Popular Bible Verses from Mataayo 24

Share

Wiiki, gho kubha amasari ngaakubha ghëëngiire, abhaato bhaaru mbaghotigha kobhasiigha abhande. Amare wuure aghoghumereri mbagha mo‑ntenero, uyo niwe naghotooribhu.

Wiiki Angʼana Anchömu e bhutëmi bho Mwishaaro nekuraghanibhu mo‑matöngö ghoose kubha abhaato bhoose bhayimënyë. Kwo riibhagha riyo, niho antenero e se ekuucha.

“Kwo riibhagha riyo mookubha morooghu amangʼana gha mahë na nyughunyughu e riihë. Motaacha kubha na amacheeche gho kubha ghayo ngakwëndëru ghaköru, amare antenero eyeene akeere.

Ase imu nekurööna na ase ayende no obhutëmi bhumu mbokurööna no obhutëmi obhonde. Aghëëcha ne emerighito ghe se ngekorwera mo‑chaase chaaru. Ghayo ghoose ngaakubha kinya ghusëëma kwo bhosongo hano omukari ahëënda kwibhora.

Erishaaro na ase mbekoheta, amare amangʼana ghaane ghataakoheta naabha.

Abhaato bhaaru mbakuucha kwo riina reene, bharabhugha, ‘Eni neeni Kirisito!’ Nabho mbakobhangʼiina bhaaru.

Kwo riibhagha riyo, abhaato mbaakubha bharabhanyaaki na kobhiita, na abhaato bha matöngö ghoose mbakobharëgha, gho kubha moghuntambana eni. Niho abhaato bhaaru bhano bhaghutambana bhaghontigha. Mbaakubha bhariigharurana na kurëghana abheene kwo bheene. “Eriibhagha riyo, mbakorwera abharööti bhaaru bha bhuröngö na kobhangʼiina abhaato bhaaru.

Yesu akabhagharokeri akabhugha, “Mubhe amiisho, omooto wowoose ataacha kobhangʼiina!

Gho ghiri iyo, na niinyu mubhe mwisëëmiri eriibhagha ryose, gho kubha eni Omoona o Mooto nekuucha kwo riibhagha rino motitëngʼiire.”

Mbe, mubhe miisho, gho kubha moteeche orosiko runo eni Omutëmi waanyu nekuucha.

“Amare, ighoro e rosiko ne eriibhagha re kuucha koone, taanyi‑ho omooto uno eche, koru bhamarayika bha Mwishaaro, amare n‑Taata waane omwene chiri.

Mbakuucha abharööti bha bhuröngö na abhaato bhano bhakwibherekera Kirisito. Mbaakubha bharaköra ebhyërëkërëri bhekoro ne ebhiraghe bhekoro, kubha bhasaki kobhangʼiina koru bhano bhaahwiru ne Eryobha.

Gho ghayo, okuucha koone eni uno neenyi Omoona o Mooto ngookubha kinya bhuno ere mo‑chaasiko che Nuhu. Mo‑chaasiko chiyo hano ambura e ghwichoreru ere ekeere kuucha, abhaato mbaare bhararaaghëra na kunyo, mbaare bharakwira na ghokwiru mbagha orosiko runo Nuhu asöhiri mo‑safina. Abhaato bhayo, bhataamanyiri kubha neke ghekuucha korwera mbagha hano oghwichoreru kwo manche korweriire na kobhiita bhoose. Hangʼu nibhu ekubha kuucha koone eni uno neenyi Omoona o Mooto.