Yohanes 15
15
Yesus ibarat eh batang angur awi Are iyohco sumer kobolum
15:1-17
1Opaiyoh Yesus mantun, “Akuh ibarat eh batang angur co bujur. Tamang-Kuh iyohco potani co nyorunuh imbun angur cioh. 2Sika daaieh co oko ma-Akuh co aroko mua, tonotok tomende Tamang-Kuh daan taiyoh. Tapi, sika daaieh co mua, tongorasih Tamang-Kuh ina daaieh yoh meleh simpot mua. 3Ikan ocop borasih awi ikan porocaya ajaran co tomantun-Kuh ma ikan. 4Ikan sobulih tenden hokohico ma Akuh, paluh Akuh angar tenden hokohico ma ikan. Amun daan aroko leket ma batang eh, maka daan taiyoh aroko lian mua. Isan iyoh ka, ikan aroko lian mua amun ikan aroko tenden leket ma Akuh.
5Akuh ibarat eh batang angur. Ikan ibarat eh kawan daaieh. Dulun sobulih tenden leket ma Akuh, paluh Akuh angar leket ma are. Ma sanioh, are angar nguan orong alogawi pio. Awi, amun ikan aroko leket ma Akuh, maka ikan aroko lian umpi ome-ome co pio. 6Kokon dulun co aroko hokohico ma Akuh, iroh isan kawan daan co tomende, paluh jarin kojang. Kawan daan isan iyoh angar tongumpur, tonapuk hia ponah apui, paluh tomapang. 7Ikan sobulih hokohico ma Akuh hintang ajaran-Kuh sobulih oko ponah atoi me. Amun sanioh, nyawot ome bewe co tonyau me, maka ikan angar norimaeh. 8Amun ikan nguan orong alogawi pio, maka ikan poleha ma dulun korinah koharat eh Tamang-Kuh. Ma sanioh, ikan bujur-bujur jarin kawan murid-Kuh.
9Isan Tama mongasihi Akuh, sanioh boh Akuh mongasihi ikan. Kojere boh ikan tenden bolum sobagai dulun co tomongasi-Kuh. 10Amun ikan tuhit ma kawan porentah-Kuh, Akuh angar tenden tomongasi ikan, samah isan Akuh ocop nuhit kawan porentah Tamang-Kuh, poko tului iyoh Are tenden mongasihi Akuh.
11Akuh mantun kokon onon ina kojorih jerah-Kuh oko ponah atoi me, paluh kojorih jerah me somporaka. 12Otuhboh porentah-Kuh, ikan sobulih hopomasi, samah isan Akuh tomongasi ikan. 13Dulun co poko tomongasi ma kawan sohabat eh iyohco dulun co selang matoi indan doh. 14Ikan iyohco kawan sohabat-Kuh amun ikan nguan kawan porentah co ihing-Kuh ma ikan. 15Akuh aroko bat nisi ikan ‘polayan’. Awi, dulun co polayan aroko monau ome co tomonggawi tuan eh. Tapi, Akuh nisi ikan ‘sohabat’. Awi, Akuh ocop mara ma ikan kokon aranaang co tongoneh-Kuh ingkan Tamang-Kuh. 16Aroko ikan co mili Akuh, tapi Akuhboh co mili ikan. Akuh nyoruhan ikan ina me tulak nguan orong alogawi pio, alogawi co dohon sumong kototahieh. Amun ikan nguan iyoh, maka Tamang-Kuh angar mihi indam me ome co tonyawot me ingkan Are ponah arang-Kuh. 17Otuhboh porentah co ihing-Kuh ma ikan: Ikan sobulih hopomasi.”
Kawan dulun nyan dunia co aroko porocaya angar ngodolee kawan murid Yesus
15:18-27
18“Amun kawan dulun nyan dunia ngodolee ikan, aroh hurong awi iroh meleh houn ngodolee Akuh. 19Sompamaeh ikan incah hokohico ma kawan dulun nyan dunia, mositi iroh tomongasi ikan sobagai tiroh. Tapi, ikan aroko hokohico ma kawan dulun nyan dunia. Akuh ocop mili ikan ingkan iroh. Iyoh tuluieh iroh ngodolee ikan. 20Mingatboh antun-Kuh tuh ma ikan batuh: Dulun co polayan aroko meleh tomohormat hangki tuan eh. Amun iroh ocop monganiaya Akuh, maka iroh mahi angar monganiaya ikan. Tapi amun iroh nontumun ajaran-Kuh, maka iroh mahi angar nontumun ajaran me. 21Kokoieh yoh angar tongompian doh ma ikan awi ikan iyohco murid-Kuh, mahi awi iroh aroko nyono Tamang-Kuh co nyoruhan Akuh. 22Akuh ocop dombut porapot ma iroh antun co buah ingkan Mohotara. Tapi iroh aroko porocaya ma-Akuh. Sompamaeh Akuh aroko nguan iyoh, maka iroh aroko bodosa.#15:22 Oko duo komungkinan indan arti kolimat cotuh: 1) Sompamaeh Yesus aroko dombut, maka iroh arelu oko kosempatan ika aroko porocaya ma-Eh. Iroh arelu oko kosempatan ika bodosa ponah aang taiyoh. ATAWA 2) Sompamaeh Yesus aroko dombut, nyan ondo Mohotara momutus dulun co bujur atawa co sala daai, iroh lian mantun bahawa iroh aroko sadar ma dosan doh. Tapi makitu arelu oko taleh awi Yesus porahan dosan doh. Tapi makitu iroh arelu oko taleh bat indan dosan doh. 23Dulun co ngondolee Akuh, borati are ngondolee Tamang-Kuh. 24Akuh ocop nguan kawan alogawi nyan tohun-tohun iroh, kawan alogawi co arinai piji tongompian dulun bokon. Sompamaeh Akuh aroko nguan iyoh, maka iroh aroko bodosa. Tapi makitu oluco iroh ocop kito kokoieh yoh, iroh incah ngodolee Akuh hintang Tamang-Kuh. 25Tapi iyoh tojadi ina antun tatuh jarin konyataan. Antun tatuh tonulih ponah Hukum Torat, iyohonon ‘Iroh ngodolee Akuh oluco iroh arelu oko alasan.’#15:25 Ingkan buku Masmur 35:19 hintang 69:5.
26Akuh angar nyoruhan Pondohop indam me, iyohonon Roh co borasar ingkan Mohotara. Roh Mohotara co porahan kokon co buah. Are angar bosaksi tintun Akuh. 27Hintang ikan mahi sobulih bosaksi tintun Akuh awi ikan ocop halo Akuh ingkan kosulak polayanan-Kuh.
Επιλέχθηκαν προς το παρόν:
Yohanes 15: TBSS
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
Yohanes 15
15
Yesus ibarat eh batang angur awi Are iyohco sumer kobolum
15:1-17
1Opaiyoh Yesus mantun, “Akuh ibarat eh batang angur co bujur. Tamang-Kuh iyohco potani co nyorunuh imbun angur cioh. 2Sika daaieh co oko ma-Akuh co aroko mua, tonotok tomende Tamang-Kuh daan taiyoh. Tapi, sika daaieh co mua, tongorasih Tamang-Kuh ina daaieh yoh meleh simpot mua. 3Ikan ocop borasih awi ikan porocaya ajaran co tomantun-Kuh ma ikan. 4Ikan sobulih tenden hokohico ma Akuh, paluh Akuh angar tenden hokohico ma ikan. Amun daan aroko leket ma batang eh, maka daan taiyoh aroko lian mua. Isan iyoh ka, ikan aroko lian mua amun ikan aroko tenden leket ma Akuh.
5Akuh ibarat eh batang angur. Ikan ibarat eh kawan daaieh. Dulun sobulih tenden leket ma Akuh, paluh Akuh angar leket ma are. Ma sanioh, are angar nguan orong alogawi pio. Awi, amun ikan aroko leket ma Akuh, maka ikan aroko lian umpi ome-ome co pio. 6Kokon dulun co aroko hokohico ma Akuh, iroh isan kawan daan co tomende, paluh jarin kojang. Kawan daan isan iyoh angar tongumpur, tonapuk hia ponah apui, paluh tomapang. 7Ikan sobulih hokohico ma Akuh hintang ajaran-Kuh sobulih oko ponah atoi me. Amun sanioh, nyawot ome bewe co tonyau me, maka ikan angar norimaeh. 8Amun ikan nguan orong alogawi pio, maka ikan poleha ma dulun korinah koharat eh Tamang-Kuh. Ma sanioh, ikan bujur-bujur jarin kawan murid-Kuh.
9Isan Tama mongasihi Akuh, sanioh boh Akuh mongasihi ikan. Kojere boh ikan tenden bolum sobagai dulun co tomongasi-Kuh. 10Amun ikan tuhit ma kawan porentah-Kuh, Akuh angar tenden tomongasi ikan, samah isan Akuh ocop nuhit kawan porentah Tamang-Kuh, poko tului iyoh Are tenden mongasihi Akuh.
11Akuh mantun kokon onon ina kojorih jerah-Kuh oko ponah atoi me, paluh kojorih jerah me somporaka. 12Otuhboh porentah-Kuh, ikan sobulih hopomasi, samah isan Akuh tomongasi ikan. 13Dulun co poko tomongasi ma kawan sohabat eh iyohco dulun co selang matoi indan doh. 14Ikan iyohco kawan sohabat-Kuh amun ikan nguan kawan porentah co ihing-Kuh ma ikan. 15Akuh aroko bat nisi ikan ‘polayan’. Awi, dulun co polayan aroko monau ome co tomonggawi tuan eh. Tapi, Akuh nisi ikan ‘sohabat’. Awi, Akuh ocop mara ma ikan kokon aranaang co tongoneh-Kuh ingkan Tamang-Kuh. 16Aroko ikan co mili Akuh, tapi Akuhboh co mili ikan. Akuh nyoruhan ikan ina me tulak nguan orong alogawi pio, alogawi co dohon sumong kototahieh. Amun ikan nguan iyoh, maka Tamang-Kuh angar mihi indam me ome co tonyawot me ingkan Are ponah arang-Kuh. 17Otuhboh porentah co ihing-Kuh ma ikan: Ikan sobulih hopomasi.”
Kawan dulun nyan dunia co aroko porocaya angar ngodolee kawan murid Yesus
15:18-27
18“Amun kawan dulun nyan dunia ngodolee ikan, aroh hurong awi iroh meleh houn ngodolee Akuh. 19Sompamaeh ikan incah hokohico ma kawan dulun nyan dunia, mositi iroh tomongasi ikan sobagai tiroh. Tapi, ikan aroko hokohico ma kawan dulun nyan dunia. Akuh ocop mili ikan ingkan iroh. Iyoh tuluieh iroh ngodolee ikan. 20Mingatboh antun-Kuh tuh ma ikan batuh: Dulun co polayan aroko meleh tomohormat hangki tuan eh. Amun iroh ocop monganiaya Akuh, maka iroh mahi angar monganiaya ikan. Tapi amun iroh nontumun ajaran-Kuh, maka iroh mahi angar nontumun ajaran me. 21Kokoieh yoh angar tongompian doh ma ikan awi ikan iyohco murid-Kuh, mahi awi iroh aroko nyono Tamang-Kuh co nyoruhan Akuh. 22Akuh ocop dombut porapot ma iroh antun co buah ingkan Mohotara. Tapi iroh aroko porocaya ma-Akuh. Sompamaeh Akuh aroko nguan iyoh, maka iroh aroko bodosa.#15:22 Oko duo komungkinan indan arti kolimat cotuh: 1) Sompamaeh Yesus aroko dombut, maka iroh arelu oko kosempatan ika aroko porocaya ma-Eh. Iroh arelu oko kosempatan ika bodosa ponah aang taiyoh. ATAWA 2) Sompamaeh Yesus aroko dombut, nyan ondo Mohotara momutus dulun co bujur atawa co sala daai, iroh lian mantun bahawa iroh aroko sadar ma dosan doh. Tapi makitu arelu oko taleh awi Yesus porahan dosan doh. Tapi makitu iroh arelu oko taleh bat indan dosan doh. 23Dulun co ngondolee Akuh, borati are ngondolee Tamang-Kuh. 24Akuh ocop nguan kawan alogawi nyan tohun-tohun iroh, kawan alogawi co arinai piji tongompian dulun bokon. Sompamaeh Akuh aroko nguan iyoh, maka iroh aroko bodosa. Tapi makitu oluco iroh ocop kito kokoieh yoh, iroh incah ngodolee Akuh hintang Tamang-Kuh. 25Tapi iyoh tojadi ina antun tatuh jarin konyataan. Antun tatuh tonulih ponah Hukum Torat, iyohonon ‘Iroh ngodolee Akuh oluco iroh arelu oko alasan.’#15:25 Ingkan buku Masmur 35:19 hintang 69:5.
26Akuh angar nyoruhan Pondohop indam me, iyohonon Roh co borasar ingkan Mohotara. Roh Mohotara co porahan kokon co buah. Are angar bosaksi tintun Akuh. 27Hintang ikan mahi sobulih bosaksi tintun Akuh awi ikan ocop halo Akuh ingkan kosulak polayanan-Kuh.
Επιλέχθηκαν προς το παρόν:
:
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε