लूका 11
11
येशुअ जी सिख्या प्रार्थना जे बारे में
(मत्ती 6:9-13)
1हिकड़े डीं॒ह कें जग॒ऐ ते येशु प्रार्थना करे रयो हो। जड॒ऐं उहो प्रार्थना करे चुको, त हुन जे चेलन मां हिकअ ज॒णे संदस खे चयो, “हे प्रभु, जीअं यूहन्ना पांजे चेलन खे प्रार्थना करण सेखारयो आहे उअं हीं तूं असां खे बी सेखार।” 2येशुअ पांजे चेलन खे चयईं, “जड॒ऐं तवां प्रार्थना कयो त इंय चहे जोः
‘हे पिता, तुंजो नालो पवित्र मञयो वञे#11:2 इन प्रार्थना में पवित्र मञयो वञे जो मतलब आहे, के प्रभु मांणुन जे मथां पाण प्रघट करे के उहो पवित्र आहे, जेमें कोई बी बुराई कोने।,
तुंजो राज॒ अचे। 3असां खे अज॒ जी रोजी रोटी डे॒ जेंजी असां खे ज़रूरतअ आहे। 4असां जे पापन खे माफ़ कर,
छोके त असां बी पांजे हर हिकअ गुनेहगारन खे
माफ़ कंदा आयूं,
ऐं प्रलोभन अचण जे वक़्त असां खे पाप करण खां बचाए’।”
प्रार्थना जे बारे में येशुअ जो मिसाल
(मत्ती 7:7-11)
5तड॒ऐं येशुअ उनन खे चयो, “मञो, तवां मां कोई अध रात जो पांजे दोस्तअ वट वञी करे चहे, ‘हे दोस्तअ; मुखे टे रोटियूं उधारियूं डे॒। 6छो त मुंजो हिक दोस्त मुसाफिरी कंदो मूं वट आयो आहे ऐं उन खे खाराएण जे लाए मूं वट कुछ बी कोने।’ 7परअ उहो तवां खे अंदरां खां इंय जवाब डे॒, ‘के मुखे परेशान न कर। हाणे त मां दरवाज़े खे तालो बी लगा॒ए छड॒यो आहे। मुंजा बा॒रअ मुसां गड॒ पलंगअ ते सुम प्या आइन। इन करे मां हाणे उथी करे तोखे कुछ नथो ड॒ई सगां।’ 8मां तवां खे चवां तो, भले ही हू दोस्तीअ जे करे, न बी उथे परअ हू पांजी इज़तअ जे करे, के उहा खराब न थे तवां जे बिना शर्म जे हड़ी घड़ी घुरण जे करे हू उथंदो ऐं तवां खे जेतरी ज़रूरतअ आहे ओतरो डी॒ंदो। 9इन करे मां तवां खे चवां तो, घुरो त तवां खे डि॒नो वेंदो; गो॒ल्यो त तवां खे मिलंदो; ऐं दरवाज़ो खटखटायो त तवां जे लाए खोल्यो वेंदो। 10छोके जेको घुरंदो, उन खे मिलंदो आहे; ऐं जेको गो॒लींदो, उन खे लब्जंदो आहे; ऐं जेको खटखटाईंदो, उन जे लाए दरवाज़ो खोल्यो वेंदो आहे। 11छा तवां मां कोई एड़ो पिता आहे के तवां जो बा॒र मछली घुरे त मछलीअ जे बदलां तवां उन खे नांग डि॒यो? 12यां बेदो घुरे त उन जे बदलां विछूं डि॒यो? 13सो जड॒ऐं तवां बुरा थी करे बी पांजन बा॒रन खे सुठयूं शयूं डि॒यण जा॒णो ता, त पो भला तवां जो स्वर्गी॒य पिता#11:13 स्वर्गी॒य पिता, परमेश्वरअ खे चयो वयो आहे। पांजे घुरण वारन खे पवित्र आत्मा छो न डीं॒दो। ”
येशु ऐं बालज़बूल
(मत्ती 12:22-30; मर 3:20-27)
