Joh. 5
5
Pasialeat simabesi ka Betesda
1Pasat nenda ai punenda tai Jahudi; oto ei Jesus ka Jerusalem. 2Ai sedda ka Jerusalem ka bebet Matatbaliu Biribiri sara puraukat sipuoni Betesda ka nganganda tai Ibrani; ai lima sapounia. 3Maigi simabesi sapareppa ka bagania: simapeset, simatekkei, simasakit. Sangamberida airangengenaake ipugotso oinannia. 4Aipoi ai teterenia itugorosot malaikat Tuhan ka oinan masigotso oinan. Kasei tugorosot boiki ka oinan aimugogotso oinan, male, kenanen apa pa besinia. 5Ai sedda sara sirimanua simabesi telu pulu balu ngarurangan ujunia. 6Kele aiitco nia Jesus ipureppa sedda, aiagaian bagei ujunia aipuoringen, kuanangan ka matania, “Noba leu imale tubum?”
7Aleginangan nia simabesi, “Tuhan, ta anai kaku sirimanua sigorosotnake aku ka oinan ka teteret ipugotso oinannia; kei memeian le aku aian sabagei siboikiake tubunia kaku.”
8Kuanangan ka matania Jesus, “Suruake ekeu, akkatnake peremannu nupuenung.” 9Malenangan leu et sirimanua nenda, akkatnakenangan peremannia, puenungnangan.
Tapoi gogoi Sabat le gogoi nenda. 10#Neh. 13:19; Jer. 17:21 Kuarangan ka matat sirimanua simamale tai Jahudi, “Gogoi Sabat le kineneiget, takeikei nubairat peremannu.”
11Aleginangan kuanangan ka matada, “Sipasiaaleake aku, nia le amasikua ka mataku, ‘Akkatnake peremannu nupuenung.’ ”
12Nounourangan nia, “Kasei sirimanua nenda sipasikukua ka matam nuakkatnake peremannu, nupuenung?”
13Tapoi ta iagai simamale nenda kasei pa nia, amutuituian poi Jesus, maigi poi bagei sirimanua sedda.
14Lepa paseseakenangan nia Jesus ka Uman Taikamanua, kuanangan ka matania, “Kineneiget amalengan ekeu, bui nugalai minca jo, bui ibara kekeu simakope besi pei le.”
15Einangan leu sirimanua nenda ka tai Jahudi masipoiliat, Jesus le sialeake nia. 16Kalulut nenda taddaakerangan tai Jahudi masikukuru Jesus kalulut gagalaina nene ka gogoi Sabat.
17Tapoi aleginangan Jesus kuanangan ka matada, “Mugalai le Ukkuiku teret kise, aku leu buita mugalai.”
18Kalulut nene makopenangan rabesiake tai Jahudi masimateiake nia. Ta sarat kalulut aapaakena gogoi Sabat, tapoi kukuana bagei Taikamanua Ukkuinia, aipakereake tubunia ka Taikamanua.
Geget Togat Taikamanua
19Ia geti aleginangan nia Jesus, kuanangan ka matada, “Kukua nia ka matamui, beri sara momoi igalai Toga sibara ka teu bagania, sarat siitconia sigalai Ukkui le igagalai; aipoi apa sigalai Ukkui, ia leu te igagalai Toga. 20Manuntu poi bagat Ukkui ka Toga samba ipatoila ka matania sangamberi sigalainia. Bulatnia sisaliu pei le galajet nene ipatotoila ka matania, bule imakisei ka bagamui. 21Kele Ukkui isuruake simamatei masirimanuaake sia, kisedda leu Toga irimanuaake siobania irimanuaake. 22Taan iuukumake kasei pa Ukkui, aipoi sangamberi gege masiukum aisegeakean ka Toga, 23bule sangamberi masiumunake Toga, keleu raumunake Ukkui. Kasei ta masiumun Toga, ta leu et iuumun Ukkui sipasikokoiniake nia.
24Kukua nia ka matamui: Sipasiaarep tiboietku samba sikatonemi sipasikokoiniake aku, aibakkatingan purimanuaiat sitaitatata, taan tuukum nia; aipoi abelangan nia ka kamateiat mei ka purimanuaiat. 25Kukua nia ka matamui: Babara te geti jamnia – samba kineneigetnan – raarep simamatei ngangan Togat Taikamanua, samba sia sipasiaarep, murimanua sia. 26Aipoi keleu Ukkui bakkat purimanuaiat, kisedda leu ikau Toga bailiu bakkat purimanuaiat. 27Samba aikauan gege masiukum ka tubunia, Togatsirimanua poi nia. 28Bui imakisei ka bagamui nene, babara te jamnia raarep ngangania sangamberi simamatei sikuddu ka ratei, 29#Dan. 12:2 belarangan sangamberi sigalai simaeru tusuru ka purimanuaiat, sia sigalai sikatai geti tusuru tuukum.”
Sipasimumuneng Jesus
30“Ta momoi kugalai apa pa teu bagaku, kipa siarepku le kupasiukum, samba maroipo le ukumku, aipoi ta teu bagaku kututnake, teu bagat Ukkui sipasikokoiniake aku le.
31Ke aku le masimunengake pagalaiat tubuku, oto pasimunenganku ta lelekngakenen. 32Ai sabagei sipasimumuneng pagalaiat tubuku, samba kuagai isese le simunengakenennia pagalaiat tubuku. 33#Joh. 1:19-27, 3:27-30 Anukoiniakean kam pakoinietmui kai Johannes, samba aimunengakean sineseatnia. 34Tapoi ta kubebesiake pasimunengan sibara ka sirimanua, bule nupurimanua kam le kukukua nia. 35Alito sipujujuluu samba siputotoro le nia; tapoi kam sarat goiso le noba kam itoroi kam patonia. 36Tapoi ai kaku pasimuneng tubuku bele pei pasimunengan Johannes. Galajet siaket Ukkui kaku lepaakenenku, ia te galajet galaiakenenku kineneiget, galajet nenda te masimumunengake kokoiniakena aku Ukkui. 37#Mat. 3:17; Mrk. 1:11; Luk. 3:22 Ukkui sipasikokoiniake aku, nia leu amasimunengake pagalaiat tubuku. Tapei anuarep kam ngangania, tubunia leu tapei anuitco kam. 38Tiboietnia ta mukuddu ka paatuatmui; aipoi ta matonem bagamui ka tubut sikoiniakenennia. 39Nugelai kam Surat Sipunenan, ka bagamui poi ka bagania le ibabara ka kam purimanuaiat sitaitatata; oto Surat Sipunenan leu masimunengake pagalaiat tubuku. 40Tapoi ta noba kam moi ka tubuku, bule nupurimanua kam.
41Ta kubebesiake katuumun sibara ka sirimanua. 42Tapoi kam akuagaian, ta anai nuntut baga ka Taikamanua ka paatuatmui. 43Amoian aku ka onin Ukkuiku, ta anusilo kam aku; tapoi ke sabagei moi siake tubuna, noba nusilo kam nia. 44Kipa te iooi imatonem bagamui, umun sibara ka pasasambamui le nugagaba kam, ta umun sibara ka Taikamanua sisasara nugagaba kam? 45Bui nupaatu kam, aku masinganganduake kam ka Ukkui; si Mose le karoakenenmui, ia te masinganganduake kam. 46Ke matonem bagamui kai Mose, ta isosoppi matonem leu bagamui kaku, aipoi pagalaiat tubuku le aisuratnake. 47Tapoi ke ta matonem bagamui ka sinuratnakenennia, kipa te imatotonem bagamui ka tiboietku?”
Επιλέχθηκαν προς το παρόν:
Joh. 5: MWV
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
Joh. 5
5
Pasialeat simabesi ka Betesda
1Pasat nenda ai punenda tai Jahudi; oto ei Jesus ka Jerusalem. 2Ai sedda ka Jerusalem ka bebet Matatbaliu Biribiri sara puraukat sipuoni Betesda ka nganganda tai Ibrani; ai lima sapounia. 3Maigi simabesi sapareppa ka bagania: simapeset, simatekkei, simasakit. Sangamberida airangengenaake ipugotso oinannia. 4Aipoi ai teterenia itugorosot malaikat Tuhan ka oinan masigotso oinan. Kasei tugorosot boiki ka oinan aimugogotso oinan, male, kenanen apa pa besinia. 5Ai sedda sara sirimanua simabesi telu pulu balu ngarurangan ujunia. 6Kele aiitco nia Jesus ipureppa sedda, aiagaian bagei ujunia aipuoringen, kuanangan ka matania, “Noba leu imale tubum?”
7Aleginangan nia simabesi, “Tuhan, ta anai kaku sirimanua sigorosotnake aku ka oinan ka teteret ipugotso oinannia; kei memeian le aku aian sabagei siboikiake tubunia kaku.”
8Kuanangan ka matania Jesus, “Suruake ekeu, akkatnake peremannu nupuenung.” 9Malenangan leu et sirimanua nenda, akkatnakenangan peremannia, puenungnangan.
Tapoi gogoi Sabat le gogoi nenda. 10#Neh. 13:19; Jer. 17:21 Kuarangan ka matat sirimanua simamale tai Jahudi, “Gogoi Sabat le kineneiget, takeikei nubairat peremannu.”
11Aleginangan kuanangan ka matada, “Sipasiaaleake aku, nia le amasikua ka mataku, ‘Akkatnake peremannu nupuenung.’ ”
12Nounourangan nia, “Kasei sirimanua nenda sipasikukua ka matam nuakkatnake peremannu, nupuenung?”
13Tapoi ta iagai simamale nenda kasei pa nia, amutuituian poi Jesus, maigi poi bagei sirimanua sedda.
14Lepa paseseakenangan nia Jesus ka Uman Taikamanua, kuanangan ka matania, “Kineneiget amalengan ekeu, bui nugalai minca jo, bui ibara kekeu simakope besi pei le.”
15Einangan leu sirimanua nenda ka tai Jahudi masipoiliat, Jesus le sialeake nia. 16Kalulut nenda taddaakerangan tai Jahudi masikukuru Jesus kalulut gagalaina nene ka gogoi Sabat.
17Tapoi aleginangan Jesus kuanangan ka matada, “Mugalai le Ukkuiku teret kise, aku leu buita mugalai.”
18Kalulut nene makopenangan rabesiake tai Jahudi masimateiake nia. Ta sarat kalulut aapaakena gogoi Sabat, tapoi kukuana bagei Taikamanua Ukkuinia, aipakereake tubunia ka Taikamanua.
Geget Togat Taikamanua
19Ia geti aleginangan nia Jesus, kuanangan ka matada, “Kukua nia ka matamui, beri sara momoi igalai Toga sibara ka teu bagania, sarat siitconia sigalai Ukkui le igagalai; aipoi apa sigalai Ukkui, ia leu te igagalai Toga. 20Manuntu poi bagat Ukkui ka Toga samba ipatoila ka matania sangamberi sigalainia. Bulatnia sisaliu pei le galajet nene ipatotoila ka matania, bule imakisei ka bagamui. 21Kele Ukkui isuruake simamatei masirimanuaake sia, kisedda leu Toga irimanuaake siobania irimanuaake. 22Taan iuukumake kasei pa Ukkui, aipoi sangamberi gege masiukum aisegeakean ka Toga, 23bule sangamberi masiumunake Toga, keleu raumunake Ukkui. Kasei ta masiumun Toga, ta leu et iuumun Ukkui sipasikokoiniake nia.
24Kukua nia ka matamui: Sipasiaarep tiboietku samba sikatonemi sipasikokoiniake aku, aibakkatingan purimanuaiat sitaitatata, taan tuukum nia; aipoi abelangan nia ka kamateiat mei ka purimanuaiat. 25Kukua nia ka matamui: Babara te geti jamnia – samba kineneigetnan – raarep simamatei ngangan Togat Taikamanua, samba sia sipasiaarep, murimanua sia. 26Aipoi keleu Ukkui bakkat purimanuaiat, kisedda leu ikau Toga bailiu bakkat purimanuaiat. 27Samba aikauan gege masiukum ka tubunia, Togatsirimanua poi nia. 28Bui imakisei ka bagamui nene, babara te jamnia raarep ngangania sangamberi simamatei sikuddu ka ratei, 29#Dan. 12:2 belarangan sangamberi sigalai simaeru tusuru ka purimanuaiat, sia sigalai sikatai geti tusuru tuukum.”
Sipasimumuneng Jesus
30“Ta momoi kugalai apa pa teu bagaku, kipa siarepku le kupasiukum, samba maroipo le ukumku, aipoi ta teu bagaku kututnake, teu bagat Ukkui sipasikokoiniake aku le.
31Ke aku le masimunengake pagalaiat tubuku, oto pasimunenganku ta lelekngakenen. 32Ai sabagei sipasimumuneng pagalaiat tubuku, samba kuagai isese le simunengakenennia pagalaiat tubuku. 33#Joh. 1:19-27, 3:27-30 Anukoiniakean kam pakoinietmui kai Johannes, samba aimunengakean sineseatnia. 34Tapoi ta kubebesiake pasimunengan sibara ka sirimanua, bule nupurimanua kam le kukukua nia. 35Alito sipujujuluu samba siputotoro le nia; tapoi kam sarat goiso le noba kam itoroi kam patonia. 36Tapoi ai kaku pasimuneng tubuku bele pei pasimunengan Johannes. Galajet siaket Ukkui kaku lepaakenenku, ia te galajet galaiakenenku kineneiget, galajet nenda te masimumunengake kokoiniakena aku Ukkui. 37#Mat. 3:17; Mrk. 1:11; Luk. 3:22 Ukkui sipasikokoiniake aku, nia leu amasimunengake pagalaiat tubuku. Tapei anuarep kam ngangania, tubunia leu tapei anuitco kam. 38Tiboietnia ta mukuddu ka paatuatmui; aipoi ta matonem bagamui ka tubut sikoiniakenennia. 39Nugelai kam Surat Sipunenan, ka bagamui poi ka bagania le ibabara ka kam purimanuaiat sitaitatata; oto Surat Sipunenan leu masimunengake pagalaiat tubuku. 40Tapoi ta noba kam moi ka tubuku, bule nupurimanua kam.
41Ta kubebesiake katuumun sibara ka sirimanua. 42Tapoi kam akuagaian, ta anai nuntut baga ka Taikamanua ka paatuatmui. 43Amoian aku ka onin Ukkuiku, ta anusilo kam aku; tapoi ke sabagei moi siake tubuna, noba nusilo kam nia. 44Kipa te iooi imatonem bagamui, umun sibara ka pasasambamui le nugagaba kam, ta umun sibara ka Taikamanua sisasara nugagaba kam? 45Bui nupaatu kam, aku masinganganduake kam ka Ukkui; si Mose le karoakenenmui, ia te masinganganduake kam. 46Ke matonem bagamui kai Mose, ta isosoppi matonem leu bagamui kaku, aipoi pagalaiat tubuku le aisuratnake. 47Tapoi ke ta matonem bagamui ka sinuratnakenennia, kipa te imatotonem bagamui ka tiboietku?”
Επιλέχθηκαν προς το παρόν:
:
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε