مَتّی 2
2
دیدار اِستالَه شناسُ
1عیسی زَمُن هیرودیس پادشاه، توو شهر بِیت‌لِحِم توو منطکه یهودیه وا دنیا هُند، بعد اَ وا دنیا هُندِنِ عیسی، چَن تا اِستالَه شناس که اَ مُغُ هَستَرِن، اَ طَرَه سرزمین شرق وا شهر اورشلیم هُندِن. 2اِستالَه شناسُ شُگُو: «پادشاه یهودیُ که تازه وا دنیا هُندِن کَمجان؟ به چه که به اِستالَۀ اُ موکعی که توو آسَمُن در هُند، مُدیدِن و هُندِیم تا بِی اُ پرستش بُکنیم.» 3وختی ایی خبر وا گوش هیرودیسِ پادشاه رِسی، اُ و همۀ مردم اورشلیم پریِشون بودِن. 4پَ هیرودیس به همۀ کاهنوی گَپِ معبد و معلموی تورات مردم جمع ایکه و اَ اُشُ ایپُرسی: «مسیح موعود کَمجا بایه وا دنیا بیاد؟» 5اُشُ جواب شُدا: «توو شهر بِیت‌لِحِم توو منطکه یهودیه، چونکه میکا پیغُمبَر اینِوشتِن که:
6«”تو ای بِیت‌لِحِم که توو سرزمین یهودایی،
تو میون حاکموی یهودا اصلا کوچِک نَهی.
چون اَ تو حاکمی اَتا
که به کوم مه سالاری اَکُنت.“»
7پَ هیرودیس پادشاه به اِستالَه شناسُ زَفتکا صدا ایکه و ازشُ ایپُرسی که اِستالَه کِی نَمایُن بودِن. 8بعد هیرودیس به اُشُ به بِیت‌لِحِم ایفِرِستا و بهشُ ایگو: «بِرِی و وا دِکَت هَوایِ چوک بِگَردی و وختی به اُ پیدا تُکه، به مه خبر هادِی، تا مه هم بیام و به اُ پرستش بُکنُم.» 9اِستالَه شناسُ بعد اَ شنیدن گَپُنِ پادشاه، به راهِ خو ادامه شُدا و همو اِستالَه ای که وختی توو آسَمُن در هُندَه شُدیدَه، جلوتِه اَ اُشُ شَرَه تا بالأخره بالای جائی که چوک هَستَه، ووستا. 10اُشُ وختی که به اِستالَه شُدی، خیلی خوشال بودِن. 11وختی داخل لَهَر رفتِن و به چوک وا مُمی میریَم شُدی، سجده شُکِه و به اُ چوک پرستش شُکِه. بعد صَندوکُ خو واز شُکِه و طِلا و کُندِر و مُر به اُ تکدیم شُکِه. 12توو خُو به اِستالَه شناسُ هشدار داده بو که پهلو هیرودیس بَرنَگَردِن، اُشُ هم اَ راه دگه به مملکتُ خو برگشتِن.
فرار به مصر
13بعد اَ رفتِن اِستالَه شناسُ، یه فرشتۀ خداوند توو خُوِ ایسُف هُند و ایگو: «هُرُس، به چوک و مُمی بِسَه و وا طَرَه مصر در بِرَه و تا موکعی که تَگَم اُجا بُمون، چون هیرودیس دُمبال ایین که به چوک پیدا بُکنتُ ایبُکُشِه.» 14پَ ایسُف پا بو، همو شُو به چوک و مُمِش ایسِی و وا طَرَه مصر راه کَ، 15و تا موکعی که هیرودیس مُرد اُجا موندَن. ایی اِتفاک کَفت تا اُ چیزی که خداوند اَ طریق هوشَع پیغُمبَر ایگُفتَه به اَنجُم بِرَسه که: «به پُس خو اَ مصر صدا اُمکه.»
16وختی هیرودیس ایفَهمی که اِستالَه شناسُ گولی شُدادِن، خیلی جَهلی بو و طِبکِ زَمُنی که اَ اِستالَه شناسُ جُست و پِی ایکِردَه دستور ایدا تا توو شهر بِیت‌لِحِم و اطرافی به همۀ پُسُویِ دو ساله و کوچِکتِه، بُکُشِن. 17پَ چیزی که اَ طریق اِرمیای پیغُمبَر گُفتَه بودَه به اَنجُم رِسی که:
18«صدایی اَ شهر رامَه وا گوش شَرِسی.
صدای گیریک و غار
راحیل، به چَک و چوکوی نسل خو گیریک اَکِردِن
و ایناوا آرُم بِگِنت.
به چه که اُشُ دگه نَهَن.»
برگشت به شهر ناصِرَه
19بعد اَ مُردِنِ هیرودیس، یه فرشتۀ خداوند توو مصر به خُوِ ایسُف هُند 20و ایگو: «هُرُس، به چوکُ مُمی بِسَه و پهلو کوم خوت بَربِگَرد، چون اُشُویی که شاواستَه به چوک بُکُشِن، مُردَن.» 21پَ ایسُف پا بو، به چوک و مُمِش ایسِی و به سرزمین کوم خو رَه. 22ولی وختی شِشنُت آرکِلائوس توو منطکه یهودیه به جا بَپی هیرودیس حکومت اَکِردِن، تِرسی به اُجا بِرِت و چون توو خُو بهش هشدار شُدادَه، وا طَرَه منطکه جلیل رَه. 23ایسُف رَه توو شهر ناصِرَه زندگی ایکه. ایطو بو تا گَپِ پیغُمبَرُن به اَنجُم بِرَسه که «بهش ناصری اَگَن.»