14हिकअ दफ़े येशु हिकअ गूंगे मांणूअ मां दुष्‍टआत्मा खे कढी रयो हो। जड॒ऐं उहा दुष्‍टआत्मा हुन मांणूअ मां निकरी वई त उहो गा॒लाएण लगो॒; इयो डि॒सी मांणुन खे ताजुब थ्यो।#मत्ती 12:43-45 15परअ मांणुन मां कुछ ज॒णन इंय चयो, “हे त बालज़बूल नाले जे दुष्‍टआत्माउन जे सरदारअ जी मददअ सां दुष्‍टआत्माउन खे कढंदो आहे।”#मत्ती 9:34; 10:25 16परअ कुछ ज॒णन येशुअ जी परीक्षा करण जे लाए संदस खां स्वर्ग॒अ जी काई निशानी घुरी।#मत्ती 12:38; 16:1; मर 8:11 17परअ हुन खे खबरअ हुई के उहे छा सोचे रया आइन। इन करे येशुअ उनन खे चयईं, “जैं राज॒अ में पाण में हीं फूट हुजे, त उहो राज॒ त खत्तम थी वेंदो आहे; ऐं फूट हुजण सां त घरअ जा घरअ बी तबाह थी वेंदा आइन। 18सो अगर शैतान पांजो ही विरोधी थी वञे, त पो भला उन जो राज॒ कीअं टिक्यो रवंदो? छोके तवां मुंजे बारे में चओ ता के मां बालज़बूलअ जी मददअ सां दुष्‍टआत्माउन खे तो कढां। 19अगर मां बालज़बूलअ जी मददअ सां दुष्‍टआत्माउन खे तो कढां, त पो भला तवां जा चेला केंजी मददअ सां कढंदा आइन? इन करे उहे ही तवां खे गलत ता साबित कन। 20परअ जेकड॒ऐं मां परमेश्वरअ जी सामर्थअ सां दुष्‍टआत्माउन खे तो कढां, त पो जा॒णे वठो परमेश्वरअ जो राज॒ तवां जे विचअ में अची पौंतो आहे। 21जड॒ऐं कोई ताकतवार मांणू हथियारन सां गड॒ पांजे घरअ जी रखवाली कंदो आहे, त उन जो माल सामान सलामत रवंदो आहे। 22परअ जड॒ऐं उन खां बी कोई वधीकअ ताकतवर मांणू उन ते चढ़ाई करे संदस खे हाराए छडे॒, त उहो उन जे हथियारन खे जेंजे मथां उन जो भरोसो हो फुरे छडी॒ंदो ऐं संदस जो माल सामान लूटे करे विराए छडी॒ंदो।” 23“जेको मुसां गड॒ कोने, उहो मुंजे खिलाफ आहे; जेको मांणुन खे गड॒ करण में मुंजी मददअ नथो करे, उहो हकीकतअ में उनन खे विखेरे तो।”#मर 9:50
दुष्‍टआत्माउन जो वापस मोटी अचण
(मत्ती 12:43-45)
24“जड॒ऐं काई दुष्‍टआत्मा कें मांणूअ मां निकरी ती वञे, त उहा वीरान जगे॒हुन में वञी करे पांजे आराम करण जे लाए जग॒ऐ ती गो॒ले परअ जग॒ऐ न मिलण जे करे उहा इंय ती चहे, ‘मां उन हीं घरअ में वापस मोटी वेंदम जेमां मां निकती वम।’ 25वापस मोटण ते उहा दुष्‍टआत्मा उन घरअ खे हिक दम साफ-सुथरो ऐं सजायल ती पाए। 26तड॒ऐं उहा वञी करे पाण खां बी वधीकअ सतअ बि॒यूं बुरी दुष्‍टआत्माउन खे वठी ती अचे ऐं उहे सब उन मांणूअ में अची वास त्यूं कन, इन करे उन मांणूअ जी हालत पहेरयों खां बी वधीकअ खराब ती थी वञे।#यूह 5:14 ”
धन्य केर आहे?
27येशु इहे गा॒ल्यूं करे ही प्यो, त भीड़अ मां कें हिकअ स्त्रीअ वडे॒ आवाज़अ सां चयईंस, “धन्य आहे उहा कोखअ जेमें तूं रहें ऐं उहा छाती जेकी तूं धाई।” 28इन ते येशुअ चयईं, “परअ वधीकअ धन्य उहे आइन जेके परमेश्वरअ जो वचन बु॒धंता ऐं उन ते हलन ता।”#लूका 8:15; 21
स्वर्ग॒अ जी निशानी घुरण
(मत्ती 12:38-42)
29जड॒ऐं भीड़अ वधंदी पी वञे, त उहो चवण लगो॒, “इन पीढ़ीअ जा मांणू दुष्‍ट आइन। इहे मुखां स्वर्ग॒अ मां काई निशानी तां घुरन; परअ इनन खे योना भविष्यवक्‍ता जी निशानीअ खे छडे॒ बी॒ काई बी निशानी न डि॒नी वेंदी।#मत्ती 16:4; मर 8:12; 1 कुरि 1:22 30जीअं योना भविष्यवक्‍ता नीनवे जे मांणुन जे लाए निशानी ठयो, उअं हीं मांणूअ जो पुट बी इन पीढ़ीअ जे लाए निशानी ठवंदो।#योना 3:4 31न्याय जे डी॒ंहं ते ड॒खण देशअ जी राणी शीबा इन पीढ़ीअ जे मांणुन सां गड॒ बीह करे, उनन खे डो॒ही ठहेराईंदी, छोके उहा सुलैमानअ जो ज्ञान जेको बु॒द्धिअ जो ज्ञान आहे, उन खे बु॒धण जे लाए डा॒ढो परतां खां आई हुई#1 राजा 10:1-10; 2 इति 9:1-12 ऐं डि॒सो हिते उहो आहे जेको सुलैमानअ खां बी महान आहे। 32न्याय जे डी॒ंहं ते नीनवे जा मांणू इन पीढ़ीअ जे मांणुन सां गड॒ बीह करे उनन खे डो॒ही ठहेराईंदा;#योना 3:5 छोके उनन योना भविष्यवक्‍ता जो प्रचार बु॒धी करे पांजे पापन खां तौबां कयऊं ऐं डि॒सो हिते उहो आहे जेको योना खां बी महान आहे। ”
डी॒ए जी मिसालअ
(मत्ती 5:15; 6:22,23)
33“कोई बी मांणू डी॒ओ बा॒रे उन खे लिकाए करे यां कें कटोरे जे हेठां न रखंदो आहे परअ ज्॒यारीअ ते रखंदो आहे, के जेंसां बा॒हिरां खां अंदर अचण वारन खे रोशनी मिले।#मत्ती 5:15; मर 4:21; लूका 8:16 34तवां जी अख डी॒ए वांगुर आहे, जेका तवां जे शरीरअ खे रोशनी डी॒ंदी आहे। अगर तवां जी अख्यूं साफ़ आइन, त तवां जो सजो॒ शरीर बी रोशनी में आहे। परअ अगर उहे साफ कोनन, त तवां जो शरीर बी अंधेरे में आहे।#मत्ती 6:22-23 35इन करे ध्यान रखजो, के जेकी रोशनी तवां में आहे उहा अंधेरो न थी वञे। 36अगर तवां जो सजो॒ शरीर रोशनीअ में हुजे ऐं शरीरअ जी कें बी कुंडअ में अंधेरो न हुजे, त तवां जो सजो॒ शरीर उअं हीं रोशनीअ में हुंदो, जीअं डी॒ओ पांजी चमकअ सां तवां खे रोशनी डी॒ंदो आहे।”
फ़रीसिन ऐं धर्म-शास्त्रिन ते हाय
(मत्ती 23:1-36; मर 12:38-40)
37जड॒ऐं येशु इहे गा॒ल्यूं सेखारे चुको, त उते हिकड़े फ़रीसीअ हुन खे पाण सां गड॒ रोटी खाएण जो न्योतो डि॒नईंस। सो उहो उन सां गड॒ वञी रोटी खाएण वेठो।#लूका 7:36; 14:1 38परअ उहो फ़रीसी इयो डि॒सी हैरान थ्यो के येशुअ रोटी खाएण खां पहेरयों हथअ न धोतईं#11:38 हथअ न धोतईं जो मतलब, येशुअ उनन जे रीतीअ मुजुब हथअ न धोतईं।।#मत्ती 15:2 39तड॒ऐं प्रभुअ उन खे चयो, “तवां फ़रीसी, कटोरे ऐं थालीअ खे बा॒हिरां-बा॒हिरां खां त साफ धोओ ता परअ तवां जे अंदरअ में लालच ऐं दुष्‍टता भरयल आहे। 40हे बेसम्झओ, जैं असां जो बा॒हिरयों भाग॒ मतलब शरीर ठायो आहे, छा हुन ही असां जो अंदरअ जो भाग॒ बी न ठातो तईं? 41इन करे जेकी बी मिलक्यतअ तवां वट आहे उन खे ग़रीबन में दान करे छड॒यो, त तवां जो अंदरअ जो भाग॒ परमेश्वरअ जी नज़रअ में शुद्ध ऐं हुन खे स्वीकारयोग्य हुंदो।”
42“हे फ़रीसियो, तवां ते हाय! तवां फूदीने ऐं सुदाब ऐं हर तरीके जी भाजि॒युन जी कमाईअ जो ड॒हों हिस्सो डि॒यण में ध्यान त रखो ता#लैव्य 27:30 परअ न्याय ऐं परमेश्वरअ जे प्रति प्यार खे नजरअंदाज करे छड॒यो तव; तवां जे लाए सही इयो हो, के इन खे बी कंदा रहो आं ऐं नजरअंदाज न कयो आं। 43हे फ़रीसियो, तवां ते हाय! छोके तवां खे प्रार्थना-घरन में मुख्य-मुख्य आसनअ ते व्यण ऐं मांणू तवां खे बज़ारुन में नमस्कार कन इयो वणंदो आहे।#लूका 20:46 44हे फ़रीसियो, तवां ते हाय! छोके तवां उन लिक्यल क़ब्रुन वांगुर आयो जेंजे मथां काई निशानी लग॒लअ कोने ऐं मांणू अंजाने में तवां जे मथां हलन-फिरन प्या ता।”
45तड॒ऐं हिकअ धर्मशास्त्रीअ येशुअ खे चयईं, “हे गुरू, इंय चई करे तूं असां जी बी बेइज़ती करे रयो आईं।” 46इन ते येशुअ चयईं, “हे धर्मशास्त्रीयो, तवां ते बी हाय! छोके तवां मांणुन जे मथां एडो॒ वडो॒ भार ता विझो जेंखे खरण डा॒ढो मुश्किल आहे परअ उन भारअ खे खरण में तवां मांणुन जी कुछ बी मददअ नथा कयो।#मत्ती 23:4 47हाय तवां ते! छोके तवां उन भविष्यवक्‍ताउन जी क़ब्रुन खे ठायो ता जेंखे तवां जे अबन-डा॒ड॒न मारे छड॒यो हुयो।#मत्ती 23:29-32; प्रेरि 7:51-53 48सो तवां इयो करे साबित ता कयो, के जेको तवां जे अबन-डा॒ड॒न कयो उन सां तवां सहेमत आयो; छोके तवां जे अबन-डा॒ड॒न त, उनन खे मारे छड॒यो हो ऐं तवां उनन जूं क़ब्रूं ता ठायो। 49इन करे परमेश्वरअ जेको बु॒द्धिमान आहे, हुन चयो आहे, ‘मां उनन वट भविष्यवक्‍ताउन ऐं प्रेरितन खे मोकलींदुम परअ उहे उनन मां केत्रन हीं खे मारे छडीं॒दा ऐं केत्रन हीं खे सताईंदा।#मत्ती 23:34-36; 1 कुरि 1:24; कुलु 2:3’ 50छोके जेतरन बी भविष्यवक्‍ताउन जो खून सृष्‍टिअ जी शुरूआत खां वठी हाणे ताईं वहायो वयो आहे उनन सबनिन जे खूनअ जो जिम्मेदार इन पीढ़ीअ खे मञयो वेंदो। 51इन जो मतलब आहे हाबिलअ जी हत्या खां वठी करे भविष्यवक्‍ता जकरयाह जी हत्या ताईं#उत्प 4:8; 2 इति 24:20,21 जेंखे मंदरअ में वेदी ऐं पवित्र-जाय जे विचअ में मारयो वयो हो। मां तवां खे चवां तो इन सबनिन जो जिम्मेदार इन पीढ़ीअ खे ही मञयो वेंदो। 52हाय आ तवां ते धर्मशास्त्रीयो, छोके तवां उहा ज्ञानअ जी कूंजी जेकी परमेश्वरअ जे रस्ते खे ती डे॒खारे मांणुन वटां हटाए छडी॒ आहे ऐं इंय करे न तवां पाण परमेश्वरअ जे रस्ते खे सुञातो आहे ऐं न मांणुन खे सुञारण डि॒यो ता।”
53जड॒ऐं येशु उतां निकतो, त उहे धर्मशास्त्री ऐं फ़रीसी डा॒ढो बुरी तरीके सां हुन जो विरोध करण लगा॒ ऐं संदस खां डा॒ढिन गा॒ल्युन जे बारे में सवाल करण लगा॒। 54उहे इन मौके जी फिराकअ में हुवा, के संदस जी काई गा॒ल खे पकड़े करे हुन खे फासाएन।
Επιλέχθηκαν προς το παρόν:
लूका 11: SND
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε