Popular Bible Verses from Johannes 14

Share

Wokiyapi aiḣpeciyapi; wookiye mitawa cic̣upi: wicaśta akantu kicic̣upi he iyecen cicupi śni. Ihnuhan cante niśicapi qa kopehda yaunpi kinhan.

Unkan Jesus heciya; Canku, qa wowicake, wiconi ko he miye; tuwedan Ateyapi kin en u śni, miye eciyatanhan ecedan en u ece.

Ihnuhan eante niśicapi kinhan; Wakantanka wicayadapi, qa miś nakun wicamayadapi.

Tuka Wicakicanpte, Woniya Wakan kin hee, Atewaye cin micaje on uśi kte cin he, taku owasin onspeniciyapi kta, qa taku eciciyapi kin owasin kiksuyeniciyapi kta.

Tuwe mitawoahope yuho c̣a, hena ope cinhan he waśtemadake cin ee; qa tuwe waśtemadake cinhan, Atewaye cin he waśtedake kta, qa miś nakun waśtewadake kta, qa en mihdutanin kta ce.

Hehan Ate cewakiye kta, unkan wicakicanpte wan tokeca ntc̣upi kta, he owihanke wanin nicipi un kta. Wowicake Woniya kin hee, oyate kin he icu okihipi śni, tohinni wanyakapi śni qa sdonyapi śni; tuka niye he sdonyayapi, he nicipi un qa en niunpi kta.

Qa micaje kin on taku yadapi kinhan, ecen ecamon kta; Ateyapi kin Cinhintku kin on yutanpi kta e heon. Taku wanji micaje on yadapi kinhan, ecen ecamon kta.

Waśte mayadapika hecinhan, mitawoahope kin tanyan yuha po.

Ate ti kin en ounyanpi kte cin ota yanka; he hecece śni unkanś ociciyakapi kta tuka; ekta wahde c̣a oyanke kin ciciyuśtanpi kta.

Ekta mde c̣a oyanke ciciyuśtanpi kinhan, hehan ake wau qa acihdapi kta; hecen miś waun kin he en niś nakun yaunpi kta.

Itancan, tokiya de cin sdonunyanpi śni, tokiya tanhan canku kin he sdonunyanpi kta he, Thomas eciya.