Yohanes 12
12
Maria nitik minyak harum nyan paan Yesus ika mohormat Are
12:1-8
(Mat. 26:6-13; Mrk. 14:3-9)
1Onom ondo sorinai porayaan Paskah molai, Yesus dombut hopuli hia desa Betania, tukui ika Lasarus co ocop tongomolum Yesus hopuli ingkan pompatoi. 2Nyan intin oko acara kuman ika mohormat Yesus. Marta umba molayani kawan dulun nyan intin. Lasarus oko nyan halo kawan dulun co tuot kuman homboh-homboh ma Yesus. 3Paluh Maria mehen sotengah liter minyak harum co araieh narwastu, co asli. Minyak harum cioh darang lau tapi are nitik eh nyan paan Yesus holuh ngempet eh ma baloueh leh. Ngolauh lopo cioh jarin buan harum tuluieh
4Tapi Yudas Iskariot, ico beti ingkan kawan murid Yesus, co angar nyua nyarah Are, mantun: 5“Kura minyak harum conon aroko tobojuar ma lekan tolu latuh kodilat perak? Paluh duit eh tomihi indan kawan dulun mala!” 6(Sobujur eh, are mantun sanioh aroko tului are momporhati dulun mala, tapi awi are ponako. Are iyohco bendahara indan polayanan Yesus. Hintang are derek ngelom duit doh yoh)
7Jadi, Yesus mantun, “Aroh nopoh bawe conon! Are nguan onon ina posiap beting-Kuh ika tongolowong. 8Horoholuh angar oko dulun mala nyan halo ikan, tapi Akuh aroko horoholuh angar oko halo ikan.”
Kawan imam kopala umpi kewak ika ngompatoi Lasarus
12:9-11
9Orong dulun Yahudi ngoneh bahawa Yesus oko nyan Betania. Jadi, iroh tulak hia idi. Iroh aroko baya nyau noto Yesus, tapi iroh nyau noto Lasarus co ocop tongomolum Yesus hopuli ingkan pompatoi. 10-11Awi ome co tojadi ma Lasarus yoh, orong dulun Yahudi aroko momihak bat ma kawan imam kopala tapi porocaya ma Yesus. Poko tului iyoh, kawan imam kopala umpi kewak ika ngompatoi Lasarus ka.
Yesus tonambang socara moriah nyan kota Yerusalem
12:12-19
(Mat. 21:1-11; Mrk. 11:1-10; Luk. 19:28-38)
12Nyuap ondoeh, dulun ngarun co ocop dombut ika moraya Pesta Paskah, iroh ngoneh bahawa Yesus dahat ponah solanai nuntuh Yerusalem. 13Jadi, iroh monu kawan tangkai palem holuh tulak nohawoh Are. Iroh ngororoho,
“Nara boh Mohotara!
Ihin aang co pio hinut Are co dombut ma kuasan Tuhan Mohotara!#12:13 Ingkan buku Masmur 118:26.
Ihin aang co pio hinut Laca dulun Israel!”
14Yesus popak ico kontuluh koledai nampung ikuh holuh Are cakat tungkuieh isan oko tonulih:
15“Kawan dulun Yerusalem.#12:15 Tek asli, bohasa Yunani, hapo kiasan ‘putri Sion’. (Kota Yerusalem tomangun nyan Lungkuh Sion.) Aroh takut!
Notobat! Laca me dombut tuot nyan tungkui ico koledai nampung ikuh!”#12:15 Ingkan buku Jakaria 9:9.
16(Nyan waktu iyoh, kawan murid Yesus aroko paham kawan aang cioh. Tapi, opah Yesus bolum hopuli ingkan pompatoi paluh Are tokatang hia sorga, hanyar bat iroh paham bahawa kawan aang cotuh tonulih tintun Yesus. Iroh paham bahawa kawan aang cotuh co tongompian doh ma Yesus, ocop sosuai ma antun nabi cioh.)
