Popular Bible Verses from Genesis 22

Share

Abraham-el apmer renh itnewek INGKARTel Wantem. Lyert aley renh itneweyel INGKARTel Wantem apwert ikwerenhel. Itnan renh anthek, apmer Tyarlap-tyarlap ran. Itnan renh anthek Akngeyeley. Apwert ilperr-ilperr renhan.

“Isaac, alerengkw ngkwenhant aknga apmer yanh-warl, Moriah-warl. Atyeng aknga Apwert renhan atha ngkweng tnernemarl. Aknga renh tyenkerr-anem atyeng. Atwey-alha renh, tyenkerr-anem. Ikwerek-anem tyenkerr-anem atyeng atwa! Yanhan alerengkw ngkwenhan.”

“Ipmay! ipmay! Abraham ipmay!” Angel-an angkek. “Abraham ipmay! Atwey-angenh! Yanh atha ngenh iterl-areyel-anem. Alerengkw ngkwenh ayenh anthek ntwa. Ngkwenh. Anyent-antey. Impen-antey. Iterl-areyel-anem. Athap ngenh anthem ampa arnkengeny-anem. Akngerr-anem.”

Awey rap apatey-alhek, “Aker nthenharl ngkwenh tyenkerrew? Yep-yepew?” Abraham renh-anem ayernenh. Awey apatenh-anem. Abraham-anem ikwer angkenh, “Akngeyelarl tyenkerr anthem.”

Ngenh anthem ampa arnkengeny-anem, akngerr-anem. Ampa akngerr-anem atha ngenh antheman. Athap ngenh anthem ampa arnkengeny-anem. Akngerr-anem. Ampa akngerr-anem atha ngenh antheman. Apmer arrpanenh-anem ampa ngkwenhel tern ilkwernem akngeman amentew-ament. Tern ilkwernem-anem. Apmer arrpanenh-anem. Tern arrpanenh ngkwenh ingkerrenh akngerrirreyenh, ahern akely-rnem akngerr aynteyel-apeny. Ampa ngkwenhel-rnemey. Athap ngenh arntarnt-arem irrwerl-theyan, ngarl atyeng awelhek. Athap ngenh arntarnt-areman Abraham-ay.”

Abraham renh Akngeyel arrkernek, nthekwern irrem ran wenh. Arraty renh arrkernek Akngeyel, ikwer-angkwarr anetyek apek. Akngeyan ikwer arlkek, “Abraham-ay!” “Ilekekay!” ran angkek.

INGKART-kenh angel angkek ikwer, “Abraham, Abraham!” “Ilekekay?” Abraham-an angkek.

Angel ikwer angkek arrpemarl, “Ngarl impenirrey-angenh atyeng angwenhirrek, impenirrey-angenh alerengkw ngkwenhek.

Akngeyelarl Abraham renh ilek-angkwarr, akngeyel ratherr anperl-alhek-anem. Apwert ilperr-ilperr renhan ra arratyilekan. Rwernem ampwerrety-inenh arratyilemel. Awey renhan tyweney-alhek rlterr-atherr itep-atherr renhap athenew-anem. Awey renhan arertnek ra, rlterr-atherr itep-atherr.