Επιλέχθηκαν προς το παρόν:
مَتّی 2: PES
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
©️2024 Korpu Company
مَتّی 2
2
دیدار اِستالَه شناسُ
1عیسی زَمُن هیرودیس پادشاه، توو شهر بِیت‌لِحِم توو منطکه یهودیه وا دنیا هُند، بعد اَ وا دنیا هُندِنِ عیسی، چَن تا اِستالَه شناس که اَ مُغُ هَستَرِن، اَ طَرَه سرزمین شرق وا شهر اورشلیم هُندِن. 2اِستالَه شناسُ شُگُو: «پادشاه یهودیُ که تازه وا دنیا هُندِن کَمجان؟ به چه که به اِستالَۀ اُ موکعی که توو آسَمُن در هُند، مُدیدِن و هُندِیم تا بِی اُ پرستش بُکنیم.» 3وختی ایی خبر وا گوش هیرودیسِ پادشاه رِسی، اُ و همۀ مردم اورشلیم پریِشون بودِن. 4پَ هیرودیس به همۀ کاهنوی گَپِ معبد و معلموی تورات مردم جمع ایکه و اَ اُشُ ایپُرسی: «مسیح موعود کَمجا بایه وا دنیا بیاد؟» 5اُشُ جواب شُدا: «توو شهر بِیت‌لِحِم توو منطکه یهودیه، چونکه میکا پیغُمبَر اینِوشتِن که:
6«”تو ای بِیت‌لِحِم که توو سرزمین یهودایی،
تو میون حاکموی یهودا اصلا کوچِک نَهی.
چون اَ تو حاکمی اَتا
که به کوم مه سالاری اَکُنت.“»
7پَ هیرودیس پادشاه به اِستالَه شناسُ زَفتکا صدا ایکه و ازشُ ایپُرسی که اِستالَه کِی نَمایُن بودِن. 8بعد هیرودیس به اُشُ به بِیت‌لِحِم ایفِرِستا و بهشُ ایگو: «بِرِی و وا دِکَت هَوایِ چوک بِگَردی و وختی به اُ پیدا تُکه، به مه خبر هادِی، تا مه هم بیام و به اُ پرستش بُکنُم.» 9اِستالَه شناسُ بعد اَ شنیدن گَپُنِ پادشاه، به راهِ خو ادامه شُدا و همو اِستالَه ای که وختی توو آسَمُن در هُندَه شُدیدَه، جلوتِه اَ اُشُ شَرَه تا بالأخره بالای جائی که چوک هَستَه، ووستا. 10اُشُ وختی که به اِستالَه شُدی، خیلی خوشال بودِن. 11وختی داخل لَهَر رفتِن و به چوک وا مُمی میریَم شُدی، سجده شُکِه و به اُ چوک پرستش شُکِه. بعد صَندوکُ خو واز شُکِه و طِلا و کُندِر و مُر به اُ تکدیم شُکِه. 12توو خُو به اِستالَه شناسُ هشدار داده بو که پهلو هیرودیس بَرنَگَردِن، اُشُ هم اَ راه دگه به مملکتُ خو برگشتِن.
فرار به مصر
13بعد اَ رفتِن اِستالَه شناسُ، یه فرشتۀ خداوند توو خُوِ ایسُف هُند و ایگو: «هُرُس، به چوک و مُمی بِسَه و وا طَرَه مصر در بِرَه و تا موکعی که تَگَم اُجا بُمون، چون هیرودیس دُمبال ایین که به چوک پیدا بُکنتُ ایبُکُشِه.» 14پَ ایسُف پا بو، همو شُو به چوک و مُمِش ایسِی و وا طَرَه مصر راه کَ، 15و تا موکعی که هیرودیس مُرد اُجا موندَن. ایی اِتفاک کَفت تا اُ چیزی که خداوند اَ طریق هوشَع پیغُمبَر ایگُفتَه به اَنجُم بِرَسه که: «به پُس خو اَ مصر صدا اُمکه.»
16وختی هیرودیس ایفَهمی که اِستالَه شناسُ گولی شُدادِن، خیلی جَهلی بو و طِبکِ زَمُنی که اَ اِستالَه شناسُ جُست و پِی ایکِردَه دستور ایدا تا توو شهر بِیت‌لِحِم و اطرافی به همۀ پُسُویِ دو ساله و کوچِکتِه، بُکُشِن. 17پَ چیزی که اَ طریق اِرمیای پیغُمبَر گُفتَه بودَه به اَنجُم رِسی که:
18«صدایی اَ شهر رامَه وا گوش شَرِسی.
صدای گیریک و غار
راحیل، به چَک و چوکوی نسل خو گیریک اَکِردِن
و ایناوا آرُم بِگِنت.
به چه که اُشُ دگه نَهَن.»
برگشت به شهر ناصِرَه
19بعد اَ مُردِنِ هیرودیس، یه فرشتۀ خداوند توو مصر به خُوِ ایسُف هُند 20و ایگو: «هُرُس، به چوکُ مُمی بِسَه و پهلو کوم خوت بَربِگَرد، چون اُشُویی که شاواستَه به چوک بُکُشِن، مُردَن.» 21پَ ایسُف پا بو، به چوک و مُمِش ایسِی و به سرزمین کوم خو رَه. 22ولی وختی شِشنُت آرکِلائوس توو منطکه یهودیه به جا بَپی هیرودیس حکومت اَکِردِن، تِرسی به اُجا بِرِت و چون توو خُو بهش هشدار شُدادَه، وا طَرَه منطکه جلیل رَه. 23ایسُف رَه توو شهر ناصِرَه زندگی ایکه. ایطو بو تا گَپِ پیغُمبَرُن به اَنجُم بِرَسه که «بهش ناصری اَگَن.»
Επιλέχθηκαν προς το παρόν:
:
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
©️2024 Korpu Company