Mat 2
2
Bangaa-madyeele bayende kweemono Yesu
1Yesu wabutuka ku Beteleemi dya Yudaya, mu ntaangu yiri Erode mbyaasi. Mono, bangaa-madyeele bafumini ku mpele ya este bayisa ku Yerusalemi. 2Baleele ti: «Mbyaasi Bayudayo yibutukiryee kuri kari? Bukuri beetu twamwiini mbwetete yaandi, ku palilaa ntaangu, ngo twiisiri mu kumusaambila.» 3Mbyaasi Erode kayukaa bubwo, mutima wasa mambaawu na Yerusalemi dyodinso se. 4Nde kakutukisaa bakuutu ba bangaa-nzaambi, na batini ba mangisi ba kaanda, wabafuula ku butukiryee Kiristo. 5Bo bamuleele ti: «Ku Beteleemi dya Yudaya, bukuri mubikiri watinini bumabu ti:
6"Ye Beteleemi mu nsi ya Yudaya,
ye wuri kwaandi bvula dibvuriri buntele
mu mabvula mamanene mari mu Yudaya ko;
bukuri mu ye mu palila mutwaalisi,
wutwaalisa kaanda dyaami, Isaheli."»
7Hanaho, Erode kateelaa bangaa-madyeele munsweeki, wasaka kuyaaba nadededee kuri bo ntaangu ya monikini mbwetete. 8Nde wabasindika ku Beteleemi waleele ti: «Lumana kweende lo sakee kuyaaba nadededee mitariri mwaana. Bu lumeeni na kumudzuukila, yaabisee me mpisi me se nyeende mu kumusaambila.»
9Bo bamanaa kuyuka mya leeriri mbyaasi bayende, na mono, mbwetete yi bamwii ku palilaa ntaangu, yaba kweyendaana ku mankula ma bo, natee ye teleme ha kisusungu na haba mwaana. 10Bu bamono mbwetete, bo bakeembe mu kiminu nkati kyakinene. 11Bakotaa mu nzo, bamwiini mwaa-mwaana wansoombo, na Mariya nguri yaandi. Bo batsukuma na bamusaambila; tumi badzibulaa bisweekulu bya bo, bamuheeri bikabu: woolo, libano, na mire. 12Bo babalubula mu ndosi, mu kuhele kubvutukila kuri Erode. Bo baholo nzila yikimi mu kweende ku bula bwaaku.
Nyitukulu ku Ngipiti
13Bangaa-madyeele bamanaa kubvutuka, mono, mbasi ya Mfumu yamonokono kuri Yosefi mu ndosi, yamuleele ti: «Teleme, holo mwaana na nguri yaandi, na yitika ku Ngipiti, dzakala kukwo, natee ku nyikuleele me; bukuri Erode weki mu kiteesu kya kusaka mwaana mpisi kamudzusa.» 14Nde katelemaa bunu butsuku bubwo, horiri mwaana na nguri yaandi, na wayende kweesweeme ku Ngipiti. 15Nde wadzakala kukwo natee kwafwiiri Erode; mpisi heki ma leeriri Mfumu mu munwa mubikiri meende mu mana, ti: «Me nyateele mwaana waami mu kupala mu Ngipiti.»
Erode wadzusa mwaa-baala
16Erode kamonaa ti bangaa-madyeele bamuwunini, nde wabaka nkesi dzamakwa, na waheeke baatu mu kweedzusa mwaa-baala bobanso bari ku Beteleemi na bari mu nkoonsi yoyinso, ba mvula dzoolo natee ku nsuku, bunu bwaba bwayelemene na ntaangu yi bamutswikisiri kuri bangaa-madyeele. 17Haho ma leeriri mubikiri Yelemiya mayende mu mana, ti:
18«Mbeembu mosi ku yayukukini ku Lama,
bidilu na minyoongi myalaka.
Lakele wuri mu kudila baala baandi,
na wabisa ti bamuboondo, bukuri baala beki bo pe.»
Mpalulu ku Ngipiti
19Erode kamanaa kufwa, mbasi ya Mfumu yamonokono Yosefi mu ndosi ku Ngipiti, 20yaleele kuri nde ti: «Teleme, holo mwaana na nguri yaandi, na bvutuka ku nsi ya Isaheli, bukuri babo baba sakaa kudzusa mwaa-mwaana bamwaafwa.» 21Nde katelemaa, neeti mwaana na nguri mwaana, na wakoto ku nsi ya Isaheli. 22Yosefi kayukaana ti Arkelaho wuri mu kutuma nsi ya Yudaya, ha kibeendu kya Erode taayi dyaandi, wamono boomo mu kweende kukwo. Bamulubula mu ndosi, nde wayende kweesweeme mu nkoonsi ya Ngalili. 23Bu katubuka, nde wadzakala ku bvula dya Nadzareti, mpisi heki ma leeriri babikiri meende mu mana, ti: «Sa bamuteele ti wa ku Nadzareti.»
Επιλέχθηκαν προς το παρόν:
Mat 2: MW2013
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
Nouveau Testament Beembe © Bible Society of the Republic of Congo, 2013.
Mat 2
2
Bangaa-madyeele bayende kweemono Yesu
1Yesu wabutuka ku Beteleemi dya Yudaya, mu ntaangu yiri Erode mbyaasi. Mono, bangaa-madyeele bafumini ku mpele ya este bayisa ku Yerusalemi. 2Baleele ti: «Mbyaasi Bayudayo yibutukiryee kuri kari? Bukuri beetu twamwiini mbwetete yaandi, ku palilaa ntaangu, ngo twiisiri mu kumusaambila.» 3Mbyaasi Erode kayukaa bubwo, mutima wasa mambaawu na Yerusalemi dyodinso se. 4Nde kakutukisaa bakuutu ba bangaa-nzaambi, na batini ba mangisi ba kaanda, wabafuula ku butukiryee Kiristo. 5Bo bamuleele ti: «Ku Beteleemi dya Yudaya, bukuri mubikiri watinini bumabu ti:
6"Ye Beteleemi mu nsi ya Yudaya,
ye wuri kwaandi bvula dibvuriri buntele
mu mabvula mamanene mari mu Yudaya ko;
bukuri mu ye mu palila mutwaalisi,
wutwaalisa kaanda dyaami, Isaheli."»
7Hanaho, Erode kateelaa bangaa-madyeele munsweeki, wasaka kuyaaba nadededee kuri bo ntaangu ya monikini mbwetete. 8Nde wabasindika ku Beteleemi waleele ti: «Lumana kweende lo sakee kuyaaba nadededee mitariri mwaana. Bu lumeeni na kumudzuukila, yaabisee me mpisi me se nyeende mu kumusaambila.»
9Bo bamanaa kuyuka mya leeriri mbyaasi bayende, na mono, mbwetete yi bamwii ku palilaa ntaangu, yaba kweyendaana ku mankula ma bo, natee ye teleme ha kisusungu na haba mwaana. 10Bu bamono mbwetete, bo bakeembe mu kiminu nkati kyakinene. 11Bakotaa mu nzo, bamwiini mwaa-mwaana wansoombo, na Mariya nguri yaandi. Bo batsukuma na bamusaambila; tumi badzibulaa bisweekulu bya bo, bamuheeri bikabu: woolo, libano, na mire. 12Bo babalubula mu ndosi, mu kuhele kubvutukila kuri Erode. Bo baholo nzila yikimi mu kweende ku bula bwaaku.
Nyitukulu ku Ngipiti
13Bangaa-madyeele bamanaa kubvutuka, mono, mbasi ya Mfumu yamonokono kuri Yosefi mu ndosi, yamuleele ti: «Teleme, holo mwaana na nguri yaandi, na yitika ku Ngipiti, dzakala kukwo, natee ku nyikuleele me; bukuri Erode weki mu kiteesu kya kusaka mwaana mpisi kamudzusa.» 14Nde katelemaa bunu butsuku bubwo, horiri mwaana na nguri yaandi, na wayende kweesweeme ku Ngipiti. 15Nde wadzakala kukwo natee kwafwiiri Erode; mpisi heki ma leeriri Mfumu mu munwa mubikiri meende mu mana, ti: «Me nyateele mwaana waami mu kupala mu Ngipiti.»
Erode wadzusa mwaa-baala
16Erode kamonaa ti bangaa-madyeele bamuwunini, nde wabaka nkesi dzamakwa, na waheeke baatu mu kweedzusa mwaa-baala bobanso bari ku Beteleemi na bari mu nkoonsi yoyinso, ba mvula dzoolo natee ku nsuku, bunu bwaba bwayelemene na ntaangu yi bamutswikisiri kuri bangaa-madyeele. 17Haho ma leeriri mubikiri Yelemiya mayende mu mana, ti:
18«Mbeembu mosi ku yayukukini ku Lama,
bidilu na minyoongi myalaka.
Lakele wuri mu kudila baala baandi,
na wabisa ti bamuboondo, bukuri baala beki bo pe.»
Mpalulu ku Ngipiti
19Erode kamanaa kufwa, mbasi ya Mfumu yamonokono Yosefi mu ndosi ku Ngipiti, 20yaleele kuri nde ti: «Teleme, holo mwaana na nguri yaandi, na bvutuka ku nsi ya Isaheli, bukuri babo baba sakaa kudzusa mwaa-mwaana bamwaafwa.» 21Nde katelemaa, neeti mwaana na nguri mwaana, na wakoto ku nsi ya Isaheli. 22Yosefi kayukaana ti Arkelaho wuri mu kutuma nsi ya Yudaya, ha kibeendu kya Erode taayi dyaandi, wamono boomo mu kweende kukwo. Bamulubula mu ndosi, nde wayende kweesweeme mu nkoonsi ya Ngalili. 23Bu katubuka, nde wadzakala ku bvula dya Nadzareti, mpisi heki ma leeriri babikiri meende mu mana, ti: «Sa bamuteele ti wa ku Nadzareti.»
Επιλέχθηκαν προς το παρόν:
:
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
Nouveau Testament Beembe © Bible Society of the Republic of Congo, 2013.