Popular Bible Verses from GÉNESIS 28

Share

Ñoqaqa qanwanmi kashani, mayta riqtiykipas waqaychasqaykin, hinaspan kay hallp'aman pusampusqayki, manan saqerparisqaykichu qanman nisqayta hunt'anaykama, nispa.

Hinallataq rikurqan Señor Diosqa qayllanpi sayashasqanta, paymi nirqan: Ñoqan Señor Diosqa kani, machulayki Abrahampa Diosnin. Kay puñusqayki hallp'atan qanman qosqayki, hinallataq mirayniykimanpas.

Jacobtaq puñusqanmanta rikch'arirqan, hinaspan nirqan: Kaypipunin Señor Diosqa kashan ñoqataq chayta mana yacharqanichu, nispa.

Hinaspan Jacobqa prometekurqan: Ñoqawanchus Dios kanqa, kay risqaypipas waqaychawanqa, t'antatapas mikhunaypaq qowanqa, p'achatapas p'achakunaypaq, taytaypa wasintapas allillan kutipusaq chayqa, Señor Diosmi Diosniy kanqa. Kay saywa rumi churasqaypitaq Diosta yupaychanqaku, lliw imapas qowasqaykimantataq diezmota qosqayki, nispa.

Mirayniykin kanqa ñut'u hallp'a hina, hinan teqsimuyuntinman ch'eqeykunqaku, kay pacha lliw ayllukunan “paykunata hina saminchawayku”, ninqaku.

Hinaspanmi chay cheqasta suticharqan Betelta, ñawpaqqa chay llaqtaq sutinqa Luz nisqan karqanpas.