17Oko orong dulun co homboh-homboh Yesus hiah waktu Are ngomolum Lasarus hopuli hintang naah are pusit ingkan guha kolowong. Kawan dulun co kito iyoh horoholuh bosaksi tintun iyoh ma kawan dulun co bokon. 18Iyoh tuluieh dulun orong yoh tulak hia Yesus awi iroh ngoneh bahawa Areboh co ocop nguan aang co mosotahir yoh. 19Maka, kawan pomimpin agama Yahudi ingkan kolompok Parisi, iroh mantun ico ma co bokon, “Ito aroko boraoi umpi ome-ome. Noto! Ngolauh dunia tulak ngonulu Are!”
Yesus umpi kokon dulun totarik dombut hia-Are
12:20-36
20Jadi, hiah waktu porayaan pesta Paskah, orong dulun dombut hia Yerusalem ika nyembah Mohotara. Nyan halo iroh oko pira-pira dulun Yunani 21Kawan dulun taiyoh tulak hia Pilipus, murid Yesus co borasar ingkan kota Betsaida nyan propinsi Galilea. Iroh nyawot maeh, “Pa, kaih jere sopopak ma Yesus.”
22Jadi, Pilipus tulak mara aang cioh hia Andreas. Paluh, iroh ruo porapot eh ma Yesus. 23Tapi Yesus mantun ma iroh, “Ocop dapot waktueh Mohotara porahan bahawa, Anak kolunon korinah tohormat. 24Porhatiboh cuntu cotuh: Opah ico koluang gandum tomimbun nyan ponah tana, luang gandum cioh sobulih matoi houn sorinai nyuluh jarin imbun.#12:24 Ingkan ilmu potanian, kotika dulun nukan bonyi, oko proses luang bonyi ‘topimbun’ nyan ponah tana bonyi cioh matoi houn, sorinai nyuluh jarin imbun. Luang jangoi cioh mongkup, upak eh sompuleng, upak eh lenyoh jarin isan sumer kanon indan imbun co angar nyuluh yoh. Amun luang gandum cioh aroko matoi, are tenden ico koluang leh. Tapi, amun are mongkup, maka are angar mohasir orong bua. 25Dulun co menting tambung songai leh, sobujur eh are aroko angar ngohabaeh. Tapi dulun co aroko menting tambung songai leh nyan dunia tuh, maka are angar nyolindung eh indan kobolum co sumong kototahieh. 26Ome bewe co jere bogawi indang Kuh, are sobulih umba Akuh. Are angar oko nyan ika co samah ma Akuh.” Mohotara Tama angar mohormat sika dulun co bogawi indang-Kuh.
27“Makitu, atoi-Kuh giha lau. Ome co sobulih Kuh mantun? ‘Tamang-Kuh, dohop Akuh ingkan pondoritaan co jion angar tomongolami-Kuh?’ Mositi Akuh aroko angar mantun isanioh. Awi, ononboh alasan eh Akuh dombut hia dunia tuh. 28‘Tamang-Kuh, Aram-Mu korinah tohormat.’ ”
Paluh oko suara Mohotara ingkan sorga co mantun, “Akuh ocop umpi-Eh tohormat. Akuh angar umpi-Eh tohormat kole!”
29Dulun ngarun co oko nyan intin ngoneh suara cioh. Oko co mantun, “Onon uhing duhung!” Tapi oko ka co mantun, “Onon suara molekat co hopander ma-Eh.”
30Yesus mantun, “Tamang-Kuh mantun kawan antun tanon aroh indang-Kuh, tapi indam me. 31Makitu ocop dapot waktueh kawan dulun nyan dunia tomutus sala atawa bujur. Makitu ka, are co monguasa dunia tuh, iyohonon Lacan Setan, angar tongalah. 32Hiah waktu Akuh tonongkacuk nyan hunyung tana, Akuh angar umpi kokon dulun ika dombut hia-Akuh.” 33Yesus mantun isan iyoh ina mara main deoi caraeh Are angar matoi.
34Dulun ngarun taiyoh mantun, “Hukum Torat mantun bahawa Kristus, Laca Co Tomonjanji Mohotara, angar tenden bolum sokotahi-tahieh. Jadi, moh bodai Iko mantun bahawa Anak Kolunon sobulih tonongkacuk nyan hunyung tana? Omeboh Anak Kolunon cioh?”
