Popular Bible Verses from MATHAIIN 24

Share

Hanuk minzik nok ei pung sika mi atam riai anditna dai inti. Tenchu ahek tenpeia angir tita a om tak chu ama ha zok inti.

Hatuka nam dora koma anriat ranga a ram hi Thangahui ramual dorana lan ril inti hanke ei la hek rang.

Hatuka anduina chong le anduina thang re u na ti en u ro, anngui u no ro asik chu hiva ngai hi ei ni nget rang. Ten havan um la hek no ni.

Asik chu nam le nam ram le ram lan dui inti. Hatuka muntina maitam le ninu hong inti. Tenchu hava ngai dora ha antak ei phut phing ke.

Anvan le phil hekin ti, ten ka chong anpei pial no ni.

Asik chu ka raming a zuara hong inti, ‘Koi hi ha Krista,’ antin ti hatuka mi tampa huang inti.

“Hatik han min antak ranga na pe unti na that unti hatuka ka raming sika nam doran na mumak unti. Hanuk hava lai tak han mi tam a malung ni no ni angkhatin atei khat mansur inti angkhatin atei mumak inti. Hatuka achan deari rathol suaka mi tampa huang inti.

Isuan hangai ha a masanga ei ti, “En u ro, min na huang u ni.

Hava rang ha ansin u ro, na malunga ahun nei ti u nok na han, hava han Miring Sapa hong inti.

“Hasik han menga om u ro, asik chu na Puma u itikmo ei hong rang re u mak che.

“Tenchu ha nikhua zoro rui tuten re mak vanpalai ngaiin um, Naipasalin um remak; Pa rong ke ariat.

Asik chu Krista rothol le deari rathol ngai anthui inti. Hatuka andangna lian pangai, changdongna pangai, riat theina manmu inti athei ten anthang ngai tena huang inti.

Ataka Nova hun lai hontinmo ei ni ha hantin den Miring Sapa ahong tik um ni inti. Asik chu tilian sang mana rakuanga Nova alut nikhua tenpei min asak anek ei tho, nungak ei lak ruathar ei lak. Hatuka rethei u mak tiliana aloma atana anning zit u maseng.Hantin han Miring Sapam hong inti.