Popular Bible Verses from Roma 1

Share

Messiya tawootanin waśte kin on imaśtece śni; he niwicaye kte cin on Wakantanka to waśake kin hee, tona wicadapi kin hena en, Juda wicaśta kin he tokaheya, qa hehan Helenes wicaśta kin hena.

Heon etanhan Wakantanka owotanna oḣanye cin he wacinyanpi kin etanhan wacinyanpi ekta yuotaninpi; wowapi qon iyececa, Tuwe owotanna kin he wacinyanpi on ni kta ce.

Maka kagapi kin hetanhan Wakantanka towakan qa towaśake otokahe wanice cin hena tanin, hena wanyagpica śni eśta, taku kage cin on etanhan sdonyapi ece; hecen on woanaḣbe yuhapi kte śni.

Qa hecen Wakantanka sdonyapi, tuka Wakantanka iyecen yutanpi śni, qa pidapi śni; tuka tawacinpi kin ekta waḣanḣanic̣ida ayapi, qa iye cantepi wacintonśni kin otpas aya.

Hena Wakantanka wowicake tawa kin woitonśni kagapi, qa taku icaḣyapi kin he yuonihanpi qa ohodapi, waicaḣ ye cin he isanpa, he qe owihanke wanin yawaśtepi nunwe.

Maḣpiya kin etanhan Wakantanka tocanniye kin yuotaninpi, woaktaśni owasin qa wicaśta woaḣtani econpi kin en, tona woaḣtani on wowicake kin anaptapi kin hena en.

Heoa etanhan wocantiheye śice cin en Wakantanka awicay uśtan; hecen winoḣinca wicayuhapi kin hena e wicoḣan owotanna kin yutokecapi, qa owotanna śni econpi ece. Qa wicaśta kin iś eya winyan yuhapi kin he ayuśtanpi, qa iś iyepi otoiyohi winktapi on kicicinpi, wica kin wica kici wowiśtece okiciḣanyanpi, qa iye tancan mahen waḣtanipi kin taku iyohi kte cin he yuhapi. Qa Wakantanka wacin en yuze wacinpi śni kin he iyecen, Wakantanka is eya wicotawacin waḣte śni kin en awicayuśtan, hecen taku wowiśtece kin hduśtanpi kta.

Ksapeic̣idapi kin en icunhan witkotkoka icaḣ ayapi. Qa Wakantanka ṭepica śni towitan kin he wicaśta ṭe kte cin ouncage kin iyecen yutokecapi, qa zitkadan, wahutopa, watutka kin hena koya.