Popular Bible Verses from मत्ती 15

Share

लेकिन जो बुरी बात आदिमी का मुँख भटे निकल छी, उ मन भटे निकल छी, और उई उ आदिमी स अशुद्ध करछ्यो। क्याखिनकि मन भटे बुर-बुर बिचार, ब्यभिचार, चोरी, हत्या, परस्त्रीगमन, झूठ्ठी गैवे, और निन्दा जस विचार मन भटे निकलानान।

जो मुँख भटे जाछो, उ आदिमी स अशुद्ध नै करूनो; लेकिन जो मुँख भटे भ्यार उछो, उई आदिमी स अशुद्ध करछो।”

‘इन लोग बातुन ले त म्येरो आदर करनान, लेकिन इनोरो मन मैं है दूर रूछो। और बेकार में मेरि अराधना करनान, क्याखिनकि आदिमीन का बनाईना का नियमून सिखूनान।’”

यो बात सुणिभेरन यीशु ले ऊस जबाब दीछ, “हे स्यैनि तेरो विश्वास भौत ठूलो छै, जसो तैं चाँछी ऊसोई हो।” और उकी चेलि उई बखत चंगी हो जाछी।

लेकिन उ स्यैनि यीशु का पास आभेरन उक खुटान में खिती जाछी। और यीशु थैं कुछी, “हे प्रभु मेरि मद्दत करा।” यीशु ले ऊस जबाब दीछ, “यो ठीक नाहातिन कि नानतिनान को खानो, कूकुरुन का सामुनि डालून।” उले क्योछ, “यो बात सच्ची छै प्रभु! लेकिन कुकुर ले अपून मालिका मेज भटे खीतिनको चूर-चार खानान।”