Mateo 1
1
Listaan nu Kaapo-apuwan ni Jesu-Cristo
(Lukas 3:23-38)
1Sa iye i listaanay nu kaapo-apuwan#1:1 U listaan nu kaapo-apuwan ay importante a tahod tu Judio hide. Ti Abraham sakay ti Hari David u dipalango a kinagi he dipo hide u pinakatanyag a kaapo-apuwan nu Judo hide. Tukoy nu Judio hide a u Tagapagligtas ay gábwat tu lahe ni Abraham, Isaac, Jacob sakay Hari David. Nikuna inampun ni Jose ti Jesus ay nagkahod ti Jesus ti karapatan a magin lahe ni Hari David. U pangkaraniwan a nelista ay u anak la hide a lállake. ni Jesu-Cristo a lahe ni (Hari a) David sakay ni Abraham. 2Ti Abraham i amaay ni Isaac sakay ti Isaac be i amaay ni Jacob. Ti Jacob be u ama ni Juda sakay tu kákkapatkákka na hide a lállake. 3Nagin anak ni Juda sakay ni Tamar di Fares sakay ti Zara. Ti Fares i amaay ni Esrom sakay ti Esrom be u ama ni Aram. 4Sakay ti Aram i amaay ni Aminadab sakay ti Aminadab u ama be ni Naason sakay ti Naason u ama be ni Salmon. 5Nagin anak ni Salmon sakay ni Rahab ti Booz tapos nagin anak be ni Booz sakay ni Ruth ti Obed. Sakay ti Obed i amaay ni Jesse 6a ama ni Hari a David.
Nadid nagin anak ni Hari a David ti Solomon sakay u ina na ay u nabilowan ni Urias.#1:6 Ti Bat-seba u nabilowan ni Urias, basaan tu 2 Samuel 11. 7Sakay ti Solomon i amaay ni Roboam sakay ti Roboam u ama be ni Abias sakay ti Abias u ama be ni Asa. 8Sakay ti Asa i amaay ni Josafat sakay ti Josafat u ama be ni Joram sakay ti Joram u ama be ni Ozias. 9Sakay ti Ozias i amaay ni Jotam sakay ti Jotam u ama be ni Acaz sakay ti Acaz u ama be ni Ezequias. 10Ti Ezequias i amaay ni Manases sakay ti Manases u ama be ni Amos sakay ti Amos u ama be ni Josias. 11Sakay ti Josias i amaay ni Jeconias sakay tu kákkapatkákka na hide. Neenak dán hide bagu tu panahun a pinuwersa a inyangay nu taga Babilonia u Israelita hide tu bansa de.
12Nadid káttapos nu panahun nu pángpuwersa a kákkeangay#1:12 Pito a pulo a taon a nagyan u Israelita hide ti Babilonia. nu Israelita hide ti Babilonia ay nagin anak ni Jeconias ti Salatiel sakay ti Salatiel u ama be ni Zorobabel. 13Sakay ti Zorobabel i amaay ni Abiud sakay ti Abiud be u ama ni Eliaquim sakay ti Eliaquim be u ama ni Azor. 14Sakay ti Azor i amaay ni Sadoc sakay ti Sadoc u ama be ni Aquim sakay ti Aquim u ama be ni Eliud. 15Sakay ti Eliud i amaay ni Eleazar sakay ti Eleazar u ama be ni Matan sakay ti Matan u ama be ni Jacob. 16Sakay ti Jacob i amaay ni Jose a kabanga ni Maria. Ti Maria i inaay ni Jesus u nginahanan a Cristo.#1:16 U kahulugan nu ngahan a Cristo ay U Pinili nu Diyos a Tagapagligtas.
17Kanya te 14 a salin lahe sapul ni Abraham hanggan ni David. Sakay 14 be a salin lahe a sapul ni David hanggan tu panahon nu puwersa a kákkeangay nu Israelita hide ti Babilonia. Sakay te 14 be a salin lahe sapul tu puwersa a kákkeangay ti Babilonia hanggan ni Cristo.
U Kákkaenak ni Jesu-Cristo
(Lukas 2:1-7)
18Nadid konna he i istoryaay nu kákkaenak ni Jesu-Cristo: Ti Maria a ina ni Jesus sakay ti Jose ay nasakad dán. Pero bagu hide a nagagum ay nagbuktet ti Maria tu pamamagitan nu kapangyariyan nu Banal a Ispiritu. 19Nikuna natukuyan iye nu magin kabanga ni Maria a ti Jose, ay nagplano siya a uhunán sakay hiwalayan ti Maria ti lihim dipo umád siya a mapasanike ti Maria tu kakpalan. Ginimet iye ni Jose dipo essa siya a malinis a tolay. 20Pero nikuna a nabuo dán tu isip na a gimitán iye ay pinumeta u essa a anghel nu Panginoon nikuna tu tagináp na. Kinagi nu anghel nikuna, “Jose a lahe ni David, dyan ka magduwaduwa a mangkabanga ni Maria, dipo u anak a katoy tu tiyan na ay gimet nu kapangyariyan nu Banal a Ispiritu. 21Magenak siya ti essa a lállake, u ingahan mo nikuna ay Jesus dipo siya u mángligtas tu tolay na hide tu kaparusaan nu kasalanan de.”
22Atananan iye ay nangyari para matupad u kinagi nu Panginoon tu tolay tu itod tu pamamagitan nu propeta na. 23I kinagi naay ay “Ilengán moy! Magbuktet u essa a madiket sakay magenak ti essa a lállake. Sakay u magin ngahan na ay Emmanuel.” (U kahulugan nu ngahan na ay “Kakaguman tam u Diyos.”#1:23 Basaan u Isaias 7:14)
24Nikuna a nalukag ti Jose ay sinunud na u utos nu anghel nu Panginoon. Kinabanga na ti Maria. 25Pero awan dinuhog ni Jose ti Maria hanggan awan siya nagenak. Nagenak ti Maria ti lállake sakay nginahanan#1:25 Ti kaugaliyan nu Judio hide ay atádden de ti ngahan u bigu a neenak tu kawalo a aldew. ni Jose u anak a Jesus.
Επιλέχθηκαν προς το παρόν:
Mateo 1: MBJC
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
Pahanan Agta New Testament © Philippine Bible Society and Wycliffe Bible Translators, Inc., 2017.
Mateo 1
1
Listaan nu Kaapo-apuwan ni Jesu-Cristo
(Lukas 3:23-38)
1Sa iye i listaanay nu kaapo-apuwan#1:1 U listaan nu kaapo-apuwan ay importante a tahod tu Judio hide. Ti Abraham sakay ti Hari David u dipalango a kinagi he dipo hide u pinakatanyag a kaapo-apuwan nu Judo hide. Tukoy nu Judio hide a u Tagapagligtas ay gábwat tu lahe ni Abraham, Isaac, Jacob sakay Hari David. Nikuna inampun ni Jose ti Jesus ay nagkahod ti Jesus ti karapatan a magin lahe ni Hari David. U pangkaraniwan a nelista ay u anak la hide a lállake. ni Jesu-Cristo a lahe ni (Hari a) David sakay ni Abraham. 2Ti Abraham i amaay ni Isaac sakay ti Isaac be i amaay ni Jacob. Ti Jacob be u ama ni Juda sakay tu kákkapatkákka na hide a lállake. 3Nagin anak ni Juda sakay ni Tamar di Fares sakay ti Zara. Ti Fares i amaay ni Esrom sakay ti Esrom be u ama ni Aram. 4Sakay ti Aram i amaay ni Aminadab sakay ti Aminadab u ama be ni Naason sakay ti Naason u ama be ni Salmon. 5Nagin anak ni Salmon sakay ni Rahab ti Booz tapos nagin anak be ni Booz sakay ni Ruth ti Obed. Sakay ti Obed i amaay ni Jesse 6a ama ni Hari a David.
Nadid nagin anak ni Hari a David ti Solomon sakay u ina na ay u nabilowan ni Urias.#1:6 Ti Bat-seba u nabilowan ni Urias, basaan tu 2 Samuel 11. 7Sakay ti Solomon i amaay ni Roboam sakay ti Roboam u ama be ni Abias sakay ti Abias u ama be ni Asa. 8Sakay ti Asa i amaay ni Josafat sakay ti Josafat u ama be ni Joram sakay ti Joram u ama be ni Ozias. 9Sakay ti Ozias i amaay ni Jotam sakay ti Jotam u ama be ni Acaz sakay ti Acaz u ama be ni Ezequias. 10Ti Ezequias i amaay ni Manases sakay ti Manases u ama be ni Amos sakay ti Amos u ama be ni Josias. 11Sakay ti Josias i amaay ni Jeconias sakay tu kákkapatkákka na hide. Neenak dán hide bagu tu panahun a pinuwersa a inyangay nu taga Babilonia u Israelita hide tu bansa de.
12Nadid káttapos nu panahun nu pángpuwersa a kákkeangay#1:12 Pito a pulo a taon a nagyan u Israelita hide ti Babilonia. nu Israelita hide ti Babilonia ay nagin anak ni Jeconias ti Salatiel sakay ti Salatiel u ama be ni Zorobabel. 13Sakay ti Zorobabel i amaay ni Abiud sakay ti Abiud be u ama ni Eliaquim sakay ti Eliaquim be u ama ni Azor. 14Sakay ti Azor i amaay ni Sadoc sakay ti Sadoc u ama be ni Aquim sakay ti Aquim u ama be ni Eliud. 15Sakay ti Eliud i amaay ni Eleazar sakay ti Eleazar u ama be ni Matan sakay ti Matan u ama be ni Jacob. 16Sakay ti Jacob i amaay ni Jose a kabanga ni Maria. Ti Maria i inaay ni Jesus u nginahanan a Cristo.#1:16 U kahulugan nu ngahan a Cristo ay U Pinili nu Diyos a Tagapagligtas.
17Kanya te 14 a salin lahe sapul ni Abraham hanggan ni David. Sakay 14 be a salin lahe a sapul ni David hanggan tu panahon nu puwersa a kákkeangay nu Israelita hide ti Babilonia. Sakay te 14 be a salin lahe sapul tu puwersa a kákkeangay ti Babilonia hanggan ni Cristo.
U Kákkaenak ni Jesu-Cristo
(Lukas 2:1-7)
18Nadid konna he i istoryaay nu kákkaenak ni Jesu-Cristo: Ti Maria a ina ni Jesus sakay ti Jose ay nasakad dán. Pero bagu hide a nagagum ay nagbuktet ti Maria tu pamamagitan nu kapangyariyan nu Banal a Ispiritu. 19Nikuna natukuyan iye nu magin kabanga ni Maria a ti Jose, ay nagplano siya a uhunán sakay hiwalayan ti Maria ti lihim dipo umád siya a mapasanike ti Maria tu kakpalan. Ginimet iye ni Jose dipo essa siya a malinis a tolay. 20Pero nikuna a nabuo dán tu isip na a gimitán iye ay pinumeta u essa a anghel nu Panginoon nikuna tu tagináp na. Kinagi nu anghel nikuna, “Jose a lahe ni David, dyan ka magduwaduwa a mangkabanga ni Maria, dipo u anak a katoy tu tiyan na ay gimet nu kapangyariyan nu Banal a Ispiritu. 21Magenak siya ti essa a lállake, u ingahan mo nikuna ay Jesus dipo siya u mángligtas tu tolay na hide tu kaparusaan nu kasalanan de.”
22Atananan iye ay nangyari para matupad u kinagi nu Panginoon tu tolay tu itod tu pamamagitan nu propeta na. 23I kinagi naay ay “Ilengán moy! Magbuktet u essa a madiket sakay magenak ti essa a lállake. Sakay u magin ngahan na ay Emmanuel.” (U kahulugan nu ngahan na ay “Kakaguman tam u Diyos.”#1:23 Basaan u Isaias 7:14)
24Nikuna a nalukag ti Jose ay sinunud na u utos nu anghel nu Panginoon. Kinabanga na ti Maria. 25Pero awan dinuhog ni Jose ti Maria hanggan awan siya nagenak. Nagenak ti Maria ti lállake sakay nginahanan#1:25 Ti kaugaliyan nu Judio hide ay atádden de ti ngahan u bigu a neenak tu kawalo a aldew. ni Jose u anak a Jesus.
Επιλέχθηκαν προς το παρόν:
:
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
Pahanan Agta New Testament © Philippine Bible Society and Wycliffe Bible Translators, Inc., 2017.