<div class="version vid993 iso6393aso" data-vid="993" data-iso6393="aso">
   <div class="book bkACT">
      <div class="chapter chINTRO1" data-usfm="ACT.INTRO1">
         <div class="imt"><span class="content">Aposolo Gono Di Minani' Monovomu' Gomu' Gataa' Gamazi</span></div><div class="ip"><span class="content">Aposolo Gono Di Minani' Monovo gizive nene gulive've gizamine' ve. Ne'mine ogani' neine'za evene' malite lisa gomu' aka'milati' Luka' gizine' ve lani' ve. Ti' li lani'za mono' godolou' nene Luka'nimu' ei' monovo danava've vai' lamani' ve. Ne'mine ani'za Paulo' ne'mo Zuda ve minamine' tota ve minine' ve line'. Ido' Paulo' aza Timoteo'ni luhuvo nite' naba 2 gize-dingu' nene Lukakisi maka' nosive lo gizine' ve. Ido' a'mine luhuvo nite' nene Paulo' nala' numungu' mino gizine' ma gele none' ma neive. A'midoti' gamene ha'na minamivo Loma vete bili hilani' ve. Olihe bili hilamavo ebe' ebeku' ha nomonivo inite' mata' soto' inekumukisi ido' aposololite gono di minani' monovomukisi asi've Luka' gizingu' nene Paulokisi maka' monusive lo gizine' ve.</span></div><div class="ip"><span class="content">Luka' ne'mo luhuvo nite' ve naba Teohilo'ni buku sita' gize-dine'. Ma bukuu' nene Izesu' ogo molo ine' initekumu' nene gizo gize do lemo lumola nene O'moso'mo Izesu'ni Okulumoku' do dizo vine' nemu' gizine' ve.</span></div><div class="ip"><span class="content">Ido' luhuvo nite' gohi ma gizine' nene aposololite gono di minani' monovo nene gizine'. Aposolo gono dani' monovo api' ogo gizida nene O'moso'mo Izesu'ni Okulumoku' do dizo vine' nemu' gohi gizine' ve. Ido' a'midoti' nene O'moso'mo lo huko line' gamazi nene ha salani moloko Sikalahu' nene eletavo lemo Izesu'ni gili imi gelekele' i-di minaa' ani' aleve minangu' nene vovo'ningu' mino inite' ogo molo minelive lo ne'mine ine' nemu' gizine' ve. Ido' Sikalahu' ne'mo hize ele' o-ngidivo aposolo linge ma nete igi mili ani' inite' linge ma nemukisi gizine' ve. Aposolo gono muki' dani' nemukisi ma lo soto' amine' ve. Aposolo nete Izesu' line' gamazimu' gelekele' ani' nene mone mone igi Zelusalemi numuno ebeku' ei' gamazi've nene li-ngimi ngimi' ani' nemu' gizine' ve. Ido' Zudaia misubou' Zelusalemi numuno ebe' ne'mo misubo hela hela miningu' ne li-ngimi ido' misubo ma gulive Samalia neu' nesi nene moni Izesu'nimu' gamazi lamine' nene li-ngimani' ve. Izesu' olihe amivo nene Zuda ve nete O'moso'mi gamazi lamine' nene engikumukovo' nehe li gilii ido' evene' Zuda ve minamani' muki' nene O'moso'mi zuho nizamave li gilani'za Luka' gizingu' nene O'moso'mo ei' gamazi've di vi Zuda ve minamani' heta ato' ve minani' nesi li-ngimilisive lo Paulongi Petolongi lo-ngidine' nemu' gizine' ve. Ido' Paulo' ebe' mukiku' Izesu' gamazi've nene do monine' nemukisi gizine' ve. Gize do vo lumola nene Paulo' numuno ebe' naba ma gulive Loma nela vine' nemu' gizine' ve. A'mine Loma nene Loma veti guve'inesi ve naba ne'mo gizebo ine' misubou' numuno ebe' minani' nene ngivile' ogosa minine' ve. Ido' a'mida Paulo' nene gamazi lamine' nesi lo-ngimine' ve.</span></div><div class="ip"><span class="content">Aposolo Gono Di Minani' Monovo gateline' nene numuno ebe' ido' misubo mukikumu' ne gatelesane. Ido' misubo'mi mapi me buku'mi mehenela neingu' mene ningeline' nene a'mine misubo ma ne neize ido' ne numuno ebe' ma ne neize lo ninge lamine' olosane.</span></div>
      </div>
   </div>
</div>

Aposolo Gono Di Minani' Monovomu' Gomu' Gataa' Gamazi
Aposolo Gono Di Minani' Monovo gizive nene gulive've gizamine' ve. Ne'mine ogani' neine'za evene' malite lisa gomu' aka'milati' Luka' gizine' ve lani' ve. Ti' li lani'za mono' godolou' nene Luka'nimu' ei' monovo danava've vai' lamani' ve. Ne'mine ani'za Paulo' ne'mo Zuda ve minamine' tota ve minine' ve line'. Ido' Paulo' aza Timoteo'ni luhuvo nite' naba 2 gize-dingu' nene Lukakisi maka' nosive lo gizine' ve. Ido' a'mine luhuvo nite' nene Paulo' nala' numungu' mino gizine' ma gele none' ma neive. A'midoti' gamene ha'na minamivo Loma vete bili hilani' ve. Olihe bili hilamavo ebe' ebeku' ha nomonivo inite' mata' soto' inekumukisi ido' aposololite gono di minani' monovomukisi asi've Luka' gizingu' nene Paulokisi maka' monusive lo gizine' ve.
Luka' ne'mo luhuvo nite' ve naba Teohilo'ni buku sita' gize-dine'. Ma bukuu' nene Izesu' ogo molo ine' initekumu' nene gizo gize do lemo lumola nene O'moso'mo Izesu'ni Okulumoku' do dizo vine' nemu' gizine' ve.
Ido' luhuvo nite' gohi ma gizine' nene aposololite gono di minani' monovo nene gizine'. Aposolo gono dani' monovo api' ogo gizida nene O'moso'mo Izesu'ni Okulumoku' do dizo vine' nemu' gohi gizine' ve. Ido' a'midoti' nene O'moso'mo lo huko line' gamazi nene ha salani moloko Sikalahu' nene eletavo lemo Izesu'ni gili imi gelekele' i-di minaa' ani' aleve minangu' nene vovo'ningu' mino inite' ogo molo minelive lo ne'mine ine' nemu' gizine' ve. Ido' Sikalahu' ne'mo hize ele' o-ngidivo aposolo linge ma nete igi mili ani' inite' linge ma nemukisi gizine' ve. Aposolo gono muki' dani' nemukisi ma lo soto' amine' ve. Aposolo nete Izesu' line' gamazimu' gelekele' ani' nene mone mone igi Zelusalemi numuno ebeku' ei' gamazi've nene li-ngimi ngimi' ani' nemu' gizine' ve. Ido' Zudaia misubou' Zelusalemi numuno ebe' ne'mo misubo hela hela miningu' ne li-ngimi ido' misubo ma gulive Samalia neu' nesi nene moni Izesu'nimu' gamazi lamine' nene li-ngimani' ve. Izesu' olihe amivo nene Zuda ve nete O'moso'mi gamazi lamine' nene engikumukovo' nehe li gilii ido' evene' Zuda ve minamani' muki' nene O'moso'mi zuho nizamave li gilani'za Luka' gizingu' nene O'moso'mo ei' gamazi've di vi Zuda ve minamani' heta ato' ve minani' nesi li-ngimilisive lo Paulongi Petolongi lo-ngidine' nemu' gizine' ve. Ido' Paulo' ebe' mukiku' Izesu' gamazi've nene do monine' nemukisi gizine' ve. Gize do vo lumola nene Paulo' numuno ebe' naba ma gulive Loma nela vine' nemu' gizine' ve. A'mine Loma nene Loma veti guve'inesi ve naba ne'mo gizebo ine' misubou' numuno ebe' minani' nene ngivile' ogosa minine' ve. Ido' a'mida Paulo' nene gamazi lamine' nesi lo-ngimine' ve.
Aposolo Gono Di Minani' Monovo gateline' nene numuno ebe' ido' misubo mukikumu' ne gatelesane. Ido' misubo'mi mapi me buku'mi mehenela neingu' mene ningeline' nene a'mine misubo ma ne neize ido' ne numuno ebe' ma ne neize lo ninge lamine' olosane.

Listen to Aposolo' Aposolo Gono Di Minani' Monovomu' Gomu' Gataa' Gamazi