35Hien Yesus ma iroh, “Kopandau baya oko nyan halo ikan indan isut waktu oni. Jadi, ikan sobulih nyalan kotahin Kopandau cioh incah oko nyan halo ikan, porocaya boh maeh, ina kopindong aroko monguasa ikan. Dulun co nyalan ponah kopindong aroko monau hia omoh are tulak. 36Porocaya boh ma Kopandau cioh kotahin kopandau cioh incah oko halo ikan. Ma sanioh, ikan jarin kawan dulun co bolum ponah Kopandau.” Opah Yesus mantun sanioh, Are tulak ingkan intin, holuh nukui nyan ika co aroko doh monau nyan omoh Are oko.
Orong dulun Yahudi aroko porocaya bahawa Yesus iyohco Laca Co Tomonjanji Mohotara
12:37-43
37Oluco kawan dulun noto Yesus nguan orong aang co mosotahir. Tapi incah orong leh iroh co aroko porocaya ma-Eh. 38Iyoh tojadi ina antun nabi Yesaya jarin nyata. Hiah jaman sinan are nulih antun cotuh:
“Tuhan, omeboh co porocaya ma borita co tongorapot kuh?
Tohimo ome boh kuasan Tuhan tomototo?”#12:38 Ingkan buku Yesaya 53:1.
39Iroh aroh lian porocaya, awi Yesaya ocop mantun ka nain otuh:
40 “Tuhan ocop umpi matan doh aroko boraoi noto.
Are ocop umpi atoi doh aroko lian paham.
Ina aroh dapot otuh tojadi: iroh noto ma mata,
Iroh paham ma atoi,
paluh naat kawan dosan doh,
sohinga, Tuhan mampun iroh.”#12:40 Ingkan buku Yesaya 6:10.
41Yesaya mantun sanioh awi, are kito bahawa Yesus korinah tohormat. Paluh, are nulih tintun Yesus.
42Oluco oko orong dulun co aroko porocaya ma Yesus, tapi nyan halo pomimpin bangsa Yahudi, oko orong ka co porocaya. Tapi iroh aroko bohanyi sak rak mongaku iyoh awi iroh takut ma kawan dulun Parisi. Iroh aroko kolu tongosiit umba hokumpur nyan lopo ika sombayang. 43Iroh labih sanang tomohormat pian kolunon, hangki tomohormat pian Mohotara.
Yesus mihi somangat ma dulun ika porocaya ma-Are ina aroh tomohukum nyan ahir jaman
12:44-50
44Paluh Yesus mantun ma suara muhat, “Sika dulun co porocaya ma-Akuh are aroko baya porocaya ma-Akuh, tapi mahi porocaya ma Mohotara co ocop nyoruhan Akuh. 45Sika dulun co kito Akuh, borati dulun cioh mahi kito Mohotara co ocop nyoruhan Akuh. 46Akuh dombut hia dunia tuh sobagai kopandau, ika kokon dulun co porocaya ma-Akuh aroko nukui nyan ponah kopindong. 47Akuh dombut ika nyolamat dulun, aroko ika mohukum dulun. Poko tului iyoh, amun oko dulun co ngoneh ajaran-Kuh, tapi aroko nuhit eh, aroh Akuh co mohukum are. 48Tapi, nyan ondo kiamat daai, kokon dulun co kuloi Akuh, uras dulun co aroko nontumun ajaran-Kuh, iroh angar tomohukum. Iroh angar tomohukum sosuai ma ajaran co ocop tongorapot-Kuh. 49Awi Akuh aroko porapot antun ingkan kojere-Kuh tarop, tapi ingkan kojere Mohotara Tama co nyoruhan Akuh. Areboh co mihi porentah ma-Akuh, ajaran co sobulih Kuh porapot eh. 50Akuh monau bahawa porentah-Eh yoh mihi kobolum sumong kotahi indan dulun co porocaya. Iyoh tuluieh Akuh mantun sosuai ma antun co ocop ihin Tamang-Kuh ma-Akuh.”
Επιλέχθηκαν προς το παρόν:
Yohanes 12: TBSS
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
Yohanes 12
12
Maria nitik minyak harum nyan paan Yesus ika mohormat Are
12:1-8
(Mat. 26:6-13; Mrk. 14:3-9)
1Onom ondo sorinai porayaan Paskah molai, Yesus dombut hopuli hia desa Betania, tukui ika Lasarus co ocop tongomolum Yesus hopuli ingkan pompatoi. 2Nyan intin oko acara kuman ika mohormat Yesus. Marta umba molayani kawan dulun nyan intin. Lasarus oko nyan halo kawan dulun co tuot kuman homboh-homboh ma Yesus. 3Paluh Maria mehen sotengah liter minyak harum co araieh narwastu, co asli. Minyak harum cioh darang lau tapi are nitik eh nyan paan Yesus holuh ngempet eh ma baloueh leh. Ngolauh lopo cioh jarin buan harum tuluieh
4Tapi Yudas Iskariot, ico beti ingkan kawan murid Yesus, co angar nyua nyarah Are, mantun: 5“Kura minyak harum conon aroko tobojuar ma lekan tolu latuh kodilat perak? Paluh duit eh tomihi indan kawan dulun mala!” 6(Sobujur eh, are mantun sanioh aroko tului are momporhati dulun mala, tapi awi are ponako. Are iyohco bendahara indan polayanan Yesus. Hintang are derek ngelom duit doh yoh)
7Jadi, Yesus mantun, “Aroh nopoh bawe conon! Are nguan onon ina posiap beting-Kuh ika tongolowong. 8Horoholuh angar oko dulun mala nyan halo ikan, tapi Akuh aroko horoholuh angar oko halo ikan.”
Kawan imam kopala umpi kewak ika ngompatoi Lasarus
12:9-11
9Orong dulun Yahudi ngoneh bahawa Yesus oko nyan Betania. Jadi, iroh tulak hia idi. Iroh aroko baya nyau noto Yesus, tapi iroh nyau noto Lasarus co ocop tongomolum Yesus hopuli ingkan pompatoi. 10-11Awi ome co tojadi ma Lasarus yoh, orong dulun Yahudi aroko momihak bat ma kawan imam kopala tapi porocaya ma Yesus. Poko tului iyoh, kawan imam kopala umpi kewak ika ngompatoi Lasarus ka.
Yesus tonambang socara moriah nyan kota Yerusalem
12:12-19
(Mat. 21:1-11; Mrk. 11:1-10; Luk. 19:28-38)
12Nyuap ondoeh, dulun ngarun co ocop dombut ika moraya Pesta Paskah, iroh ngoneh bahawa Yesus dahat ponah solanai nuntuh Yerusalem. 13Jadi, iroh monu kawan tangkai palem holuh tulak nohawoh Are. Iroh ngororoho,
“Nara boh Mohotara!
Ihin aang co pio hinut Are co dombut ma kuasan Tuhan Mohotara!#12:13 Ingkan buku Masmur 118:26.
Ihin aang co pio hinut Laca dulun Israel!”
14Yesus popak ico kontuluh koledai nampung ikuh holuh Are cakat tungkuieh isan oko tonulih:
15“Kawan dulun Yerusalem.#12:15 Tek asli, bohasa Yunani, hapo kiasan ‘putri Sion’. (Kota Yerusalem tomangun nyan Lungkuh Sion.) Aroh takut!
Notobat! Laca me dombut tuot nyan tungkui ico koledai nampung ikuh!”#12:15 Ingkan buku Jakaria 9:9.
16(Nyan waktu iyoh, kawan murid Yesus aroko paham kawan aang cioh. Tapi, opah Yesus bolum hopuli ingkan pompatoi paluh Are tokatang hia sorga, hanyar bat iroh paham bahawa kawan aang cotuh tonulih tintun Yesus. Iroh paham bahawa kawan aang cotuh co tongompian doh ma Yesus, ocop sosuai ma antun nabi cioh.)
17Oko orong dulun co homboh-homboh Yesus hiah waktu Are ngomolum Lasarus hopuli hintang naah are pusit ingkan guha kolowong. Kawan dulun co kito iyoh horoholuh bosaksi tintun iyoh ma kawan dulun co bokon. 18Iyoh tuluieh dulun orong yoh tulak hia Yesus awi iroh ngoneh bahawa Areboh co ocop nguan aang co mosotahir yoh. 19Maka, kawan pomimpin agama Yahudi ingkan kolompok Parisi, iroh mantun ico ma co bokon, “Ito aroko boraoi umpi ome-ome. Noto! Ngolauh dunia tulak ngonulu Are!”
Yesus umpi kokon dulun totarik dombut hia-Are
12:20-36
20Jadi, hiah waktu porayaan pesta Paskah, orong dulun dombut hia Yerusalem ika nyembah Mohotara. Nyan halo iroh oko pira-pira dulun Yunani 21Kawan dulun taiyoh tulak hia Pilipus, murid Yesus co borasar ingkan kota Betsaida nyan propinsi Galilea. Iroh nyawot maeh, “Pa, kaih jere sopopak ma Yesus.”
22Jadi, Pilipus tulak mara aang cioh hia Andreas. Paluh, iroh ruo porapot eh ma Yesus. 23Tapi Yesus mantun ma iroh, “Ocop dapot waktueh Mohotara porahan bahawa, Anak kolunon korinah tohormat. 24Porhatiboh cuntu cotuh: Opah ico koluang gandum tomimbun nyan ponah tana, luang gandum cioh sobulih matoi houn sorinai nyuluh jarin imbun.#12:24 Ingkan ilmu potanian, kotika dulun nukan bonyi, oko proses luang bonyi ‘topimbun’ nyan ponah tana bonyi cioh matoi houn, sorinai nyuluh jarin imbun. Luang jangoi cioh mongkup, upak eh sompuleng, upak eh lenyoh jarin isan sumer kanon indan imbun co angar nyuluh yoh. Amun luang gandum cioh aroko matoi, are tenden ico koluang leh. Tapi, amun are mongkup, maka are angar mohasir orong bua. 25Dulun co menting tambung songai leh, sobujur eh are aroko angar ngohabaeh. Tapi dulun co aroko menting tambung songai leh nyan dunia tuh, maka are angar nyolindung eh indan kobolum co sumong kototahieh. 26Ome bewe co jere bogawi indang Kuh, are sobulih umba Akuh. Are angar oko nyan ika co samah ma Akuh.” Mohotara Tama angar mohormat sika dulun co bogawi indang-Kuh.
27“Makitu, atoi-Kuh giha lau. Ome co sobulih Kuh mantun? ‘Tamang-Kuh, dohop Akuh ingkan pondoritaan co jion angar tomongolami-Kuh?’ Mositi Akuh aroko angar mantun isanioh. Awi, ononboh alasan eh Akuh dombut hia dunia tuh. 28‘Tamang-Kuh, Aram-Mu korinah tohormat.’ ”
Paluh oko suara Mohotara ingkan sorga co mantun, “Akuh ocop umpi-Eh tohormat. Akuh angar umpi-Eh tohormat kole!”
29Dulun ngarun co oko nyan intin ngoneh suara cioh. Oko co mantun, “Onon uhing duhung!” Tapi oko ka co mantun, “Onon suara molekat co hopander ma-Eh.”
30Yesus mantun, “Tamang-Kuh mantun kawan antun tanon aroh indang-Kuh, tapi indam me. 31Makitu ocop dapot waktueh kawan dulun nyan dunia tomutus sala atawa bujur. Makitu ka, are co monguasa dunia tuh, iyohonon Lacan Setan, angar tongalah. 32Hiah waktu Akuh tonongkacuk nyan hunyung tana, Akuh angar umpi kokon dulun ika dombut hia-Akuh.” 33Yesus mantun isan iyoh ina mara main deoi caraeh Are angar matoi.
34Dulun ngarun taiyoh mantun, “Hukum Torat mantun bahawa Kristus, Laca Co Tomonjanji Mohotara, angar tenden bolum sokotahi-tahieh. Jadi, moh bodai Iko mantun bahawa Anak Kolunon sobulih tonongkacuk nyan hunyung tana? Omeboh Anak Kolunon cioh?”
35Hien Yesus ma iroh, “Kopandau baya oko nyan halo ikan indan isut waktu oni. Jadi, ikan sobulih nyalan kotahin Kopandau cioh incah oko nyan halo ikan, porocaya boh maeh, ina kopindong aroko monguasa ikan. Dulun co nyalan ponah kopindong aroko monau hia omoh are tulak. 36Porocaya boh ma Kopandau cioh kotahin kopandau cioh incah oko halo ikan. Ma sanioh, ikan jarin kawan dulun co bolum ponah Kopandau.” Opah Yesus mantun sanioh, Are tulak ingkan intin, holuh nukui nyan ika co aroko doh monau nyan omoh Are oko.
Orong dulun Yahudi aroko porocaya bahawa Yesus iyohco Laca Co Tomonjanji Mohotara
12:37-43
37Oluco kawan dulun noto Yesus nguan orong aang co mosotahir. Tapi incah orong leh iroh co aroko porocaya ma-Eh. 38Iyoh tojadi ina antun nabi Yesaya jarin nyata. Hiah jaman sinan are nulih antun cotuh:
“Tuhan, omeboh co porocaya ma borita co tongorapot kuh?
Tohimo ome boh kuasan Tuhan tomototo?”#12:38 Ingkan buku Yesaya 53:1.
39Iroh aroh lian porocaya, awi Yesaya ocop mantun ka nain otuh:
40 “Tuhan ocop umpi matan doh aroko boraoi noto.
Are ocop umpi atoi doh aroko lian paham.
Ina aroh dapot otuh tojadi: iroh noto ma mata,
Iroh paham ma atoi,
paluh naat kawan dosan doh,
sohinga, Tuhan mampun iroh.”#12:40 Ingkan buku Yesaya 6:10.
41Yesaya mantun sanioh awi, are kito bahawa Yesus korinah tohormat. Paluh, are nulih tintun Yesus.
42Oluco oko orong dulun co aroko porocaya ma Yesus, tapi nyan halo pomimpin bangsa Yahudi, oko orong ka co porocaya. Tapi iroh aroko bohanyi sak rak mongaku iyoh awi iroh takut ma kawan dulun Parisi. Iroh aroko kolu tongosiit umba hokumpur nyan lopo ika sombayang. 43Iroh labih sanang tomohormat pian kolunon, hangki tomohormat pian Mohotara.
Yesus mihi somangat ma dulun ika porocaya ma-Are ina aroh tomohukum nyan ahir jaman
12:44-50
44Paluh Yesus mantun ma suara muhat, “Sika dulun co porocaya ma-Akuh are aroko baya porocaya ma-Akuh, tapi mahi porocaya ma Mohotara co ocop nyoruhan Akuh. 45Sika dulun co kito Akuh, borati dulun cioh mahi kito Mohotara co ocop nyoruhan Akuh. 46Akuh dombut hia dunia tuh sobagai kopandau, ika kokon dulun co porocaya ma-Akuh aroko nukui nyan ponah kopindong. 47Akuh dombut ika nyolamat dulun, aroko ika mohukum dulun. Poko tului iyoh, amun oko dulun co ngoneh ajaran-Kuh, tapi aroko nuhit eh, aroh Akuh co mohukum are. 48Tapi, nyan ondo kiamat daai, kokon dulun co kuloi Akuh, uras dulun co aroko nontumun ajaran-Kuh, iroh angar tomohukum. Iroh angar tomohukum sosuai ma ajaran co ocop tongorapot-Kuh. 49Awi Akuh aroko porapot antun ingkan kojere-Kuh tarop, tapi ingkan kojere Mohotara Tama co nyoruhan Akuh. Areboh co mihi porentah ma-Akuh, ajaran co sobulih Kuh porapot eh. 50Akuh monau bahawa porentah-Eh yoh mihi kobolum sumong kotahi indan dulun co porocaya. Iyoh tuluieh Akuh mantun sosuai ma antun co ocop ihin Tamang-Kuh ma-Akuh.”
Επιλέχθηκαν προς το παρόν:
:
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε