Popular Bible Verses from Genesis 37

Share

Ingwer-ingerelan Joseph-el altyerr-anem arek. Ra awayikw-rnem ilek, rarl altyerr arek. Rernem ikwer ahelirrek.

Jacob Joseph-ekant inkwerelhek alerikw ingwer-rnem-theyan, rarl ingkerneny ikwerenh. Arnkwa arlkeny ingwerek-ingwer-akert aylpey-angker ra anthek.

Joseph-kenh awayikw-rnem ikwer ahelirrek, ikwerantarl aynikw inkwerelhenh-kety, arnkwa mwerr-angker anthek-kety. Rernem ikwer-itwek angka mwerr angkerrey-angenh-anem.

Joseph-el altyerr ingwer-anem arek. Ra awayikw-rnem angka ilek, rarl altyerr arek, “Ingkeny-then alkent-then antyarr 11-pel, rernem atyeng kwenirrek Atyetyartek-apeny.” Joseph-el ikwer-rnem anayntiley-angenh-antey.

Awayikw-rnem ikwer ahelirrek. Aynikw ikwerenh aleth-antey iterrenh, ywarn-antey, rarl angka renh ilekek.

Joseph angkek, “Atyeng arringkerr awelhenherr-arey. Anwingkerr atherrk weyt-rnem arlwarey-arlwarey akwetyemel arertneynenh, ataperrelemel arraty rnkernemel. Atherrk ntang weyt-akert ataperr arlwa atyenh arraty rtnek. Ataperr arrekingkerrenhan ikwer kwenirrekarl, atyetyartekarl kwenirrem-apeny.”

Anwingkerr renh irrkwewarl iwey, ingwer-rnem-warl ilerl-anemel atnwenth ahelengkwel renh arlkwenty-arrpantey. Ran ilwentyel, rap atyetyart aney-angenh-anemarl!”

Joseph-kenh awayikw-rnemel renh tharlemiletyek weker-rnem-warl. Irrkethey tyerrek. Weker-rnemel renh payemelek, ngkwelty 20-pel-ek. Rernem Joseph renh akngek apmer Egypt-warl.

“Yanh ra apetyeyel altyerr arey-angker, tnakelherl-aney-angker. Atyetyart ilelherl-aney-angker! Mpa, anwingkerr ywerrelhemel atwey!

Awayikwel-rnem renh arnarek, rernem ikwer angkerrek, renh atwetyek.

Ra angkek, “Apmer arlpaw-warl renh akngey, irrka ilkwewarl renh iwetyek.” Ra ikwer iterrenh aynikw-warl akngeynetyek-antey irrkewarl iwenty-penh, renh ayerrpiletyek.