Matta 4
4
Ka̱ta̱nyrang a̱ me Yesu
(Markut 1:12-13; Luka 4:1-13)
1Wwon Tswa Ka̱za i kwwat Yesu nwa mi ka̱yit, a̱gwam a̱ka̱tuk tswa a̱ si ku me. 2Ka̱ram ka na̱n yya nom nswak naai ba̱ a̱ngbrak nswak naai na̱ ya kyang ba a̱ hok cihywat. 3A̱gwam a̱ka̱tuk tswa a̱ si nyyai a̱ ba da̱ nu a̱ bu hywa, “Ki a yet Ka̱won Ka̱za, a tyyi kpang jini i brak tyyi burodi.”
4Ma Yesu a̱ hywa, “Ba̱ryat Ka̱za a̱ hywa, ‘Bu kyangya a̱mi yet sucet a̱yin ba, seko kozan dinyyi ba̱ryat ti nyyai di Ka̱za ni.’ ”
5A̱wwon a̱ka̱tuk tswa nu a̱ nat ba̱ nu Urushalima, ka̱nkrang Ka̱za ka, ba si wrak a̱ nat i dinton bat Ka̱za ti. 6Na̱ si hywa di Yesu, “Ki a yet Ka̱won Ka̱za, a hruk si kpa ka̱byen, rot ba̱ryat Ka̱za a̱ hywa,
‘Ka̱za a̱ ni tun ba̱pfong nka a̱ tyyi
ba na̱ pyyem di mbvak mba
ho a bu ya truk tak an kpang.’ ”
7Yesu a̱ ma̱n hywa da̱ nu, “Ma ba̱ryat Ka̱za ba a̱ bo hywa, ‘A ni tyyi Ka̱za nwan i ka̱me ba.’ ”
8A̱gwam a̱ka̱tuk tswa nu a̱ bo nat bu Yesu ba si wrak dihwan tiyaan a̱ nat ba̱tantai. Na̱ si ku tyyei sa̱rei a̱cecet a̱tityok u a̱ shyi i ka̱sa ka ni 9a̱ hywa da̱ nu, “Sa̱rei nkyang ani n ni na̱ ryi da̱ na ki a ta̱gbok n sook ntong.”
10Yesu a̱ hywa da̱ nu, “Tyong kyi n wwon, Ka̱ta̱nyrang! Ba̱ryat Ka̱za a̱ hywa, ‘A̱gwam Ka̱za a̱mi ba̱diyin a ni ku kok ntong i ku yya dikwwa!’ ”
11A̱gwam a̱ka̱tuk tswa nu a̱ drok a̱ wwon Yesu, ba̱pfong Ka̱za a̱ ba a̱ bu ku brang.
Yesu a̱ pyyem pfong nu nyyai Galili
(Markut 1:14-15; Luka 4:14-15)
12Ka̱ram ka Yesu na̱n hok di ba pyyem Yohana a̱ tyyi a jaru ni, na̱ drok a̱ nat ka̱byen Galili. 13Ma a̱ si nwa Nazarat ba, a̱ seyak a̱ nat ka̱nkrang ka̱yaan ka ban yei Ka̱fa̱rna̱hum ni. Ka shyi a̱mbeyang kei ba̱shekwot Galili ti. Ka shyi i ka̱sak ka̱byen Zebulun bu Naftali. 14Ku cong bu ba ba̱cicrak bu kyang a Ishaya a̱ntyok tyyei ba̱ryat Ka̱za na̱ yin jem ni a̱ hywa,
15“Nwan ka̱byen Zebulun, bu ka̱byen Naftali,
bu ka̱byen ka a̱ shyi a̱za̱gbang kei ba̱shekwot u ni,
bu ka̱byen ka a̱ shyi ma̱nyyi Urdun ka ni,
ba̱ nwan meyang Galili ka̱byen nwap nzaan!
16Ba̱nyet ba a̱ shyi a ndyin ni
a̱ ni shya ka̱bvwa sai ba̱gingang.
Ba̱nyet ba a̱ shyi ka̱nu dikwu
a̱ swat bu ka̱wun nti ni, ka̱bvwa a̱ ni ba̱ sai.”
17Nyyai ka̱ram iya a̱mi Yesu na̱ nwa yya wa'azi nu nu a̱ tyyei ba̱nyet ba a̱ ryat, “Yi brak i wwon a̱ka̱tukyya nyin nu, ho Dityok Tazwa ti ba shishrek!”
Yesu a̱ yei ba̱nyet pyyem hwon ba̱naai
(Markut 1:16-20; Luka 5:1-11)
18Yesu a̱ shyi i cong a̱mbeyang kei ba̱shekwot Galili ti a̱ shya ba̱wumbeyang ba̱hwa, ba yin yet ba̱nyet pyyem hwon, ba shyi i pyyem hwon ji, Siman (ba bo yin ku yei Bitut), ba̱ a̱wumba nu nu Andrawut. Ba yin pyyem hwon i ba̱shekwot ba da̱ a̱riryek. 19Yesu a̱ hywa da̱ mba, “Yi ba zi cong n si ya zzek pyyem ba̱neywu.” 20Ba kaai ba̱riryek mba ba a̱ krok ba ahwa a̱ brak a̱ rot a̱ ku tssup.
21Na̱ bo shek ba̱cincong a̱ bo shya ba̱wumbeyang ba̱ mba ba̱hwa, Yakubu bu Yohana, ba shyi a kpongo nu ba̱ a̱tyyi mba nu Zabadi. Ba yin shyi i jyi ba̱riryek mba ba. Yesu a̱ bo ba̱ yei, 22bu ka̱baram ba drok a̱tyyi mba nu a̱ wwon a kpongo nu bu ba̱riryek ba, a̱ tssup Yesu.
Yesu a̱ yya wa'azi a̱ zzek a̱ bo creng ba̱nyet nhywu
(Luka 6:17-19)
23Yesu a̱ nwai na̱bvwa bu a̱bat a̱duwa na i ka̱byen Galili a̱ yya wa'azi a̱ ba̱ tyyei Ka̱sham Ba̱ryat Dityok Tazwa ka, a̱ ba̱ zzek a̱ bo ba̱ creng kozan taka̱i nhywu. 24Nkhang nu na i nat si tat ka̱byen Siriya, ba̱nyet a̱ cong da̱ nu bu ba̱nyet ba a̱ byyi nhywu ba̱ a̱zi ntaka̱i ni bu kozan ka̱bvung ka a̱ yin ba̱ shyi ni, di ba̱nyet ba a̱ yin byyi a̱ka̱tuk tswa ni di ba̱nyet ya rong ncen bu ba̱nyet ta̱ruk nkap, na̱ bu ba̱ creng sa̱rei mba. 25Ba̱nyet ba̱gingang a̱ ku tssup nyyai Galili bu ka̱byen Dikafolit bu Urushalima bu ka̱byen Yahudiya, hat ma ba̱yanyet a̱ byyek nyyai ma̱nyyi Urdun ka.
Επιλέχθηκαν προς το παρόν:
Matta 4: kaj
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© 2011, Wycliffe Bible Translators, Inc. All rights reserved.
Matta 4
4
Ka̱ta̱nyrang a̱ me Yesu
(Markut 1:12-13; Luka 4:1-13)
1Wwon Tswa Ka̱za i kwwat Yesu nwa mi ka̱yit, a̱gwam a̱ka̱tuk tswa a̱ si ku me. 2Ka̱ram ka na̱n yya nom nswak naai ba̱ a̱ngbrak nswak naai na̱ ya kyang ba a̱ hok cihywat. 3A̱gwam a̱ka̱tuk tswa a̱ si nyyai a̱ ba da̱ nu a̱ bu hywa, “Ki a yet Ka̱won Ka̱za, a tyyi kpang jini i brak tyyi burodi.”
4Ma Yesu a̱ hywa, “Ba̱ryat Ka̱za a̱ hywa, ‘Bu kyangya a̱mi yet sucet a̱yin ba, seko kozan dinyyi ba̱ryat ti nyyai di Ka̱za ni.’ ”
5A̱wwon a̱ka̱tuk tswa nu a̱ nat ba̱ nu Urushalima, ka̱nkrang Ka̱za ka, ba si wrak a̱ nat i dinton bat Ka̱za ti. 6Na̱ si hywa di Yesu, “Ki a yet Ka̱won Ka̱za, a hruk si kpa ka̱byen, rot ba̱ryat Ka̱za a̱ hywa,
‘Ka̱za a̱ ni tun ba̱pfong nka a̱ tyyi
ba na̱ pyyem di mbvak mba
ho a bu ya truk tak an kpang.’ ”
7Yesu a̱ ma̱n hywa da̱ nu, “Ma ba̱ryat Ka̱za ba a̱ bo hywa, ‘A ni tyyi Ka̱za nwan i ka̱me ba.’ ”
8A̱gwam a̱ka̱tuk tswa nu a̱ bo nat bu Yesu ba si wrak dihwan tiyaan a̱ nat ba̱tantai. Na̱ si ku tyyei sa̱rei a̱cecet a̱tityok u a̱ shyi i ka̱sa ka ni 9a̱ hywa da̱ nu, “Sa̱rei nkyang ani n ni na̱ ryi da̱ na ki a ta̱gbok n sook ntong.”
10Yesu a̱ hywa da̱ nu, “Tyong kyi n wwon, Ka̱ta̱nyrang! Ba̱ryat Ka̱za a̱ hywa, ‘A̱gwam Ka̱za a̱mi ba̱diyin a ni ku kok ntong i ku yya dikwwa!’ ”
11A̱gwam a̱ka̱tuk tswa nu a̱ drok a̱ wwon Yesu, ba̱pfong Ka̱za a̱ ba a̱ bu ku brang.
Yesu a̱ pyyem pfong nu nyyai Galili
(Markut 1:14-15; Luka 4:14-15)
12Ka̱ram ka Yesu na̱n hok di ba pyyem Yohana a̱ tyyi a jaru ni, na̱ drok a̱ nat ka̱byen Galili. 13Ma a̱ si nwa Nazarat ba, a̱ seyak a̱ nat ka̱nkrang ka̱yaan ka ban yei Ka̱fa̱rna̱hum ni. Ka shyi a̱mbeyang kei ba̱shekwot Galili ti. Ka shyi i ka̱sak ka̱byen Zebulun bu Naftali. 14Ku cong bu ba ba̱cicrak bu kyang a Ishaya a̱ntyok tyyei ba̱ryat Ka̱za na̱ yin jem ni a̱ hywa,
15“Nwan ka̱byen Zebulun, bu ka̱byen Naftali,
bu ka̱byen ka a̱ shyi a̱za̱gbang kei ba̱shekwot u ni,
bu ka̱byen ka a̱ shyi ma̱nyyi Urdun ka ni,
ba̱ nwan meyang Galili ka̱byen nwap nzaan!
16Ba̱nyet ba a̱ shyi a ndyin ni
a̱ ni shya ka̱bvwa sai ba̱gingang.
Ba̱nyet ba a̱ shyi ka̱nu dikwu
a̱ swat bu ka̱wun nti ni, ka̱bvwa a̱ ni ba̱ sai.”
17Nyyai ka̱ram iya a̱mi Yesu na̱ nwa yya wa'azi nu nu a̱ tyyei ba̱nyet ba a̱ ryat, “Yi brak i wwon a̱ka̱tukyya nyin nu, ho Dityok Tazwa ti ba shishrek!”
Yesu a̱ yei ba̱nyet pyyem hwon ba̱naai
(Markut 1:16-20; Luka 5:1-11)
18Yesu a̱ shyi i cong a̱mbeyang kei ba̱shekwot Galili ti a̱ shya ba̱wumbeyang ba̱hwa, ba yin yet ba̱nyet pyyem hwon, ba shyi i pyyem hwon ji, Siman (ba bo yin ku yei Bitut), ba̱ a̱wumba nu nu Andrawut. Ba yin pyyem hwon i ba̱shekwot ba da̱ a̱riryek. 19Yesu a̱ hywa da̱ mba, “Yi ba zi cong n si ya zzek pyyem ba̱neywu.” 20Ba kaai ba̱riryek mba ba a̱ krok ba ahwa a̱ brak a̱ rot a̱ ku tssup.
21Na̱ bo shek ba̱cincong a̱ bo shya ba̱wumbeyang ba̱ mba ba̱hwa, Yakubu bu Yohana, ba shyi a kpongo nu ba̱ a̱tyyi mba nu Zabadi. Ba yin shyi i jyi ba̱riryek mba ba. Yesu a̱ bo ba̱ yei, 22bu ka̱baram ba drok a̱tyyi mba nu a̱ wwon a kpongo nu bu ba̱riryek ba, a̱ tssup Yesu.
Yesu a̱ yya wa'azi a̱ zzek a̱ bo creng ba̱nyet nhywu
(Luka 6:17-19)
23Yesu a̱ nwai na̱bvwa bu a̱bat a̱duwa na i ka̱byen Galili a̱ yya wa'azi a̱ ba̱ tyyei Ka̱sham Ba̱ryat Dityok Tazwa ka, a̱ ba̱ zzek a̱ bo ba̱ creng kozan taka̱i nhywu. 24Nkhang nu na i nat si tat ka̱byen Siriya, ba̱nyet a̱ cong da̱ nu bu ba̱nyet ba a̱ byyi nhywu ba̱ a̱zi ntaka̱i ni bu kozan ka̱bvung ka a̱ yin ba̱ shyi ni, di ba̱nyet ba a̱ yin byyi a̱ka̱tuk tswa ni di ba̱nyet ya rong ncen bu ba̱nyet ta̱ruk nkap, na̱ bu ba̱ creng sa̱rei mba. 25Ba̱nyet ba̱gingang a̱ ku tssup nyyai Galili bu ka̱byen Dikafolit bu Urushalima bu ka̱byen Yahudiya, hat ma ba̱yanyet a̱ byyek nyyai ma̱nyyi Urdun ka.
Επιλέχθηκαν προς το παρόν:
:
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© 2011, Wycliffe Bible Translators, Inc. All rights reserved.