Popular Bible Verses from Luk 12

Share

Kunu okwe ma ku hambwafwa'aisini ku da. Dori Hima ri Che tano gisi kunu ku hikisandau.”

Woro metengei naha ka tini ma wo: Gotri aulindau kwambu ti ma ku wakinehei. Wowa dele mwa'ambwe hinga Gotri o kunu hakonda.

Wosini ya wunu ri sawe, “Kunu kipe naha ku hambwafwa'ai! Apa ya mwa'ambwe ti keke ku okokona kei. Hinde wowani, hima fori ya mwa'ambwe miyafo naha dau ti, apa ele ya mwa'ambwe rihi ki ete da ete da himamwale kipe hinde ri toro kumbwa.”

Ele mwa'ambwe kipe kuhi dau ko kumbwa inaka kuhi okwe o ko ki ya da.

E, kui nindo tiki hima fori inaka tenge miyafo ri hambwani, apa ri inaka ki himamwale rihi tini kamindache ri ai ondiyasiwa gisi gamwe ga ino'o?

Wosini Jisas ri himache leni ya ri sawe, “O keke kunu a sawendau, apa himamwale kunu andosino ti keke ku hambwani ete ku sawe kei, ‘Ka bwele ahirahi ni nu ano?’ E, kui hima tape ti keke inaka miyafo ku hambwani apa ete ku sawe kei, ‘Ka bwele nika'ari ni nu sini hima tape nuhi ti nu ichakino?’

Rini kui mwa nimbi tinda ete ri gendisindau. O keke kunu apa aki kei. Kunu kale raisi'apwe cheche leni ku dikisindau.

“Kunu dele ai fe che asa che, kunu apa aki kei. Kui Yapai eripe'aripeni aulindau kwambu rihi ti o kunu ri hakonda.

Kale niri pe apwe ni ma ku hambwa. Wunu witi ti wu sindani ahirahi mwe ti wu waunda nambwe. Wunu ahirahi ni oweno aka wuhi nambwe. Woro Gotri to ahirahi ti nimba wunu yakwandau. Woro kunu himiyama hurahama le apwe leni funda ete ku dikisindau.

O keke apa inaka tenge miyafo ku hambwani ete ku sawe kei, ahirahi ga uku sumbwe ga bwele ni ku ano. Apa o tini inaka miyafo ku hambwa kei.

Ei mwe naha, apa ele fuku tiki saindau ki le icheki hinga wu yekutoni hi tiki wu humbwewa uno, woro kale ki tapa miya hinga ti Gotri to wariko kipe wunu hani nimba wunu ri enependau. O tini ma ku hambwa, Gotri kipe naha o kunu ri enependakonda. Kunu sembe ku haro ti, kui sembe ha sumbu kapwacheche naha!

Ele sumbu hinga tinda ete wu ichakisiwani dau ti amwei sukwano. Wowa ele yanisiro sumbu ti hima le ya wu hambwakonda.