን እኒንት ጝእዘኒዝ ጕያ ማላ ሲጝቀ ኣደረት መላክ ኒቪዝ ጝጭስ እትል፦ «ዳዊትት ዅር ዮሴፍወ! ክወገነ ማርያምት ክጝን ፊሰነውድ ጐውተ! ምላሰንድም ጚ ጊዝውትረውድ መንፈስ ቅዱስት ኣመካይነትዝ የጝ። 21ግልወ ዅር እዅርቲ፤ ጘጝም ጝኽዝቭድ ጝኽጥያቲስ ቓዝጡ፤ እንዝ ማጥን ጝሽድ እየሱስ ይትር» ዩ።#ሉቃ. 1፡31።
22-23እንም ኣቐውድ ነቭይዝ ኣደረቲስ፦ «እንወ ድጝግል ጊዝውርቲ፤ ግልወ ዅርም እዅርቲ፤ ጝሽድም፦ ‹ኣማኑየል› ይሽት ጭጝሽጡ» ይሽት ዊግሸውድ ፋፅምሻንስ የጝ፤ ኣማኑየል የነውድ፦ «እደረ ይናጅቅ የጝ» የነት የጝ።#እሳ. 7፡14።
24ዮሴፍም ጝዝመዊስ ነቃቓንድ ኣደረት መላክድ ኣዘጘ ጝወገነ ማርያምት ጝጝን ፊሱ። 25ኣነጚ ጝርባር ዅርድየንት እዅርቲስቅ ጝርት ኣርቒየውም፤#1፡25 ጝርት ኣርቒየውም፦ «ጝርት ኽርዪየውም» የነት የጝ። ጝሽድም፦ «እየሱስ» የው ፊሱ።#ሉቃ. 2፡21።
Επιλέχθηκαν προς το παρόν:
ማቲወስት ወንጌል 1: ኽምጣኣኪ
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε